Datos básicos do centro
NOME DO CENTRO: CPI PL. ARQUITECTO PALACIOS
DIRECCIÓN: Camiño dos lagos nº1, Panxón, Nigrán, Pontevedra
Email: Cpi.arquitectopalcios@edu.xunta.es
Contextualización do Plan Dixital no centro. Contribución ao Proxecto Educativo do Centro
Atopámonos nun C.P.I situado nunha zona costeira.
Tal e como recolle o Real Decreto 132/2010 polo que se establecen os requisitos minímos dos centros que imparten as ensinanzas de segundo ciclo de educación infantil, educación primaria e a educación secundaria, o noso centro dispón de pistas deportivas, comedor,departamento de orientación, 2 aulas de pedagoxía terapéutica, ximnasio, biblioteca escolar, salón de actos, aula de tecnoloxía, aula de audiovisuais e aula de informática. O entorno socioeconómico do centro é o propio dunha pequena vila marítimo – pesqueira galega. Se ben a maioría das familias do noso alumnado pertencen a un estrato socioeconómico medio con profesións non ligadas directamente ó mar senón o sector servizos, principalmente ao turismo. Debido a situación COViD-19, o ámbito socio económico das familias sufriu situacións dramáticas, repercutindo negativamente a nivel económico e socio – emocional, o cal vese reflexado no alumnado do centro, repercutindo moi negativamente no seu proceso de ensinanza – aprendizaxe. Nos últimos anos estamos a recibir numeroso alumnado, que son novos residentes na vila, algúns deles de outras nacionalidades e con estratos socio-económicos mediobaixo que por razóns económicas ou familiares tivéronse que desprazar do seu domicilio. As nais e pais do alumnado están organizados nunha ANPA, a Xunta Directiva, ten unha actitude colaboradora co Centro, a participación das nais e pais nas actividades, se ben non é todo o satisfactoria que se desexaría, intensificouse no derradeiro curso. O claustro está formado por profesores cun nivel alto de estabilidade, sobre todo na E.P onde a maioría leva unha media de 20 anos no centro. Nos derradeiros anos, estanse a incorporar ó centro numeroso persoal non fixo debido ó alto grado de xubilacións, polo que na ESO estase a incrementar o número de novo profesorado.
Contribución do PD á Programación Xeral Anual do curso 23/24.
Dentro dos obxectivos a redactar na Programación Xeral Anual, aparecerán reflictidos os obxectivos do Plan Dixital. Antes de ter o noso Plan, un dos obxectivos que tiñamos marcados era a comunicación dixital entre os docentes así como cas familias. Traballaremos ditos obxectivos a fin de poder conseguir os parametros marcados.
Xustificación do Plan Dixital en relación coa normativa vixente
O Plan Dixital do CPI PL Arquitecto Palacios, de Panxón, enmárcase dentro do actual marco normativo da lexislativo vixente. Seguindo un orde de maior a menor rango, estaría rexido polas seguintes leis:
- A Lei Orgánica 2/2006, de 3 de maio, de Educación, Lei Orgánica 3/2020, de 29 de decembro pola que se modifica a Lei Orgánica 2/2006, de 3 de maio, de Educación especifica que se debe promover o uso das TIC como medio didáctico tratando de contribuír a minimizar os efectos da fenda dixital por xénero ou outros aspectos socioculturais. (art 111 bis). Tamén incide en fomentar a confianza e a seguridade no uso das tecnoloxías, prestando especial atención ás situacións de violencia na rede e observando o respecto á normativa reguladora da información dixital e os dereitos de propiedade intelectual ademais de concienciar sobre o respecto dos dereitos de terceiros. O acceso ás novas tecnoloxías basearase nos principios de non discriminación impulsando un compromiso educativo entre familias e centro e neste contexto, deben atender á diversidade propoñendo modelos de programación e materiais accesibles (art. 121). Pax 7 de 32 Para estes fins, a dirección do centro dirixirá, promoverá e coordinará a innovación educativa (art 132).
- Neste marco lexislativo nacional, a Comunidade Autónoma de Galicia publicou a Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e Bacharelato no curso académico 2021-2022. Nesta normativa autonómica regúlase a elaboración por parte dos centros docentes durante o curso 2021/22 do Plan Dixital (Disposición adicional quinta).
- Por último, a Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 establece que a coordinación do Plan Dixitalserá realizado polo equipo de dinamización do Plan Dixital formado pola persoa directora do centro e outra persoa do claustro, que no caso do noso centro será a persoa coordinadora do equipo TIC.
-
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
