Contribución do PD á Programación Xeral Anual do curso 22/23.
Na programación xeral Anual,marcamos uns obxectivos para a mellora das competencias dixitais e o uso das novas tecnoloxías.
- O primeiro obxevtivo é familiarizar ó alumnado có uso da pizarra dixital, mediante o uso do material didáctico dixitalizado e a manipulación directa da pizarra dixital.
- O segundo obxectivo é cambiar a percepción que o alumnado ten do pc como unha ferramenta só para xogar. Para cambiar esta percepción consideramos que é básica a manipulación diaria do pc, manexando, por exemplo, os números e as letras do teclado.
- Como terceiro e último obxectivo marcamos a importancia de promover a responsabilidade no coidado e uso axeitado dos dispositivos dixitais. Para isto asignarase un responsable semanal para que vixíe o correcto aceso dos soportes informáticos na aula,así como a observación das acción da mestra na conexión e desconexión dos soportes informáticos da aula.
De seguido,poñemos en contexto a normativa en relación co Plan Dixital do noso centro:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Para elaborar este Plan dixital precisamos formar un equipo de dinamización ,o cal se encargaría de elaborar e difundir entre as docentes, as actividades propostas para poder concluir, avaliar e mellorar a situación na que se atopa o centro no ámbito dixital.
A continuación imos numerar os pasos seguidos:
Cuestionario na plataforma SELFIE : do cal pudemos extraer un informe que analizaba e diagnosticaba a situación do centro.
Test CDD (Competencia dixital docente): A partires deste test, pudemos obter un informe grupal sobre a competencia dixital do profesorado que serviu e servirá para planificar unha formación futura.
Elaboración dun informe DAFO : Neste informe tivemos que reflectir e analizar: os recursos internos do noso colexio ( as nosas Debilidades e Fortalezas)e a contorna do mesmo (Ameazas e Oportunidades).
Obxectivos do plan de acción: Trala análise DAFO establecemos uns obxectivos (concisos e realistas)que se pretenden conseguir co desenvolvemento do Plan Dixital e que fagan posible o cambio que queremos no noso centro.
Elaboración do Plan Dixital.
A partir do Informe SELFIE, TCDD e outras fontes, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Todas as accións previstas para este trimestre foron completadas correctamente.
Neste trimestre levouse a cabo a formación programada para poder executar os obxectivos propostos para o plan dixital.
Neste trimestre concluímos a formación recibida,e levámola ás nosas aulas. Espuxemos nas últimas reunións programadas ,co grupo de traballo e con todo o claustro, o aprendido durante a formación e obtivemos unha valoración positiva cara ó logro dos obxectivos propostos no plan dixital. Como propostas de mellora,acordamos seguir formándonos para acadar todos os obxectivos exitosamente e agardamos recibir algunha axuda para proporcionar dispositivos dixitais ao alumnado.
O procedemento de seguimento do desenvolvemento do plan e da consecución de obxectivos, avaliarase da seguinte forma:
- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- No contexto da avaliación final levarase a cabo, como mínimo, unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
O plan dixital foise avaliando cada trimestre,e fumos facendo seguimento del en cada reunión proposta.O grupo de traballo foise formando para, pouco a pouco ir acadando os obxectivos propostos. A formación recibida foi moi positiva e actualmente estamos a desenvolver moitas actividades no panel dixital nas nosas aulas.Destas actividades poderemos engadir algunhas nun dos obxectivos propostos no noso Plan Dixital.
As competencias dixitais dos nenos/as tamén foron mellorando, o alumnado de 5 e 6 anos, xa son quen de encender o ordenador de aula e incluso tamén o panel dixital. Teñen aínda algunhas dificultades para apagar o ordenador, consideramos unha actividade complexa, xa que parte deste alumnado (maior) aínda non sabe ler ou faino con dificultades.
-Consideramos que para poder acadar os obxectivos propostos no Plan Dixital , precisamos de máis formación e adquirir así máis competencias dixitais para transmitilas nas nosas aulas.
-Seguimos a precisar de máis dispositivos dixitais para o noso alumnado, pensamos que así lles será moito máis doado desenvolverse coas novas tecnoloxías sen que a súa idade sexa ningún impedimento.
Como estratexia ou protocolo para a publicidade e difusión do plan dixital entre toda a comunidade educativa utilizaremos o Facebook, o Instagram, a aplicación abalar,o correo electrónico e o Blog (en canto esté actualizado).
Tamén se expoñerá no taboleiro de anuncios para todos/as aqueles/as interesados/as en botarlle unha ollada.
