Este Plan Dixital (PD) integrase dentro do Proxecto Educativo de Centro (PEC) do centro, como un elemento dinamizador do día a día.
O Plan Dixital debe tratar tódolos proxectos e Plans do centro, ofrecendo ferramentas de traballo motivadoras, inclusivas e, orientadas a todo o noso alumnado sexan cales sexan as caracteristicas persoais e de referencia sociofamiliar.
Do mesmo xeito, a Programación Xeral Anual (PXA) do vindeiro curso 24/25, deberá ter en conta este Plan Dixital (PD, de aquí en diante), para desenvolver os obxectivos establecidos no Plan de Acción. Asi mesmo, este PD formará parte do Plan de Integración das TICs, que se inclúe na PXA.
1. Xustificación do mesmo.
A LOMCE establece:
Artigo 111 bis. Tecnoloxías da Información e comunicación.
§ As condicións nas que se debe desenvolver a xestión dos datos académicos do alumnado de xeito que se cumplan os protocolos de protección de datos e se empreguen formatos que garantan a interoperabilidade entre os diferentes sistemas empregados no sistema educativo estatal.
§ Faise referencia aos contornos virtuais de aprendizaxe, as caracterísitcas destes e ao seu emprego dentro da vida académica.
§ Faise fincapé na necesidade de que as diferentes adminstracións educativas promovan o emprego das tecnoloxías da información e a Comunicación como método axeitado e valioso para levar a cabo tarefas de ensino e aprendizaxe procurando a eliminación de condutas de risco.
§ As administracións educativas revisarán os marcos de referencia da competencia dixital que orienten a formación inicial e permanente do profesorado de xeito que se facicite a implantación dunha cultura dixital nas aulas.
§ As adminstracións educativas velarán polo acceso de todo o estudantado aos recursos dixitais precisos que garantan a igualdade de oportunidades entre todos os escolares.
Artigo 121. O proxecto educativo de Centro.
§ O proxecto educativo de centro recollerá así mesmo a estratexia dixital do centro de acordo co establecido no artigo 111bis.5.
Artigo 132. Competencias das direccións dos centros.
Inclúe dentro das competencias das persoas directoras promover a innovación e experimentación con novos métodos de ensino encamiñados a acadar os obxectivos propostos no PEC.
Disposición adicional quinta da Resolución do 17 de xunño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021- 2022.
§ Indícase que os centros docentes elaborarán no curso 2021/22 o seu plan dixital de acordo coas instrucións que se diten.
Resolución do 3 de setembro de 2021, da Secretaria Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
§ Esta resolución tiñan por obxecto establecer as medidas de actuación relativas ao deseño, elaboración e implementación do Plan Dixital para o curso 2021-2022, nos centros docentes sostidos con fondos públicos correspondentes ao ámbito de xestión da Comunidade Autónoma de Galicia, así como definir os principios, obxectivos e referentes que o deben guiar. Defínense o proceso de redacción, a temporalización, o sistema de coordinación e determínanse os recursos que se van empregar neste proceso.
1.1. Proceso de elaboración.
Formouse un Equipo para a Dinamización do Plan Dixtal con un coordinador e a presenza de tódolos membros do Equipo Directivo. En certos momentos do proceso, foi necesaria a participación de todo o Claustro para a recollida de datos.
O Equipo do Plan Dixital recibiu varias xornadas de formación, ademáis de facer reunións para a análise dos datos recibidos e a elaboración do Plan de Acción.
A temporalización foi a establecida para a realización do Plan Dixital, tendo en conta a Resolución do 3 de setembro de 2021.
Ademáis desta normativa, precisa no momento da súa elaboración a día de hoxe, debemos de ter en conta algún articulado dos Decretos autonómicos, nos que se recolle a obriga de inclusión do Proxecto Dixital no Proxecto Educativo, para cada unha das ensinanzas do noso centro:
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Estes artigos reflexan o seguinte:
“Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”.
Nas normativa de desenvolvemento dos anteriores Decretos, determinase a estrutura, que como mínimo debe contemplar o PD, no seguinte articulado:
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
