1.Breve xustificación do mesmo
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
2. Proceso de elaboración
A elaboración do Plan Dixital iniciouse coa configuración dun equipo específico con tres mestres/as que seguiron as liñas marcadas pola Liña 1 do PFPP relativo a Plan Dixital e asesoría Adix Vilagarcía 2.
O equipo está composto por:
- María Dolores Dios Rodiño
- Brenda Meis Diz
- M.ª Hortensia Pérez Machado
A liña de traballo constou de tres momentos:
- A recollida de información aplicando as ferramentas SELFIE e test CDD para obtención de información seguindo as directrices do marco común de estratexia dixital Digcomporg.
- A reflexión de necesidades, fortalezas, ameazas e oportunidades, DAFO, empregando a información recollida previamente.
- Elaboración dun plan de acción que será recollida na redacción final do Plan Dixital, de aplicación para o vindeiro curso.
3.Contextualización do plan dixital no centro e contribución ao proxecto educativo.
A finalidade da nosa Escola é que o alumnado aprenda e se forme como individuo da sociedade na que vive, levando a cabo una pequena analise hai algúns anos que a experiencia do uso das TIC puxo de manifesto as seguintes situacións:
1. A "alfabetización dixital" é útil e necesaria.
2. Os programas que utilizaban os/as alumnos/as estaban baseados na filosofía do reforzo. Non posibilitan que sexan creativos/as porque só permiten elixir unha opción entre varias nin tampouco asegura transferencia de habilidades a situacións novas e reais.
3. O uso da tecnoloxía non era garantía de motivación para o/a alumno/a.
4. Introduciuse o ordenador como fonte de coñecemento da mesma forma que antes o era un libro ou un profesor. Internet e multimedia usouse máis para ensinar que para aprender.
5. Os programas utilizábanse para que os/as alumnos/as realicen tarefas complementarias que consoliden aprendizaxes de coñecementos. Noutras ocasións foron ferramentas para potenciar a produtividade: procesador de textos, programas gráficos, etc.
Con intención de contribuír a superar as situacións citadas anteriormente, no CEIP Magaláns-Dorrón decidimos desenrolar en Educación Primaria un programa cos seguintes obxectivos:
1. Fomentar a imaxinación, indagación e procura máis alá da simple reprodución.
2. Promover unha aprendizaxe activa.
3. Favorecer o pensamento crítico: descubrir, analizar, anticipar, diferenciar, clasificar, comparar, relacionar, distinguir, sintetizar,... É dicir: pensar e tomar decisións.
4. Favorecer a construción de coñecemento dentro do contexto curricular. Trataríase de converter a información en coñecemento.
5. Adquirir unha adecuada formación en valores relacionados co uso da tecnoloxía.
6. Priorizar a vertente cooperativa da aprendizaxe.
7. Favorecer o desenvolvemento das habilidades instrumentais que permitan representar de forma oral e escrita os contidos de aprendizaxe.
8. Utilizar modelos de ensino/aprendizaxe variados: resolución de problemas, proxectos, estudo de casos, etc.
O plan Dixital do centro sen dúbida vai influír en diferentes aspectos na programación xeral do vindeiro curso, xa que nel van reflectidos distintos compromisos de formación e de actuacións que terán que ter a súa cabida na PXA, en tanto serán eixos primordiais das actividades de formación do vindeiro curso académico.
Por outra banda cada ciclo terá que determinar, tal e como se verá nos obxectivos deste plan Dixital, os contidos a traballar co alumnado para a realización do itinerario de formación básica en contornas dixitais. Estes contidos serán integrados nas programacións de aula e se fará referencia a eles na propia PXA como obxectivos de ciclo.
