Xustificación:
Normativa a aplicar en relación co Plan Dixital do centro:
Art. 111 bis, Art. 121 e Art. 132 da LO 2/2006, de 3 de maio, de Educación.
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO no curso académico 2021-2022.
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Contextualización:
A procedencia do alumnado do Centro é variada aínda que todos eles da bisbarra do Condado. Pertencen tanto a un medio urbán como a un medio rural disperso. O acceso a internet no rural é máis deficiente polas zonas de sombra.
O nivel, socio-económico das familias é medio e bastante heteroxéneo, contando con alumnado pertencente a familias do sector servizos e tamén alumnado procedentes de familias inmigrantes, uns hispanofalantes e outros non cun nivel económico, moitos deles, bastante baixo. Resaltar o cada vez máis crecente número de familias procedentes desde a concellaría de Servizos Sociais recomendando o noso centro pola atención prestada ao alumnado con necesidades de atención educativa.
A utilización dos elementos tecnolóxicos en si, non ten sentido algún se non vai acompañado dun relevante contido educativo. Tentamos que o Plan Dixital non sexa un proxecto illado senón que constitúa a base para futuros proxectos en constante adaptación á sociedade na que nos tocou traballar. Proxecto que aporta e aportará un novo xeito de traballar acorde coa actual sociedade eminentemente tecnolóxica e coa nova lexislación educativa. A educación non pode quedar ao marxe desta nova situación e o alumnado que formamos para o futuro debe estar preparado para acceder nas mellores condicións ao mundo laboral e a unha posterior formación superior. Este proxecto será a referencia base para todos os novos que se implanten no centro.
A comunicación entre profesorado e alumnado, para realización de traballos principalmente, faise de xeito sistemático usando os blogs, os sites, Classroom e os correos electrónicos.
En canto á contribución do PD ao PCC, os medios son necesarios e/ou case imprescindibles, pero non suficientes para que os plans de traballo teñan éxito. Unha das finalidades da Administración Educativa é precisamente ofrecer aos centros os recursos materiais, funcionais e a formación precisa para a incorporación e consolidación das NNTT de maneira integrada no currículo.
Impulsar liñas de traballo que orienten ao profesorado na incorporación das TIC no traballo escolar e nas súas diversas posibilidades didácticas.
Incidir na preparación de materiais para a súa utilización co alumnado e na reflexión sobre os cambios metodolóxicos e organizativos que fagan posible esta integración.
Facilitar a consecución de aprendizaxes significativos utilizando como recurso as NNTT e que o alumnado acade habilidades e destrezas tecnolóxicas de carácter xeral.
Potenciar a utilización das NNTT na educación sen ningún tipo de exclusión, promocionando o acceso a aquel alumnado en situación de desvantaxe social, xeográfica ou persoal.
Facilitar ao alumnado con dificultades de aprendizaxe a utilización de contextos de aprendizaxe coas NNTT nos que atopen medios adaptados ás súas características e ritmo de aprender.
Achegar ao alumnado as NNTT dende un punto de vista fundamentado e responsable que lles permita enfocalas dende unha perspectiva crítica.
Son competencias que se centran no proceso e permiten ao alumnado usar as posibilidades das NNTT dun modo funcional que favoreza e reforce o seu propio proceso de aprendizaxe. Trátase de que as NNTT sexan un instrumento para a adquisición da competencia, o uso e a transformación dixital da nosa sociedade.
Elaboración:
Unha vez formado o Equipo TIC, tómase a decisión de elixir a forma de comunicación máis rápida efectiva e sinxela. Optamos de forma unánime por crear un grupo de whatsapp común na que só se tratarían temas relacionados coa elaboración do Plna Dixital e coas ferramentas a usar nas TIC.
Anímase a todo o profesorado a participar no selfie e procúrase que participe tamén o maior número de alumnado.
Unha vez obtidos os resultados de selfie (máis altos do agardado, en xeral), úsanse como base de referencia para a elaboración da DAFO e en base a esta elabórase o Plan Dixital.
Este Plan será a base fundamental para calquera Proxecto que se leve a cabo no centro.
No claustro de final de curso foi presentado e de seguido informado o Consello Escolar.
Seguimento e evolución do Proceso en si.
Será realizada polo equipo TIC e as coordinadoras de etapa. Terá lugar ao remate da cada un dos trimestres. Realizarase unha análise das accións programadas e dos resultados obtidos en cadansúa acción. Redactaranse as posibles modificacións e as propostas de mellora. Fixaranse os responsables de cada acción e o cronograma asociado á mesma.
O Plan Dixital terá unha lapela específica na páxina web do centro. Será remitido a cada familia, por e-mail corporativo, a data e a posición do mesmo na web. Comunicarase, polo mesmo medio, cada unha das correspondentes modificacións/actualizacións que teñan lugar.
