Datos básicos do centro
Denominación: CEIP Manuel Rodríguez Sinde
Domicilio: Rúa Tui s/n. A Guarda 36780. Pontevedra
Teléfono: 886110086/88
Código do Centro: 36003959
Cif: Q8655424C
E-mail: ceip.manuel.sinde@edu.xunta.es
Páx web: www.edu.xunta.es/centros/ceipmanuelrodriguezsinde/
1.1. Contextualización do Plan Dixital no centro. Contribución ao Proxecto
Educativo do Centro
CEIP Manuel Rodríguez Sinde é un centro educativo situado no centro da vila de A Guarda, conta con seis unidades de educación primaria e tres de educación infantil, especialistas en música, lingua extranxeira, educación física, relixión, dúas mestras de Pedagoxía terapéutica e unha mestra de Audición e linguaxe. A xefa de Departamento de Orientación é compartida co CEIP Nicolás Gutiérrez Campo. Ademais, ten unha coidadora e un auxiliar de conversación.
Unha parte do alumnado procede de familias onde o pai realiza o seu traballo no sector primario, en traballos relacionados coa pesca. Outra parte, tanto a nai coma o pai adícanse ao sector servizos (comercio, empregados...) Actualmente a crise afecta notablemente ás familias do centro, atopándose nalgúns casos o pai e a nai en paro. Por todo o anterior, cremos que as familias dos nosos alumnos están dentro dunha clase social media e media-baixa.
Centrándonos na liña pedagóxíca, o documento que actúa como carta de presentación e responde ás preguntas de quen somos e que pretendemos ser é o noso Proxecto Educatico de centro, este expresa a estructura organizativa, define e enumera as notas
de identidade do centro e describe os obxectivos e valores que se pretenden inculcar non só ao alumnado, senon a toda comunidade educativa.
Neste documento plásmase, por un lado, os principios de sectorización, integración, normalización e individualización, e por outro, o paradigma educativo centrado no aprendizaxe e no alumno, que regulan a súa realización. A súa finalidade é concretar a estratexia educativa a desenvolver no centro para avanzar na consecución das competencias, entre elas, a que nos compete neste plan: a competencia dixital.
Por tanto, cabe dicir que dende o noso centro educativo trabállase en base a un proxecto de desenvolvemento integrado que ten como centro de partida o equipo de biblioteca.
A partir do tema elixido cada ano, toda a comunidade educativa poderá realizar as actividades propostas ao longo do curso. Para tal fin, os equipos de dinamización, incluido o equipo TIC, participa na distribución de actividades e na colaboración da organización e xestión das mesmas con propostas na mellora da competencia dixital, coma a utilización dos blogs nos distintos equipos de dinamización, os blogs nas aulas, o
uso da aula virtual e a radio escolar, entre outras.
Por outro lado, mencionar que o centro participa nos programas de innovación educativa CP INNOVA ( EDUinnova, EDUexcelencia, Edusaúde) e CP INCLUÉ ( igualeT, conviveT, InclueT e emocionaT).
Tamén mencionar o alumnado do último ciclo de educación primaria, inmersos na radio , onde gravan os seus programas e Podcast.
Respecto a contribución do Plan Dixital á Programación Xeral Anual, teremos en conta que o Plan Dixital ten como obxectivo a dixitalización dos centros educativos, entendese pois que é a ampliación e renovación do plan TIC do dentro coa finalidade de formar á comunidade educativa en base á competencia dixital.
Partindo desta premisa, dende a dirección do centro preténdese a continuación na participación nos programas de innovación educativa, así coma na implicación do claustro na ampliación da competencia dixital mediante a utilización da aula virtual e de ferramentas dixitais. Ademais, intentarase actualizar os equipos tecnolóxicos do centro para fomentar o uso dos mesmos, como as pantallas dixitais interactivas, os ordenadores e as tabletas.
1.2. Breve xustificación do mesmo
En canto a base lexislativa:
- Art. 111 bis, Art. 121 e Art. 132 da LO 2/2006, de 3 de maio, de Educación.
-Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
1.3. Proceso de elaboración
Dende o Equipo de Dinamización do Plan Dixital fómonos centrando nas diferentes tarefas, realizando diferentes sesións de traballo ao longo do curso, para conseguir plasmar a realidade do noso centro educativo, partir dela e transformala.
Partimos da elección das preguntas da enquisa SELFIE, divulgámolas na páxina web do centro e recopilamos os datos. Mais tarde, axudamos ao equipo docente a realizar o TEST CDD a través das directrices aportadas polos nosos mentores ADIX.
Posteriormente, tras recopilar os datos de ámbalas dúas enquisas e asistir a formación, o equipo reúnese para facer unha valoración nas taboas aportadas polos mentores. Tras esta valoración, realizamos o informe DAFO en sesións de traballo en grupo. A partir desta ferramenta, analizamos a realidade do noso centro educativo dixitalmente falando, é dicir, focalizamos as nosas debilidades e centrámonos en delimitar uns obxectivos de traballo reais.
O noso derradeiro paso, antes da elaboración deste documento, foi reunirnos, redactar os obxectivos de acción que nós considerábamos primordiais e presentalos ante os nosos compañeiros. Unha vez que o claustro estivo conforme , reflexamos as nosas liñas
prioritarias de actuación cara o vindeiro curso.
