1.Introdución
1.1.Datos básicos do centro
O CEIP Plurilingüe Carballal- Cabral sitúase na Rúa Lomba nº1 en Cabral- Vigo, con dirección de correo electrónico ceip.carballal.cabral@edu.xunta.es contamos con páxina web no seguinte enlace: https://www.edu.xunta.gal/centros/ceipcarballalcabral/
O número de alumnado do centro é de 113 alumnos, repartidos en unidades completas, dende 3 anos ata 6º de Primaria, polo que contamos con 9 unidades e 16 compoñentes no claustro de mestres.
1.2.Contextualización do Plan Dixital no centro. Contribución ao Proxecto Educativo do Centro.
1.2.1 CARACTERÍSTICAS E CONDICIÓNS DA CONTORNA
O CEIP Plurilingüe Carballal-Cabral está situado no barrio de Carballal enclavado na Parroquia de Cabral pertencente ao Concello de Vigo. Cabral é unha das parroquias máis grandes e diversas de Vigo.
Este barrio está situado na zona Nordeste do Concello, moi preto do aeroporto e linda co Concello de Redondela e de Mos. Constitúe unha zona semi-urbana onde a poboación está bastante espallada en vivendas unifamiliares e con terreo.
A actividade económica da zona está baseada en pequenos negocios e tendas. A agricultura e gandería está moi pouco desenvolvida cunha produción fundamentalmente de autoconsumo (produtos de horta).
Moitos habitantes da zona desprázanse diariamente a Vigo para traballar ben na industria como no sector servizos.
Comunicacións: por estar situada moi preto do Aeroporto de Vigo está moi ben comunicado co Centro da Cidade e con acceso directo á autopista AP-9.
Servizos: transporte urbano (dúas liñas), carece de mercado e Centro de Saúde, tendo que desprazarse a Vigo (Calvario e Lavadores).
Deportes: Conta cun pavillón polideportivo e piscinas ao aire libre de uso exclusivo en verán, propiedade da potente Comunidade de Montes de Cabral. Conta cun importante club de balonmán o Club de Balonmán Carballal, e ademais no campo de fútbol adestra un club histórico da cidade de Vigo, o Gran Peña. A zona tamén dispón de instalacións deportivas pertencentes ao Real Aeroclub de Vigo onde dispón de piscina, cancha de tenis, paddle e campo de golf e por suposto, un aeroporto para vos de práctica.
Actividade Cultural: Na zona desenvólvese unha gran actividade cultural, sendo diferente as asociacións que conviven: Asociación cultural “O Coto”, Asociación de amas de Casa “Rosalía de Castro”, Banda de música “As Delicias de Cabral” e a Banda de música de Cabral pertencente a unha asociación veciñal. As instalacións do propio Colexio son sede da Asociación Cultural “O Coto. En Cabral atópase o Instituto Feiral de Vigo (IFEVI) onde se levan a cabo numerosas actividades expositivas, pero tamén culturais e deportivas importantes. No IFEVI atopase a sede da escola de gaitas e percusión de Vigo.
Colexios: Un Centro de Educación Especial CEE “Saladino Cortizo” e tres Centros de Educación Infantil e Primaria: ademais do noso están o CEIP Santa Mariña e o CEIP “O Sello”. Un centro concertado coas tres etapas obrigatorias: CPR Martín Codax.
O noso alumnado está adscrito ao IES Carlos Casares, situado na parroquia de Bembrive.
Familias: O alumnado maioritario do Centro vive na zona, en casas unifamiliares que, en moitos casos, comparten cos avós e polo tanto estes desempeñan un papel moi importante no coidado e educación dos nenos. Sen embargo, temos alumnado que vén dende outras zonas de Vigo, Redondela, Mos, grazas a que o centro dispón do servizo “Madruga”.
1.3.Breve xustificación do mesmo.
Durante o curso escolar 2020/2021 e ante a situación vivida no curso anterior do confinamiento por COVID-19 as administración públicas decidiron que os centro debían de ter un plan dixital e de novas tecnoloxías para todo o seu profesorado.
Polo que no curso 21/22 encargouse os centro e os equipos directivos a elaboración do mesmo. Dito plan dixital segue a seguinte normativa:
· LO 2/2006 do 3 maio no seus artigos: Art. 111 bis, Art. 121 e Art. 132
· Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
· Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
· Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia.
Tamén hay que ter en conta a seguinte notmativa:
- Art. 111 bis, Art. 121 e Art. 132 da LO 2/2006, de 3 de maio, de Educación.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
- Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
- Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
- Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
- Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
