1. Introdución
1.1. Datos básicos do centro
Nome: CPR. Plurilingüe Las Acacias
Dirección: Camiño da Parrocha-26 – 36214 Vigo (Pontevedra)
Correo: cpr.lasacacias@edu.xunta.gal
Etapas Educativas alumnado e profesorado:
• Infantil: 138 alumnos e 9 profesores
• EP: 144 alumnos e 9 profesores
• ESO: 112 alumnos e 16 profesores
• Bacharelato: 33 alumnos e 14 profesores
1.2. Contextualización do Plan Dixital no centro. Contribución ao Proxecto Educativo do Centro
O colexio Las Acacias comezou a súa andadura no curso 1966-67 co obxectivo de axudar a pais e nais na educación dos seus fillos, e ofrecer ás familias e á sociedade de Galicia unha educación de calidade, integral, creativa e innovadora. A maioría das familias do colexio son de nivel sociocultural medio. Proceden de zonas residenciais de Vigo e de localidades próximas coma Pontevedra, Baiona, Marín e arredores.
Como parte da educación, na que se pretende axudar ás familias, está o uso adecuado das tecnoloxías. No noso centro está a apostarse desde hai tempo polo fomento das mesmas incorporando taboleiros dixitais como ferramenta didáctica nas aulas, o uso de ultraportátiles por gran parte do alumnado en substitución de libros físicos, emprego da intranet para o intercambio de información entre o colexio e as familias,.... Pero o uso da tecnoloxía ten tamen sus perigos. Para formar aos alumnos e as súas familias no bo uso da tecnoloxía realízanse periodicamente charlas nas que tanto expertos tecnolóxicos como dos corpos de seguridade do estado móstrannos por unha banda boas prácticas e por outro perigos dun uso inadecuado. Como parte desa aposta do colexio pola tecnoloxía poténciase a participacion do alumnado en concursos /proxectos onde esta sexa a protagonista. Exemplos disto é a nosa participación na First Lego League, Regata Solar de Marine Instruments, Galiciencia, Galicia Skills,...
O Plan Dixital pode ser un medio para seguir impulsando a incorporación de ferramentas tanto hardware como software no ámbito académico y por eso pasará a formar parte dos documentos importantes figurando no Proxecto Educativo do Centro para o curso 2023/24 xunto co resto dos documentos e plans da organización.
1.3. Breve xustificación do mesmo
O Plan dixital do noso centro foi elaborado no contexto das seguintes normativas:
• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
• Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
• Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.
• Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.
1.4. Proceso de elaboración
O Plan Dixital do Centro foi elaborado seguindo unha serie de pasos ata chegar ás conclusións finais. Comezouse coa realización dun SELFIE no que se obtivo unha instantánea do punto no que se atopa na actualidade o noso centro en relación coa estratexia e a práctica no uso das tecnoloxías dixitais da ensinanza e aprendizaxe dende o punto de vista de equipo directivo, o profesorado e o alumnado. Dita instantánea serviu de punto de partida para identificar e analizar fortalezas e debilidades que se plasmaron nun diagrama DAFO. Co fin de poder planificar a formación futura do profesorado no ámbito dixital realizouse, tamén, un Test de Competencia Dixital no que participaron os profesores do centro. A última fase foi o establecemento dos plans de acción e os seus obxectivos.
Con toda información recollida nas accións anteriores elaborouse un Plan Dixital de Centro.
Para a elaboración de dito plan contouse coa participación de toda a comunidade educativa sendo a coordinadora do proceso Pilar Doval Gónzalez, tendo tres colaboradoras: Natalia Constenla na etapa de Educación Infantil, Ana Álvarez Rosendo na etapa de Educación Primaria e Silvana Gómez Gómez na etapa da ESO.
