CEIP PLURILINGÜE ROSALÍA DE CASTRO CÓDIGO 36012584
Dentro do marco de innovación educativa a contribución do plan dixital de centro ao Proxecto educativo será o da transformación dixital de centro e o do desenvolvemento das competencias clave no proceso ensino aprendizaxe mediante actividades relacionadas co currículo, coa PXA ou con proxectos que poidan xurdir tanto a nivel centro como nos distintos niveis educativos.
As vindeiras xeracións forman e van formar parte dun mundo conectado, no que se van ver rodeados de dispositivos electrónicos. Dende o noso centro de ensinanza buscamos dotar o alumnado e o profesorado das medidas tecnolóxicas necesarias que lles permitan adoptar o ensino a realidade social na que viven os nosos cativos na actualidade. Hai que precisar que a incorporación das tecnoloxías á educación en xeral, e os procesos de ensino – aprendizaxe en particular, xa están presentes na nosa Comunidade Autónoma, e se establecen coma unha peza clave na producción do cambio metodolóxico que posibilite un salto cualitativo na educación. Os recursos dixitais non só transformarán os contidos desenvoltos a unha presentación distinta da tradicional, senón que xerarán oportunidades para un maior desenvolvemento das competencias clave e o mesmo tempo esto posibilitará unha maior implicación de país/nais/titores legais, docentes e alumnado no proceso educativo. Neste sentido o Plan dixital de centro contextualízase dentro do seguinte marco normativo:
-
Art. 111 bis, Art. 121 e Art. 132 da LO 2/2006, de 3 de maio, de Educación
-
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
-
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
-
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
-
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
O proceso de elaboración do PD foi levado a cabo de maneira gradual. Despois da presentación do Adix (asesor dixital) de zona que se nos foi asignado, creouse un equipo de Dinamización para a análise da competencia dixital do centro e elaboración do plan dixital. Despois das primeiras reunións levouse a cabo a análise da competencia dixital do centro mediante a ferramenta SELFIE onde todos os membros da comunidade educativa (profesorado e alumnado) contestaron as preguntas tanto as que xa veñen propostas coma as que elbaromaos o equipo do PD, para logo xerar un informe cos resultados acadados e que o equipo de dinamización estudiou para analizar e preparar o seguinte paso que é o DAFO. Antes de poñerse co DAFO, na aplicación FPROFE cada profesor tivo que realizar o TESTCDD para o análise da súa competencia dixital que logo xera un informe co teu nivel de competencia dixital. O informe xeral foi valorado polo equipo de dinamización do PD para a elaboración do DAFO xunto co informe SELFIE. A elaboración do DAFO tivo lugar en varias reunións do equipo a continuación iniciouse a redacción do plan de acción cos obxectivos SMART para a posterior elaboración, deseño e redacción do Plan Dixital de centro.
Todo este proceso tivo lugar durante o curso académico 2021-22 e ademáis das reunións do equipo houbo reunións todas as semanas co Adix por videoconferencia, reunións presenciais, participación en cursos de formación, como o encontro de coordinadores/as de actividades de formación en centros, e a participación no I Congreso de innovación educativa e dixital.
No curso 2022-23 levouse a cabo a implementación do plan dixital no centro de maneira gradual cumplindo os obxetivos marcados guiados polos indicadores. O asesoramento por parte do Adix con reunións e conexións por distintos medios ao longo do curso de maneira periódica foi altamente positiva. A participación nun PFPP relacionado co P.D. axudou a implementar dito plan no colexio.
Neste curso 2024-25 continuamos coa implementación do plan Dixital, como así dicta a normativa vixente, actualizando obxetivos, indicadores e propostas de mellora que xurdiron na avaliación do plan que tivo lugar a finais do curso pasado por parte do equipo.
