Plan do centro
Vixencia
Introdución
Contexto DAFO
Obxectivos
Seguimento
No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Durante o primeiro trimestre do curso 2022/2023 comezamos a realizar as accións que, segundo o Plan Dixital, estaban previstas.
Con respecto ao obxectivo 01PD (Actualizar e renovar os dispositivos dixitais do centro) foimos quen de realizar a primeira acción, a cal resultou cunha valoración positiva. Porén a segunda acción está pendente de se realizar xa que precisamos facer unha nova solicitude de renovación de equipos.
Os obxectivos 02PD (Mellorar a comunicación da estratexia dixital do centro) e 04PD van no bo camiño, xa que as accións previstas para o primeiro trimestre realizaronse en prazo.
O terceiro obxectivo 03PD (Iniciar ao profesorado na creación de recursos dixitais e compartilos na aula virtual do centro) ten todas as accións previstas para este primeiro trimestre aprazadas.
No segundo trimestre do curso 2022/2023 continuamos coas acción que tiñamos previstas.
En canto ao obxectivo 03PD (Iniciar ao profesorado na creación de recursos dixitais e compartilos na aula virtual do centro), realizamos todas as accións que tiñamos aprazadas dende o primeiro trimestre: creación de aulas virtuais para compartir recursos, microformacións sobre H5P para a creación de recursos dixitais, publicación das actividades desenvoltas.
Os obxectivos 02PD (Mellorar a comunicación da estratexia dixital do centro) e 04PD continúan no bo camiño, xa que as accións previstas para o segundo trimestre foron realizadas antes do prazo previsto.
Para rematar o curso facemos unha valoración xeral dos obxectivos conseguidos e os que foron aprazados para o vindeiro curso.
01PD e 04PD: Realizamos as accións que tiñamos previstas.
02PD: Temos unha acción en proceso e aprazada para o vindeiro curso: A02.3: Compartir e avaliar as diferentes tarefas desenvolvidas.
03PD: Temos unha acción aprazada para o vindeiro curso: A03.3: Publicar e avaliar as actividades desenvoltas, a cal e moi similar á acción A02.3 do obxectivo 02PD polo que cando se faga unha revisión deste plan dixital deberemos modificalas para evitar reciprocidades.
Avaliación
O procedemento de seguimento do desenvolvemento do plan e da consecución de obxectivos, será o seguinte:
- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
En xeral, a valoración é positiva xa que os obxectivos foron acadados preto do 90%. Quedaría pendente a avaliación dos recursos dixitais creados e compartidos polo profesorado.
- Modificar as aulas virtuais creadas para compartir os recursos para que sexan mais intuitivas e sinxelas de empregar.
- Solicitar o proxecto de Polos Creativos de cara ao curso próximo.
- Rematar o acondicionamento e posta a punto do espazo da radio escolar.
Comunicación e difusión
Co obxectivo de dar a coñecer o Plan Dixital ao resto da comunidade educativa, empregáranse diferentes publicacións da web do centro, na aula virtual e a través de Abalarmóbil. Estas fáran referencia ás distintas accións de mellora que se irán desenvolvendo ao longo do curso para implementar o Plan.