O CEIP Plurilingüe Cruceiro é un centro público que está asentado na parroquia de Vilalonga, pertencente ao Concello de Sanxenxo, provincia de Pontevedra. Atópase no lugar de O Revel e foi inaugurado no ano 2021. O colexio linda con outras instalacións públicas existentes na zona: o campo de fútbol municipal, a gardería municipal e o centro de saúde de Vilalonga. Dispón de amplas zonas de aparcamento nas inmediacións, así como zonas verdes para o lecer. O edificio no que se atopa o centro está composto por un semisoto, unha planta baixa e un andar. O centro foi deseñado e construído para albergar dúas liñas, pero durante este curso só hai dúas clases en 4º e 6º de primaria. A entrada principal do colexio leva a un amplo recibidor. Collendo á dereita accédese a un gran espazo de usos múltiples no que se localiza o comedor, un espazo para psicomotricidade do alumnado de infantil e un espazo versátil para diferentes usos, e cara a esquerda accédese ás instalacións da planta baixa: conserxería, dirección, secretaría, xefatura de estudos, sala de mestres, departamento de orientación, a biblioteca e tres amplas aulas de infantil. Estas últimas tamén teñen un acceso independente desde fora e contan con patio semicuberto propio. No primeiro andar están as aulas de primaria, a aula de música, a aula de inglés e un aula de matemáticas. O ximnasio atópase no semisoto contando con acceso interior dende o centro. Compleméntase cunhas pistas descubertas para a práctica de distintos deportes. O centro ten un patio exterior con dúas partes semicubertas para o tempo de recreo. Tamén un espazo verde onde os nenos poden xogar. Durante esta pandemia puidemos observar que non todas as familias podían acceder aos traballos propostos desde o colexio debido en moitos casos a carecer de conexión a internet, a compartir dita conexión entre varios irmáns en idade escolar, nalgúns casos a carecer de dispositivos cos que poder traballar. O centro participa do Proxecto Abalar e ofrece unha educación dixital par as aulas de 5º e 6º de educación primaria grazas á iniciativa de educación dixital E-dixgal. Este curso pasado e o anterior, profesorado do centro participou nun PFPP de Robótica e durante este curso 2021-22 o centro tamén participou do Programa Radio na Biblio.
Este Plan dixital está adaptado ao establecido na seguinte normativa: ¿ Art. 111 bis, Art. 121 e Art. 132 da LO 2/2006, de 3 de maio, de Educación ¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 ¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022 ¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implantación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Proceso de elaboración • Preparación do SELFIE. • Compartir enlaces co alumnado e profesorado para realizar o SELFIE. • Obter o informe de centro SELFIE. • Realización do informe grupal do test CDD. • Informe da análise DAFO. • Procura dos obxectivos do Plan de Acción • Realización de Plan Dixital
