Breve xustificación do mesmo

O plan dixital se enmarca dentro do actual marco normativo da lexislativo vixente. Seguindo unha orde de maior a menor rango, estaría rexido polas seguintes leis:

• A Lei Orgánica 2/2006, de 3 de maio, de Educación, Lei Orgánica 3/2020, de 29 de decembro pola que se modifica a Lei Orgánica 2/2006, de 3 de maio, de Educación especifica que se debe promover o uso das TIC como medio didáctico tratando de contribuír a minimizar os efectos da fenda dixital por xénero ou outros aspectos socioculturais. (art 111 bis). Tamén incide en fomentar a confianza e a seguridade no uso das tecnoloxías, prestando especial atención ás situacións de violencia na rede e observando o respecto á normativa reguladora da información dixital e os dereitos de propiedade intelectual ademais de concienciar sobre o respecto dos dereitos de terceiros. O acceso ás novas tecnoloxías basearase nos principios de non discriminación impulsando un compromiso educativo entre familias e centro e neste contexto, deben atender á diversidade propoñendo modelos de programación e materiais accesibles (art. 121). Para estes fins, a dirección do centro dirixirá, promoverá e coordinará a innovación educativa (art 132). 
• Neste marco lexislativo nacional, a Comunidade Autónoma de Galicia publicou a Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022. Nesta normativa autonómica se regula a elaboración por parte dos centros docentes durante o curso 2021/22 do plan dixital (Disposición adicional quinta).
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 establece que a coordinación do plan dixital será realizado polo equipo de dinamización do Plan Dixital formado pola persoa directora do centro e outra persoa do claustro, que no caso do noso centro será a persoa coordinadora do equipo TIC.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia, no que se recolle a obriga de inclusión do PD no Proxecto Educativo: “Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa, no que se concreta a estrutura, que como mínimo debe contemplar o PD.

Contextualización:

A Escola Infantil “Cristo da Victoria” de Vigo está situada na zona este do barrio de Coia, preto de centros comercias, praias, estaleiros, fábricas e tamén montes. É un barrio moi poboado que se foi creando sobre terreos de cultivo, a partir dos anos 60. Na actualidade conta cunha poboación de máis de 30000 habitantes. O presente Plan Dixital incardínase dentro da liña marcada no Proxecto Educativo e na Programación Xeral Anual contribuíndo ao desenvolvemento dos diversos plans e proxectos do centro:

• Plan de dinamización da Lingua Galega.
• Plan de atención á diversidade.
• Plan de Convivencia.
• Programa Innova EduSaúde.
• Outros proxectos de centro vinculados ás actividades complementarias relacionadas coas conmemoracións escolares: Samaín, Magosto, Día internacional contra a violencia de Xénero, Día da declaración dos Dereitos humanos, Nadal, día da Paz, Entroido, Semana da Prensa, Día da Muller Traballadora, Día do Libro, Semana das Letras Galegas, Día mundial do medio ambiente. Por último, o Plan Dixital potenciará directamente o Plan de dinamización das TIC de xeito que supoña un importante impulso para a implementación necesaria e definitiva das novas tecnoloxías na vida cotiá de toda a comunidade escolar.

 Proceso de elaboración

Seguindo as instrucións da resolución do 3 de setembro de 2021 o proceso de elaboración do plan dixital levado a cabo polo Equipo de Dinamización do Plan Dixital seguiu as seguintes fases: 

• Fase de análise da situación do centro a través de 2 instrumentos: 
• Informe SELFIE.- con aportacións de equipo directivo e todo o profesorado do centro.
• Test CDD.- Realizado por todo o profesorado do centro.
• Fase de diagnose de situación do centro.
• Informe sobre Debilidades, Ameazas, Fortalezas e Oportunidades (en adiante DAFO).- elaborado polo equipo de dinamización do plan dixital.
• Curso 21-22: Fase de elaboración do Plan Dixital.
• Deseño do plan de acción.- polo equipo de dinamización do plan dixital.
• Elaboración do Plan dixital propiamente dito.- equipo de dinamización do plan dixital
• Curso 22-23: Implementamos o plan e empregamos a aplicación EduCalidade.
• Curso 23-24: Novos obxectivos no Plan Dixital.
• Seguimos empregando o DAFO que fixemos en 21-22 e a experiencia acumulada nestes dous anos.

A través do PDC propoñemos unha serie de obxectivos que haberá que acadar nun tempo determinado durante o curso 2023/24. A avaliación dos obxectivos propostos, farémolo do seguinte xeito e despois engadiremos as conclusións neste documento:

1. Faremos unha táboa de avaliación e repetirémoa para cada obxectivo proposto.

2. Cada táboa serve para avaliar todos os obxectivos propostos nesa liña estratéxica. Na táboa engadiremos o obxectivo e as accións relacionadas co mesmo e cos indicadores de logro según os seguintes niveis de consecución:
Acadado, parcialmente ou pendente.

3. Finalmente, iniciaremos o proceso de reflexión e poremos por escrito aquelas melloras que nos gustaría propoñer para os obxectivos que o requiran, do seguinte xeito:
a. Que valoración global fai o profesorado da súa aplicación na aula? E o equipo directivo e os membros do equipo do plan dixital?
b. Manterase o obxectivo?
c. Coa súa implantación, convertéronse en novos obxectivos específicos ou derivados da mesma?
d. É necesario engadir actuacións? Quitar? Modificar os existentes?
e. É necesario concretar con máis detalle aspectos relativos aos responsables, temporalización ou avaliación?
f. Tendo en conta o obxectivo proposto, parécenos oportuno presentar outros novos que completen e melloren a experiencia deste primeiro?
(*Estas preguntas u outras que poidan ir xurdindo nos dará as pautas para realizar unha
avaliación máis reflexiva e concisa que poderemos reflectir posteriormente nunha rúbrica.)

Avaliarase tanto o proceso, como a consecución do obxectivo ao final do propio proceso. Polo tanto estableceranse dous tipos de avaliación:

- Avaliación procesual.- Realizarase ao final de cada trimestre e incluirán o estado da execución das accións, a análise e a valoración dos resultados. De ser o caso, tamén as posibles modificacións das accións (e os motivos) e as propostas de mellora.
- Avaliación final.- Realizarase a final de curso e incluirá a valoración do logro dos obxectivos e as propostas de mellora.

Os obxectivos propostos durante este curso realizáronse con éxito de forma xeral, sendo estes obxectivos moi útiles e prácticos no devenir diario da escola.

O claustro implicouse de forma axeitada na súa consecución e conseguimos unificar formatos na subida de contidos á paxina web, aumentamos os recursos realizados de forma dixital para o beneficio do noso alumnado, e empregamos algúns dos recursos que nos ofrecen as lousas dixitais. Ademais, cabe destacar que todas as mestras actualizámonos no uso de ferramentas dixitais, tanto para subir contidos como para realizar recursos. 

O único obxectivo acadado parcialmente foi: A03.2. Deseño de actividades empregando recursos dixitais. A formación e os recursos dos que dispoñemos neste aspecto (e tendo en conta que o noso alumnado é de Educación Infantil) non nos permitiu levar a cabo este obxectivo de forma completa. Puidemos inicialo pero non chegamos a realizar 10 actividades dixitais. Ademais, tivemos que cambiar a formación do PFPP para o Plan Dixital por formación en Polos Creativos, polo que non puidemos continuar coa aprendizaxe neste sentido. 

Polo tanto, de cara ao curso que vén manteremos este obxectivo pero reducindo o número de actividades e intentando buscar recursos que nos permitan acadalo.

En canto ao resto de obxectivos, xa que foron acadados, en setembro faremos unha revisión por se é necesario repetir algún deles, xa que hai algún que nos permite estar en continua actualización e consulta entre nós para mellorar a nosa competencia dixital.

 

Difusión do plan dixital. Neste ámbito será necesario definir os protocolos ou estratexias que serán necesarios para organizar as revisións do plan e aplicar as actualizacións oportunas, así como publicitar e difundir o plan dixital entre a comunidade educativa.

PROTOCOLOS OU ESTRATEXIAS PARA A DIFUSIÓN DO PLAN DIXITAL

Acción Destinatarios Canle Responsable Difusión do Plan ao Claustro de profesorado: Na primeira reunión xeral informar ao claustro a través dunha presentación.

Coordinadora TIC Difusión á Comunidade Educativa: Inclusión do Plan Dixital no PEC para a difusión do mesmo na web do centro*

Equipo directivo Difusión ás familias: Na reunión xeral a comezo de curso informarase do proxecto e as accións nas que estarán implicadas Equipo directivo

Nota*: daráselle publicidade e difusión entre toda a comunidade educativa por medio da súa publicación na páxina web do centro dentro do bloque “O centro” no elemento do menú “Regulamento do centro”.

http://www.edu.xunta.gal/centros/eeicristodavictoria

https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=36010265