O PLAN DIXITAL do noso centro promoverá, neste mundo dixitalizado e interconectado, a transformación dixital do centro mellorando a competencia dixital da comunidade educativa.
Tamén queremos contribuír a configurar o futuro dixital do noso alumnado, onde as tecnoloxías dixitais xoguen un papel clave para construír a unha sociedade de igualdade de oportunidades e unha ensinanza-aprendizaxe innovadora e creativa.
Este plan vaise concibir como un documento vivo, no cal toda a comunidade educativa vai a intervir, cada un na medida das súas posibilidades e co seu nivel de formación.

No CEIP Plurilingüe de Rubiáns entendemos a educación dun xeito global como parte do desenvolvemento da personalidade humana, debendo ser a actividade escolar un medio para logralo, exercendo unha función compensadora de desigualdades.
O plan dixital é un instrumento de planificación integrado no PE que persegue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensino-aprendizaxe nos distintos plans e programas do centro. O plan dixital concíbese comoun documento vivo que contén os acordos alcanzados no centro con respecto aos obxectivos xerais do plan, as estratexias de dinamización e xestión dos recursos tecnolóxicos e a inclusión das TIC nas diferentes concrecións curriculares. Aínda que o plan dixital garda unha estreita relación coa competencia dixital, a natureza complexa e globalizadora desta implica que as decisións tomadas neste documento contribúen tamén ao desenvolvemento do resto das competencias, especialmente, á personal, social e de aprender a aprender.
O Plan Dixital contribuirá a mellorar o proxecto documental integrado (PDI) do centro coas súas actividades para innovar e experimentar, tratando de que o alumnado regule a súa propia aprendizaxe, desenvolva a creatividade, resolva problemas e tamén servirá como elemento integrador doutros proxectos como Edixgal e Polos Creativos 

Dende o CEIP Plurilingüe de Rubiáns pretenderemos que o Plan Dixital contribúa á Programación Xeral Anual do curso 23/24 ao servir de marco as accións e tarefas impulsadas polo equipo Tic e polo equipo do Plan dixital. Por un lado, realizarando as accións que se citan no apartado 3.1 para mellorar a competencia dixital de toda a comunidade educativa e por outro lado programando actividades con ferramentas dixitais relacionadas co Proxecto Documental Integrado para mellorar a creatividade e autonomía do noso alumnado.

O PLAN DIXITAL do noso centro ten como marco lexislativo:

Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.

Artigo 34.1 do  DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.

Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

O PLAN DIXITAL do centro foi elaborado polo equipo de dinamización do mesmo. 

Para facer o seguimento deste plan empregaremos como instrumento de avaliación as táboas do PLAN DE ACCIÓN marcando no estado (realizada, aprazada ou pendente).

O seguimento e avaliación deste PLAN DIXITAL correrá a cargo do coordinador do mesmo coa colaboración do equipo creado ao principio de curso.

Para o seguimento deste plan e da consecución dos obxectivos recollidos no mesmo levaranse a cabo dous tipos de avaliación:

1. Avaliación procesual: esta avaliación realizarase unha vez ao trimestre e nela efectuarase a valoración do estado de cada acción, indicando o estado no que se atopa cada unha das accións (realizado, aprazado ou pendente), valoraranse os resultados obtidos e realizaranse propostas de mellora, se fora o caso.

2. Avaliación final: ao final do curso farase unha avaliación do plan dixital en conxunto e o conseguinte axuste do PLAN DE ACCIÓN coa proposta de mellora para o curso seguinte

A valoración xeral foi bastante positiva. A integración das TIC nas dinámicas de aula e no PDI do centro foi  a correcta a través do uso destas por parte do profesorado como recurso didáctico no traballo diario como e do alumnado comoferramenta de traballo e creación.

Utilizáronse diferentes recursos (audiovisuais, plotter de corte, impresora 3d, robots...) por parte do alumnado e do profesorado.

Durante este curso escolar, as aulas virtuais do alumnado non Edixgal non se utilizaron en gran medida. Sería necesario retomar ese traballo.

O PLAN DIXITAL será difundido entre a comunidade educativa polas seguintes vías:

• Web do centro: publicación en pdf do PLAN DIXITAL.
• Por parte da dirección enviarase unha mensaxe de ABALAR MÓBIL, para informar ás familias do alumnado da publicación do PLAN DIXITAL.

Enlace ao Plan Dixital do centro