Contextualización do Plan Dixital no centro. Contribución ao Proxecto Educativo do Centro O CEIP Plurilingüe Nosa Señora dos Remedios é un centro de titularidade pública que conta con 6 unidades de E. Infantil e 15 de E. Primaria. Ademais, conta con aulas de Apoio, Aula de Audición e Linguaxe, Aula de Informática, Aula de Música, Aula STEM (Polo creativo) e Biblioteca. O noso centro conta cunha ampla traxectoria no ámbito das novas tecnoloxías. Fai case dez anos que se conseguiu dotar a todas as aulas de canóns de vídeo, altofalantes e sistemas de conversión a encerado dixital. Non son os mellores modelos do mercado, pero conseguiuse que todas as aulas entraran nunha dixitalización conforme foi requirindo a propia sociedade. No curso 2006-07 creouse a primeira bitácora de centro, para no curso seguinte, comezar a empregar a web corporativa. No curso 2008-09 xa un bo número de mestres/as comenzaron a crear as súas propias bitácoras. O centro conta con un Equipo de traballo formado nas TICs, dende fai 14 anos, que se encarga de dinamizar e promover actividades entre a comunidade educativa, realizar formación en diversos eidos e incrementar o uso das TICs no día a día. Todo o alumnado do centro goza de formación en TICs (informática/robótica) unha vez por semana, grazas ao plan TIC que deseñamos, onde profesorado do equipo con dispoñibilidade horaria se encarga de coller pequenos grupos das diferentes aulas para realizar un traballo estruturado e planificado ao longo de cada curso escolar. Contamos con Club de ciencia dende hai cinco anos. A canle de comunicación coas familias é 100% dixital: uso extensivo de abalar, da web corporativa, do Facebook e do Instagram do centro. Actualmente participamos nos seguintes programas de Innovación educativa: Edixgal en 5º e 6º, biblioteca creativa e club de letras; xunto co club de ciencia. No curso 2022-2023 concedéronnos o proxecto Polo creativo: "Xogos tradicionais robotizados". Contribución do PD ao Proxecto Educativo. O Plan dixital vai contribuír ao Proxecto Educativo nos seguintes puntos:
O CEIP Plurilingüe Nosa Señora dos Remedios é un centro de titularidade pública que conta con 6 unidades de E. Infantil e 15 de E. Primaria. Ademais, conta con aulas de Apoio, Aula de Audición e Linguaxe, Aula de Informática, Aula de Música, Aula STEM (Polo creativo) e Biblioteca.
O noso centro conta cunha ampla traxectoria no ámbito das novas tecnoloxías. Fai case dez anos que se conseguiu dotar a todas as aulas de canóns de vídeo, altofalantes e sistemas de conversión a encerado dixital. Non son os mellores modelos do mercado, pero conseguiuse que todas as aulas entraran nunha dixitalización conforme foi requirindo a propia sociedade.
No curso 2006-07 creouse a primeira bitácora de centro, para no curso seguinte, comezar a empregar a web corporativa. No curso 2008-09 xa un bo número de mestres/as comenzaron a crear as súas propias bitácoras.
O centro conta con un Equipo de traballo formado nas TICs, dende fai 14 anos, que se encarga de dinamizar e promover actividades entre a comunidade educativa, realizar formación en diversos eidos e incrementar o uso das TICs no día a día.
Todo o alumnado do centro goza de formación en TICs (informática/robótica) unha vez por semana, grazas ao plan TIC que deseñamos, onde profesorado do equipo con dispoñibilidade horaria se encarga de coller pequenos grupos das diferentes aulas para realizar un traballo estruturado e planificado ao longo de cada curso escolar.
Contamos con Club de ciencia dende hai cinco anos.
A canle de comunicación coas familias é 100% dixital: uso extensivo de abalar, da web corporativa, do Facebook e do Instagram do centro.
Actualmente participamos nos seguintes programas de Innovación educativa: Edixgal en 5º e 6º, biblioteca creativa e club de letras; xunto co club de ciencia.
No curso 2022-2023 concedéronnos o proxecto Polo creativo: "Xogos tradicionais robotizados".
Plan de avaliación: con PD pretendemos incluír as TIC como unha ferramenta máis para levar a cabo o proceso de avaliación.
Plan de formación do profesorado: tal e como indicamos nos obxectivos do PD, a formación do profesorado é o primeiro chanzo que debemos acadar para acadar a posta en marcha de proxectos intercisciplinares con TIC.
Plan de acción titorial: dende as titorías teranse deseñar programas interdisciplinares por ciclos.
Plan de atención á diversidade: para a inclusión do alumnado con NEAE facilita a implementación do traballo por proxectos, a organización da aula en equipos e o uso das TIC.
Breve xustificación do mesmo O Plan dixital elaborouse en base á seguinte normativa vixente:
Art. 111 bis, Art. 121 e Art. 132 da LO 2/2006, de 3 de maio, de Educación.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
Para a a elaboración do Plan dixital creamos un grupo de traballo que fumos organizando en función das fases establecidas para a elaboración do Plan. Na primeira fase, realizouse a recollida de información previa, organizada do seguinte xeito: FASE I. Análise e diagnose de situación dos centros. Novembro: Presentación e contacto co centro. Decembro: Comezo do SELFIE e preguntas personalizadas. Decembro: Informe de resultados do SELFIE. Marzo: Informe grupal do test CDD. Marzo: Informe DAFO. A partir do Informe SELFIE e TCDD xeramos unha análise DAFO que nos permitiu coñecer a realidade do centro no eido dixital, detectando fortalezas e debilidades internas, así como oportunidades e ameazas externas.
Unha vez analizado o DAFO, na redacción do Plan dixital do noso centro, consideramos establecer 3 obxectivos interrelacionados entre si, de tal xeito que precisamos que se desenvolvan os tres para acadar os resultados esperados:
Área de mellora: Desenvolvemento profesional contínuo (C)
Obxectivo: Dinamizar TICS. Deseñar proxectos interdisciplinares nos que se empreguen as TIC O que pretendemos con este obxectivo é que se poñan en marcha proxectos interdisciplinares de centro no que se empreguen as TIC. Para isto imos precisar formación do profesorado no deseño, implementación e avaliación con TIC. Partimos de 0 proxectos interdisciplinares con TIC e queremos chegar a que haxa, cando menos 1 proxecto a nivel de Centro e 1 proxecto por ciclo ao final do curso académico 2022-2023. O profesorado participante son as persoas titoras e especialistas das aulas de 1º a 6º de Educación Primaria.
Área de mellora: Pedagoxía: Implementación na aula (F)
Obxectivo: Utilizar programas e contornos virtuais que lles permitan ao alumnado crear contidos dixitais relacionados cos proxectos interdisciplinares do centro educativo. Unha vez que o profesorado se formou e deseñou os proxectos interdisciplanares con TIC, chega o momento de que o alumnado cree os recursos dixitais que despois terán visibilización na revista dixital do centro, así como nas diferentes bitácoras e RRSS. Participa todo o alumnado de 1º a 6º de Educación Primaria.
Área de mellora: Infraestruturas e equipamento (C)
Obxectivo: Solicitar equipamento, actualizar e/ou renovar os dispositivos dixitais do centro e dispoñer de asistencia técnica suficiente no centro. Para acadar os dous obxectivos anteriores o centro precisa de ter aulas dixitalizadas nas que tanto o profesorado como o alumnado conte con medios técnicos que faciliten a creación e difusión de recursos TIC. Todos estes equipamentos dixitais deben contar cun servizo técnico que solucione os problemas que o profesorado do centro non podemos solucionar no día a día.
O procedemento de seguimento e avaliación do Plan Dixital farase en relación ao grado de consecución dos obxectivos establecidos e tendo en conta diferentes contextos de avaliación, tanto procesual como final.
Seguimos sen os recursos solicitados no plan dixital. Continuamos realizando as actividades usando os recursos do Polo creativo:
-Vídeo con Croma sobre Marieta Quesada.
-Máquinas simples cos Legos.
-Programas de radio escolar.
-Formación ao profesorado en True-true.
-Uso de diferentes recursos educativos dixitais online.
-Formación ao profesorado en E-TEXTIL e MAKEY MAKEY.
-Uso de paneis con true-true.
-Uso dos kits enviados para o Polo creativo.
-Uso do croma para o club de ciencias.
-Formación e-textil e Makey-Makey. -Radio escolar. -Paneis croma para realizar entrevistas e para as orlas de final de curso. -Revista dixital. -Escola de familia dixital (Bitácora do Departamento de Orientación). -Abalarbox. -Dotación material: Chegaron os portátiles e as pantallas. Faltan os portátiles de 11,6'' para alumnado de 3º de EP e as tablets.
No contexto da avaliación procesual, esta realizarase unha vez cada trimestre e teranse en conta os seguintes aspectos:
Estado de execución das accións (realizada/aprazada/pendente)
Análise e valoración dos resultados
De ser o caso, posibles modificacións das accións e propostas de mellora de cara o seguinte trimestre.
Por outra banda, no contexto da avaliación final, terase en conta o seguinte:
A información recollida nos diferentes instrumentos de avaliación (aproveitaremos as “Táboas do Plan de Acción do Plan Dixital de Centro para cada obxectivo”). Ademais tamén levantaremos acta en cada xuntnaza de coordinación/seguimento do Equipo de Dinamización do Plan Dixital.
A frecuencia da súa realización (que será de carácter trimestral e final, esta última ao rematar o curso académico no mes de xuño)
E os seguintes aspectos a valorar:
Valoración do logro dos obxectivos (comprobaremos o estado de “Acadado/Non acadado” atendendo ao Indicador en cada unha das citadas Táboas).
Propostas de mellora (que se retomarán no seguinte curso académico para poder modificar/axustar/mellorar o noso Plan Dixital).
Estado dos obxectivos/accións:
O01PD- Proxectos interdisciplinais-TIC. Formación e-textil, True true e Makey-Makey. PFPP Metodoloxías activas. Recursos de Polos creativos. Club de ciencias (investigación científica) (Acadado)
O02PD- Programas e contornos virtuais. Proxectos de nivel e centro co material de Polos creativos. Radio, paneis croma. Revista dixital. Bitácora do DO con tips (Escola de familia dixital). Abalarbox como ferramenta para compartir recursos entre o profesorado. (Acadado)
O03PD- Solicitar equipamento, actualizar e/ou renovar os dispositivos dixitais do centro e dispoñer de asistencia técnica suficiente no centro.Chegaron os portátiles e as pantallas. Faltan os portátiles de 11,6'' para 3º de EP e as tablets. (Parcialmente acadado)
Para que a dinamización funcione o equipo do Plan dixital ten que ter recoñecido tempo de dedicación, do contraio faise moi difícil poder elaborar material ou propostas que serían de utilidade para o profesrado, recaendo esta función na coordinadora que ademais de ser a Orientadora do Centro, tamén é a dinamizadora TIC, a coordinadora de Polos creativos e a responsable do Plan dixtal.
Unha vez feito e aprobado o Plan dixital, darase a coñecer a toda a comunidade educativa a través da páxina web do centro, informando ás familias a traves dun abalar e informando a todos os docentes a través do correo electrónico.
