1.1. Contextualización do Plan Dixital no centro. Contribución ao Proxecto Educativo do Centro.

O CEIP Rosalía de Castro é un centro público que está situado no concello de O Grove, provincia de Pontevedra, onde o turismo é o sector económico prioritario durante todo o ano. Conta cun total de 14 unidades, cinco de educación infantil e nove de educación primaria. O nivel socio/educativo das familias pode considerarse medio-alto e a lingua predominante é o castelán. Os grupos de aula están formados por alumnado heteroxéneo, presentando diferentes ritmos de aprendizaxe, intereses, motivacións e necesidades. O plan dixital estará destinado a seguir mellorando a dixitalización tanto no alumnado como no profesorado, ademais de fomentar o desenvolvemento das competencias STEM. O plan dixital está directamente relacionado con outros proxectos e programas do centro. En 5º e 6º de educación primaria contamos co programa e-dixgal, o alumnado traballa con contidos nun entorno virtual de aprendizaxe. En 3º e 4º de educación primaria con ordenadores portátiles compartidos para as catro aulas, para poder traballar na aula virtual do centro. A nivel de centro lévanse a cabo actividades de robótica e codificación, matemáticas manipulativas e emprego da realidade aumentada e o croma.

No pasado curso o centro traballou o citado anteriormente e iniciouse no traballo coa impresora 3D, LEGOS e robótica. De cara a este curso continuaremos coas mesmas liñas e comezaremos con liñas novas empregando o makey makey, makecode e scratch.

1.2.Breve xustificación do mesmo.

Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia. Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.

Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.

Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.

O que recollen ditos artigos é o seguinte: “Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”

Nas normativa de desenvolvemento dos anteriores Decretos, concrétase a estrutura, que como mínimo debe contemplar o PD, no seguinte articulado:

Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.

Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.

Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.

Avaliación procesual:

Trimestralmente nunha reunión do equipo que conforme o Plan Dixital realizarase unha valoración das accións levadas a cabo dentro do plan de acción a fin de reaxustalas e reorganizar a planificación e liña de traballo a seguir, facendo a avaliación dentro das propias táboas. Para o seguimento do Plan de Acción realizaremos unha reunión trimestral específica no equipo de TIC e da CCP para valorar o cumprimento dos apartados reflectidos nas táboas.

Avaliación final: Será recollida nas memorias finais, onde se deseñarán novas liñas e obxectivos de traballo reaxustando e valorando o logro acadado no plan de acción. Estas propostas de mellora serán o punto de partida do plan de acción do vindeiro curso. Apoiarse en indicadores, porcentaxes das táboas de acción, de creación de recursos ou enquisas de valoracións e autoavaliación para reflexión sobre o Plan Dixital, dixitalización do centro e competencia dixital.

Este curso escolar un dos obxectivos acadouse na súa totalidade. O espazo creativo empregouse tanto nas horas lectivas, asistindo o alumnado con titores e especialista, como na media hora do recreo, na cal o alumnado puido explorar libremente cos materiais.

Os outros dous obxectivos foron acadados parcialmente. 

No vindeiro curso sería aconsellable replantear os dous obxectivos non acadados e reformular algún obxectivo novo.

O Plan Dixital será aprobado en Consello Escolar, pasará a formar parte da documentación de centro e estará publicitado dentro da páxina web do centro no apartado de documentación para consulta de toda a comunidade educativa. Pode ser publicado na web do centro ou difundido por Abalar Móbil ou Pro e todas as canles de comunicación establecidas no plan de comunicación do centro.

Enlace do plan dixital: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=36003807