1.3.Breve xustificación do mesmo

Tendo en conta a contextualización normativa, o Plan Dixital ten relación cos seguintes textos:

• Art. 111 bis, Art. 121 e Art. 132 da LO 2/2006, de 3 de maio, de Educación.

• Disposición adicional quinta da Resolución do 17/6/2021, da Secretaría Xeral de Educación e FP, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 21-22.

• Disposición adicional terceira da Resolución do 18/6/2021, da Secretaría Xeral de Educación e FP, pola que se ditan instrucións para o desenvolvemento dos ciclos formativos de FP do sistema educativo no curso 21-22.

• Resolución do 3/9/2021, da Secretaría xeral de Educación e FP, pola que se ditan instrucións para o deseño e elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

1.2.Contextualización do Plan Dixital no centro. Contribución ao Proxecto Educativo do Centro

Características socioeconómicas e culturais do contexto do centro

O centro está ben integrado no seu entorno, constituíndo un importante lugar de referencia para os habitantes do lugar. Nestes últimos cursos vense de dar un cambio importante na procedencia do alumnado, xa que este proven na súa maior parte doutras zonas de influencia, así temos que máis do 60 % do noso alumnado na actualidade procede doutras parroquias de Cangas e incluso do Concello de Moaña. Deste xeito podemos afirmar que a oferta cultural e deportiva á que accede o noso alumnado e moito maior xa que ademais das actividades que se poden realizar en Aldán (basicamente deportivas) sumaremos culturais (conservatorio e escola de música de Cangas, escola de teatro, escolas de danza...) e moitas outras deportivas (clubes deportivos de tenis, fútbol, baloncesto, balonmán, voleibol, tenis de mesa...).

Polo que respecta á actividade económica das familias predominan as ocupacións no sector terciario e o nivel económico estaría nun estadio medio.

Incardinación e contribución do PD ao Proxecto Educativo. Relación con outros Plans e proxectos do centro

O Plan Dixital do centro atópase en continuo contacto e serve de referencia para todo o relacionado coas tics. Así podemos afirmar que o equipo de profesorado que conforma o equipo tics asesora en todo momento ao todo o profesorado en relación ás dubidas e problemas que xorden no uso diario das tics.

No que se refire á traxectoria do centro no ámbito das novas tecnoloxías destacar a participación nos seguintes programas: 

Programa E-Dixgal, 

Introdución á robótica desde o curso 17-18, 

Observaacción no curso 19-20 na modalidade de Dixitalización, 

Programación en scratch

Ademais destes, o centro ten unha ampla traxectoria en participación en distintos programas nos últimos cursos: 

Contratos Programa Innova, 

Plans Proxecta, 

Erasmus +, 

PLAMBE desde o curso 08-09, 

Programa Radio na Biblio, 

Voz Natura, 

Pluriinfantil

Contribución do PD á Programación Xeral Anual do curso 22/23

A contribución do Plan Dixital á PXA do curso vindeiro está especificada no punto 3.1. referido a Obxectivos, indicadores e accións. Estes fan referencia a temáticas sobre a elaboración dunha estratexia dixital, formar ao profesorado nas normas sobre dereitos de autoría e licenzas de uso ou a proporcionar ferramentas e estratexias ao alumnado de EP para analizar a fiabilidade da información.

O proceso de elaboración atópase no anexo I

Unha avaliación procesual unha vez ao trimestre no que se valorará:

• O estado da execución das accións.

• A análise e valoración dos resultados.

• De ser o caso, as posibles modificacións das accións e as propostas de mellora.

Unha avaliación final ao rematar o curso académico no que se valorará:

A valoración do logro dos obxectivos e as propostas de mellora.

O estado da avaliación quedará reflectido nas táboas do plan de acción recollidas no apartado 3.1

Ademais as reunións trimestrais programadas co mentor ADIX.

En primeiro lugar destacar que o coordinador do Equipo dinamizador do Plan Dixital estivo de baixa desde o mes de xaneiro ata final de curso polo que foi moi difícil desenvolver o plan de acción. Tendo isto en conta, facemos a seguinte valoración por obxectivos: 

O01PD: Elaborar a estratexia dixital do centro. 

Pensamos que este obxectivo era moi ambicioso. Precisamos de máis tempo polo que continuaremos o curso que ben coa elaboración da estratexia dixital do centro. Destacar a axuda do noso mentor ADIX facilitándonos documentos relativos á distribución dos criterios de avaliación e contidos dixitais do currículo de primaria. Tomando como base eses documentos, o curso que ven elaboraremos a estratexia dixital do noso centro.

O02PD: Formar ao profesorado nas normas sobre dereitos de autoría e licenzas de uso

Este obxectivo pensamos que foi acadado en parte xa que un porcentaxe de profesorado non ten en conta os dereitos de autoría e as licenzas de uso. Creouse un curso na aula virtual do centro onde se atopa unha chea de información sobre esta temática.

O03PD: Debatir sobre vantaxes e desvantaxes do uso das tics

Este obxectivo cumpriuse

O04PD: Actualizar os dispositivos dixitais das aulas

Este obxectivo tamén se cumpriu. Este curso asinouse un contrato de mantemento cunha empresa informática, deste xeito a reparación do equipamento así como a instalación da maqueta abalar nos equipos das aulas foi unha tarefa que se realizou ao longo do curso.

O05PD: Proporcionar ferramentas e estratexias ao alumnado de EP para analizar a fiabilidade da información

Este obxectivo cumpriuse parcialmente. Non nos deu tempo a elaborar unha guía didáctica adaptada ao alumnado sobre información fiable e veraz pero si recopilamos información para levalo a cabo no próximo curso. Si realizamos unha compilación de páxinas web fiables sobre distintas materias.

As propostas de mellora do curso vindeiro encamiñaranse a:

- Acadar o obxectivo 1 referido a elaborar a estratexia dixital do centro.

- Mellorar a porcentaxe de profesorado e alumnado que teña en conta os dereitos de autoría e as licenzas de uso.

- Proporcionar ferramentas e estratexias ao alumnado de EP para analizar a fiabilidade da información.

Este Plan Dixital será publicado na páxina web do centro