1. Breve xustificación  do Plan Dixital en relación á normativa vixente

Decreto autonómico no que se recolle a obriga de inclusión do PD no Proxecto Educativo:
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia. Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

O que recolle dito artigo é o seguinte: “Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”

Nas normativa de desenvolvemento dos anteriores Decretos, concrétase a estrutura, que como mínimo debe contemplar o PD, no seguinte articulado:

Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.

Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

2. Contextualización do Plan Dixital no centro e contribución ao Proxecto Educativo.

Segundo a LOMLOE, o PDC é un instrumento de planificación que deberá estar integrado no PEC co fin de desenvolver a competencia dixital da comunidade educativa, promovendo a innovación e sacando o máximo partido das tecnoloxías da información e comunicación, así coma dos recursos educativos dixitais. É dicir, a contribución do PDC ao PEC e á PXA debe verse dende a perspectiva de como pode reforzar este plan o uso adecuado das novas tecnoloxías en toda a comunidade educativa.

Entendemos que as posibilidades didácticas e pedagóxicas que o acceso e a xestión da información e do coñecemento nos ofrecen, conceden á competencia dixital un peso específico como eixe transversal dentro da actividade docente. Así mesmo, a natureza complexa e globalizadora desta competencia, contribúe ó desenvolvemento do resto das competencias clave, especialmente a competencia en comunicación lingüística, a competencia social e cidadá e a competencia para aprender a aprender.

Sabemos que dispor de habilidades para buscar, obter, procesar e comunicar a información así como para poder transformala en coñecemento é unha prioridade e que esta importancia das novas tecnoloxías xustifica a confección deste PDC como documento de referencia que recolla e regule todos os aspectos que engloben a transformación dixital do noso centro educativo. Podemos dicir que este terá como referente a mellora nos tres ámbito de actuación da transformación dixital educativa: no ámbito da organización e xestión do centro, no da información e a comunicación, así como no ámbito referido ós procesos de ensino-aprendizaxe.

3. Proceso de elaboración.

O Plan Dixital do CEIP Noalla Telleiro foi redactado e aprobado en claustro e consello escolar en xuño de 2022.

O primeiro paso foi obter un informe de situación real do centro, de ahi que en decembro se pasara a enquisa a través da ferramenta SELFIE (ver anexo), da Comisión Europea.

En febreiro tivo lugar o Test da Competencia Dixital Docente (ver anexo), para obter un informe sobre a competencia dixital dos docentes do noso centro.

Cos datos obtidos, fíxose unha análise DAFO no que puidemos obter diferentes puntos de vista tendo en conta as fortalezas e debilidades internas e as ameazas e oportunidades externas que observamos tralos informes.

A principios deste curso 2023-2024 o equipo de Dinamización do Plan Dixital do Centro quedou formado polos seguintes docentes: Diz Iglesias, José Manuel (Secretario do centro) Meijón Couselo, Miguel Ángel (Director do centro) e José Ramiro Varela Ferradáns (Coordinador do PDC), que fixeron a concreción do plan establecendo uns obxectivos concretos para este curso.

O presente Plan Dixital de Centro ten que seguir un procedemento de seguimento ou de desenvolvemento dos obxectivos marcados para comprobar a consecución dos mesmos. Para ese fin, unha vez por trimestre indicarase a frecuencia das súas realizacións, o estado de execución das accións, a valoración dos resultados e as posibles modificacións ou propostas de mellora, de ser o caso. E tamén se levará a cabo unha avaliación final, valorando principalmente a consecución dos obxectivos e as propostas de mellora.

Serán indicadores significativos o grado de consecución dos obxectivos para poder facer os axustes e as melloras oportunas, dentro dos prazos previstos e das condicións de aplicación, e o informe de avaliación final do progreso incluirase na memoria anual do centro.

Tamén é preciso avaliar novamente e de xeito global a competencia dixital do centro, empregando novamente a ferramenta SELFIE. Esta avaliación sería ideal facela antes de rematar o curso académico, de xeito que permitise a súa revisión e actualización do PDC.

Pensamos que os obxectivos que se perseguían  cando se elaborou o presente plan se acadaron nunha porcentaxe moi alta. O seguimento e a participación nas distintas accións por parte dos mestres foi maioritario. Case todos participaron na formación para mellorar a súa competencia dixital e moitos utilizaron na aula os recursos traballados para realizar productos dixitais. Trasladaron a práctica ao alumnado, facéndoos así partícipes e utilitarios destes recursos.

No vindeiro curso estrearemos aula de Polos Creativos que están agora, en xuño, habilitando con mobiliario e, entre outras ferramentas, novas tecnoloxías dixitais das que non dispoñemos o suficiente coñecemento (impresora 3D, robots...). O Plan dixital estará enfocado na formación, utilización e posta en práctica na aula destas novas máquinas. Haberá logo que coma neste ano crear un grupo de traballo a principios de curso, formarse nalgunha destas tecnoloxías e despois levar os coñecementos á aula para crear cos alumnos productos finais.

Enviouse un correo a todos os mestres do claustro e membros do consello escolar donde aparecen as instruccións para poder visualizar o Plan Dixital. Tamén está colgado o enlace na páxina web do centro para que toda a comunidade educativa o poida visualizar.