O Centro está situado no Val do Alvedosa, na estrada de Redondela-Fornelos, no Concello de Redondela. A súa poboación, con dous mil douscentos cincuenta e cinco habitantes (2.255), é de tipo disperso, de apreciable densidade, en torno aos 300 habitantes por quilómetro cadrado. A análise da pirámide de poboación deixa ver que mingua no pé, razón pola que nos atopamos no paso a unha poboación envellecida. O ámbito de actuación do centro abrangue as parroquias de Reboreda e Ventosela. A parroquia de Reboreda conta cos seguintes barrios: Santo Paio de Arriba, Santo Paio de Abaixo, Asnelle de Arriba, Asnelle de Abaixo, Quintana e Pousadouro.
Para levar a cabo este mal aplicouse a seguinte normativa
Art. 111 bis, Art. 121 e Art. 132 da LO 2/2006, de 3 de maio, de Educación.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
O Equipo de Dinamización do Plan Dixital conformado polos membros de Equipo de Dinamización TIC. En Novembro de 2023, a coordinadora do Plan Dixital xunto co ADIX (Ramón Allegue Barreiro), seguíu as instrucións e pasos indicados. Ao longo de todo o curso o centro participou no PFPP relacionado co ámbito STEAM onde se analizaron as necesidades e fortalezas do centro.
A partir do Informe SELFIE, TCDD e outras fontes, o centro xenerou a seguinte análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
O seguimento do presente plan dixital farase a través de reunións trimestrais do equipo TIC xunto co equipo directivo para valorar o bo funcionamento do plan.
O procedemento de seguimento do desenvolvemento do plan e da consecución de obxectivos realizarase da seguinte forma:
• No contexto da avaliación procesual a frecuencia da súa realización será como mínimo unha vez ao trimestre. Dependendo do tipo de obxectivo que se queira avaliar, valorarase a posibilidade de aumentar a frecuencia. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
• No contexto da avaliación final a frecuencia da súa realización será como mínimo unha vez ao ano. Sera unha avaliación na que participarán todos os implicados na consecución dos obxectivos propostos.
Os aspectos a considerar incluirán, entre outros, a valoración do logro dos obxectivos e as propostas de mellora.
O presente plan dixital se comunicará á comunidade educativa mediante a publicación na páxina web do centro.
