O Plan dixital, elaborado no curso 2021-22 e que comezou a poñerse en marcha en 2022-23, ten como finalidade esencial a mellora, programada e avaliada, das competencias dixitais do profesorado e alumnado a partir da análise das características específicas do centro. Esta análise reflicte os seguintes resultados:
O nivel socioeconómico medio do alumnado, procedente maioritariamente da zona de O Calvario, é baixo, o cal é un obstáculo para o desenvolvemento de Plan, xa que algúns alumnos/as non contan con ordenadores con acceso a Internet en casa e teñen que acceder á páxina web do colexio ou á aula virtual mediante o móbil, o cal limita bastante o seu aproveitamento. O seu coñecemento xeral e eproveitamento das TIC limítase, en moitos casos, ás RRSS.
O Plan Dixital complementa e axuda ao desenvolvemento dos outros plans xa establecidos ao dotalos dunhas ferramentas útiles que permiten explorar outros sistemas de aplicación (no PAD, por exemplo, convén valorar pedagoxías máis activas que axuden ao alumnado, se ben depende de cada caso e non é aplicable de xeito xeral).
Deste xeito, nas programacións xerais anuais incluiranse as ideas básicas e os obxectivos do curso co fin de que os docentes teñan unha referencia de que se pretende conseguir e como poden ser aproveitados os recursos en cada etapa para ampliar as competencias do profesorado e alumnado e mellorar a implantación das Tecnoloxías da Información e Comunicación.
Neste curso 2024-25 tentarase afondar nos obxectivos do curso anterior parcialmente conseguidos e cumprir outros novos, o que se consignará nas memorias trimestrais e final, así como tamén desenvolver accións formativas sobre o uso responsable das TIC (abuso, seguridade dixital, usos non axeitados, ciberacoso, etc.).
A normas lexislativas deste plan son:
Durante o curso 2021-22 fíxose unha análise das características do centro, profesorado e alumnado a partir de 5º EP: informe SELFIE e informe DAFO, o que permitiu establecer as liñas xerais e os obxectivos do Plan dixital para o curso 2022-23. Toda esta información pode consultarse nos anexos subidos a esta aplicación, así como os seguimentos e avaliacións en 2022-23 e 2023-24 e as propostas de mellora.
A análise dos datos anteriores, que marca o punto de partida das accións, indica unha formación deficiente en alumnado e profesorado, que cómpre ir subsanando coa mellora das CDD mediante os cursos pertinentes e e a posta en práctica de ferramentas útiles para a docencia, a planificación docente (optativas en ESO), a formación de grupos de traballo e o desenvolvemento de novas ferramentas pedagóxicas. Os obxectivos do Plan dixital, así como as propostas de mellora, van nesa dirección e, ao mesmo tempo, tratan de ser realisatas a adaptarse as condicións socioeconómicas do alumnado, á contorna do centro e ás capacidades económicas deste. A avaliación anual indicará se é o camiño axeitado e permitirá facer as correccións pertinentes.
Avaliación trimestral, nos dous primerios trimestres do curso, en reunións de etapa dos equipos de EI, EP e ESO. Avaliación final, conxunta, do cumprimento dos obxectivos O01PD a O011PD. Indicadores de logro: Acadado, Parcialmente, Pendente.
Trimestralmente e valoración final dos obxectivos marcados: O01PD- Fomentar actitudes críticas do alumnado sobre os pros e contras das TIC a partir de charlas e actividades complementarias, O02PD Utilizar software libre, O03PD- Mellorar equipos e instalacións, O04PD- Usar aula virtual, O05PD- Mellorar as CDD, O06PD- Superar 50% contido práctico nas materias Tecnoloxías e Dixitalización e Educación dixital ESO, O07PD- 1 clase/sem instrumentais primaria con TIC, - O08PD- Fomentar a colaboración do profesorado para seguir unhas liñas comúns no uso das TIC e avanzar na aplicación de ferramentas dixitais na atención á diversidade (casos de PT e AL), - O09PD- foemtar a participación dos docentes en grupos de traballo no CFR para formarse en temas de interese común,- O010PD- Mellorar a comunicación ao alumnado de 4º ESO das probas oficiais de competencias dixitais e favorecer a súa participación, O011PD- Favorecer o uso de ferramentas oficiais na nube, coa fin de aforrar papel e mellorar o acceso dos docentes a documentación non sensible do alumnado.
Para elo farase unha reunión dos equipos de EI, EP e ESO do PD no primeiro e segundo trimestres e unha reunión conxunta ao final de curso, coa fin de debater os obxectivos acadados/non acadados e en que medida. Tamén se establecerán directrices de mellora e debatiranse asuntos de interese relacionados coas TIC.
Foron comunicadas as liñas xerais do PD e obxectivos do curso 2024-25 no Claustro do 29 de outubro do 2024. Rexistrado en acta.
Foron comunicadas as liñas xerais do PD e obxectivos do curso 2024-25 no Consello escolar do 29 de outubro do 2024. Foi aprobado e rexistrado en acta.
O Plan 2024-25 está a disposición de pais/nais e alumnado na páxina web do centro no enlace do apartado "Documentos do centro".
