1.1. Datos básicos do centro
A EEI de Donramiro é unha escola situada na parroquia de Donramiro, pertencente ao concello de Lalín e situada na rúa A Capela número 6.
Nela traballamos dúas mestras como parella educativa con 21 nenos e nenas con idades comprendidas entre os tres e os seis anos. Ademais, contamos coa especialista de inglés e relixión.
Entre os piares metodolóxicos que sustentan o noso traballo atópanse o fomento do contacto coa natureza e o arte, a resposta ás necesidades individuais de cada alumno/a e a busca constante de formación e actualización pedagóxica.
1.2. Contextualización do Plan Dixital no centro. Contribución ao Proxecto Educativo do Centro
A escola de Donramiro está situada a escasos 500 metros do centro urbano da vila de Lalín, polo que a meirande parte do noso alumnado procede da mesma e é alí onde se concentra a maioría da oferta cultural.
O nivel socioeconómico e tamén o cultural das nosas familias é moi variado.
Actualmente o proxecto educativo atopase en proceso de remodelación, e incluirá o Plan Dixital e calquera outro programa no que participemos.
O Plan Dixital formará parte da Programación Xeral anual do vindeiro curso 2022/2023.
1.3. Breve xustificación do mesmo
A nivel lexislativo, a normativa na que se fundamenta a elaboración do Plan Dixital é a que se enumera a continuación:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
1.4. Proceso de elaboración
A grandes trazos o proceso de elaboración do Plan Dixital do noso centro xirou en torno a unha serie de momentos centrais:
Novembro de 2021: inicio de contacto coas persoas ADIX. Aceso á aula virtual.
Decembro de 2021: Aceso a plataforma SELFIE e configuración e envío do mesmo.
Febreiro de 2022: Elaboración do Test de Competencias Dixitais Docentes.
Marzo de 2022: Creación do DAFO da nosa escola.
Abril e Maio de 2022: A partir dos resultados do DAFO, establecemento de obxectivos prioritarios de traballo e das liñas de actuación dos mesmos.
Xuño de 2022: Elaboración do documento do Plan Dixital de centro.
