O obxectivo principal da elaboración deste Plan Dixital é a de mellorar a Competencia Dixital do noso alumnado integrando as novas tecnoloxías (ordenadores, tablets, Monitores Dixitais,...) nos diferentes niveis, áreas e/ou materias impartidas no Centro; de xeito que o noso alumnado poida buscar, analizar, relacionar, compartir,... información e empregala no seu proceso de ensino e aprendizaxe. Todo este proceso de implantación realizarase de xeito que se poidan integrar as ferramentas dixitais dentro de todos os Plans e Proxectos que se desenvolven no Centro, tales como o Proxecto Educativo, o Plan de Acción Titorial, o Proxecto de Centro,... Neste sentido, o Centro xa conta con algunha actividade de innovación dixital, a participación en Snappet dun curso de Primaria dende hai 6 anos, a creación de contidos dixitais das diferentes conmemoracións celebradas no Centro,...

Ademais parece necesario mencionar a importancia que ten a redacción deste Plan para a mellora da Competencia dixital docente (CDD) a cal pódese definir como a "integración de coñecementos, destrezas, habilidades e actitudes que deben poñerse simultáneamente en xogo para desempeñar as funcións docentes implementando as Tecnoloxías da información e comunicación". Dita CDD queda regulada polo DECRETO 123/2021, do 2 de setembro, polo que se regula o Marco Galego de competencias dixitais e a certificación galega en competencias dixitais o cal establece que hai que contemplar a presenza das TIC dende unha dobre perspectiva. Por outra parte, como obxecto de aprendizaxe, na medida na que, xunto coa lectoescritura e o cálculo, forman parte da alfabetización básica. Por outra, os docentes e o alumnado deben empregalas como medios ou ferramentas para desenvolver calquer outro tipo de aprendizaxe.

Art. 111 bis, Art. 121 e Art. 132 da LO 2/2006, de 3 de maio, de Educación

- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

Para a elaboración do presente Plan Dixital, contouse coa participación de todo o Claustro do Centro, que mantivo reunións periódicas para a análise do contexto, para a elaboración do DAFO e dos obxectivos para o curso 24-25; así coma a súa participación de xeito individual na valoración do SELFIE e na enquisa de Competencia individual de cada mestra e mestre.

O procedemento de seguimento do desenvolvemento do plan e da consecución de obxectivos, indicando:

- No contexto da avaliación procesual, a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final, a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Acadáronse os obxectivos marcados.

Ampliar e actualizar os indicadores de cada obxectivo.

Para a difusión deste Plan Dixital a toda a Comunidade Educativa dispoñemos de varias vías de comunicación: notas informativas que se enviarán ás familias mediante o alumnado do Centro, notificación a través de AbalarMóbil e a comunicación e publicación na web do Centro.