Seguindo o art. 121 da LOMLOE: O proxecto educativo do centro recollerá así mesmo a estratexia dixital do centro, de acordo co establecido no artigo 111 bis.5. Devandito proxecto estará enmarcado nunhas liñas estratéxicas e terá en conta as características da contorna social, económico, natural e cultural do alumnado do centro, así como as relacións con axentes educativos, sociais, económicos e culturais da contorna.
Ademais nos seguintes artigos dos decretos 150/2022 e 155/2022 recóllese a obriga de incluír o Plan Dixital No Proxecto Curricular de Centro:
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
O que recollen ditos artigos é o seguinte:
“Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”
Mediante o presente plan, preténdese:
Avaliar a situación do centro educativo con relación ao uso da innovación e as TIC nos distintos elementos clave que recolle o Marco Europeo para Organizacións Educativas Dixitalmente Competentes, para poder, a continuación, deseñar e emprender un proceso de transformación no centro.
O Centro está situado nunha pequena vila cunha contorna rural de aldeas ou pequenas poboacións bastante illadas unhas doutras. O transporte escolar é fundamental no día a día do colexio. No aspecto socioeconómico, trátase dun alumnado pertencente a un entorno rural de familias sen grandes problemas económicos nin de estruturación social onde as actividades laborais máis frecuentes teñen relación co traballo no campo, na pequena industria así como no sector servizos. A presenza dos avós no núcleo familiar e a súa axuda na educación dos nenos e nenas é primordial. A lingua materna maioritaria entre o alumnado é o galego, polo que se considera a lingua predominante.
O plan dixital de centro é un instrumento de planificación que debe estar integrado no Proxecto Educativo, segundo se recolle na LOMLOE: [O proxecto educativo do centro recollerá así mesmo a estratexia dixital do centro, de acordo co establecido no artigo 111 bis.5.»], co fin de desenvolver a competencia dixital da comunidade educativa, promover a innovación e sacar o máximo partido das tecnoloxías da información e comunicación, e dos recursos educativos dixitais.
Este plan debe construírse coa participación de todos os sectores da comunidade educativa de modo que se converta nun proxecto compartido. De igual modo, o Plan de Continxencia para situacións de emerxencia conterá as medidas que garantan a competencia dixital do alumnado e profesorado, reducindo no posible as fendas dixitais de acceso e uso, e as previsións para a revisión dos elementos do currículo e das programacións didácticas centradas nos aspectos máis competenciais do mesmo.
O plan dixital de centro debe permitir á comunidade educativa visualizar onde quere que chegue o centro, entender onde está actualmente e trazar o camiño que o leve dun estado ao outro.
Para a elaboración do Plan Dixital distinguimos 5 fases no desenvolvemento do mesmo:
A partir do Informe SELFIE e o TCDD, o centro xerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
Ademais da análise destas dúas ferramentas tamén tivemos en conta as reflexións e debates xurdidos sobre a tecnoloxía no noso centro.
O primeiro paso para analizar o DAFO foi fixarnos nos resultados das nosas fortalezas, debilidades, oportunidades e ameazas. A continuación, examinamos cada unha destas catro categorías para extraer áreas prioritarias e definir obxectivos de mellora. Decidimos usar as nosas fortalezas para mellorar a competencia dixital dos nosos compañeiros formándoos nesta; en canto ás debilidades, definimos obxectivos para atallalas; as oportunidades de mellora veñen proporcionadas pola administración educativa e así esperamos que siga sendo; por último, atopámonos ante ameazas que dificilmente podemos resolver nós de primeira man, pero ás que sempre trataremos de atopar a mellor das solucións. Finalmente de toda esta análise xurdiron os obxectivos que queremos conseguir.
Cada trimestre valoraranse o estado de execución das accións, a análise e valoración dos resultados, as posibles modificacións das accións e as propostas de mellora se as houbese.
A persoa mentora ADIX realizará visitas ao centro por trimestre para analizar xunto coa persoa coordinadora do PD, o desenvolvemento do proxecto.
A persoa coordinadora do PD terá acceso á ferramente Educalidade para rexistrar os avances e avaliacións deste plan baixo a supervisión da persoa directora.
MODIFICACIÓNS:
SEGUIMENTO
Consideramos que a valoración xeral do PD este curso é moi positiva. Os obxectivos 3 e 11 11están parcialmete acadados ( o nº11 depende da administración que renove o cableado do centro). O obxectivo 10 non foi acadado por falta de tempo e o 12 non está acadado por causas alleas ao centro que dependen totalmente da administración. Os demais obxectivos foron acadados.
Veuse unha mellora significativa e un maior interese no profesorado pola formación no eido tecnolóxico. Ao alumnado tamén se lle pode apreciar unha melloría nas súas habilidades dixitais. Dende o centro a comunicación por vías institucionais, xade, abalar é xa un feito. A totalidade da familias empregan Abalar para comunicarse cos titores, o centro... se ben haberá que seguir insistindo coas familias de nova incorporación ao centro.
O emprego este curso da plataforma institucional Agueiro resultou ser unha das mellores bazas deste curso tanto como portafolios dixital, así como traballo colaborativo e mesmo facilitador da redacción e xustificación das memorias finais de curso.
A aposta de formarnos en tecnoloxía de Polos Creativos resultou moi motivadora para o alumnado e profesorado.
Queremos destacar que aínda que consideramos que imos por bo camiño, porque hai melloría en toda a comunidade educativa, precisamos seguir traballando moito neste eido xa que partiamos dun nivel de competencia TIC baixo.
Aínda que as propostas de mellora serán analizadas e precisadas no mes de setembro coa formación do novo claustro, a groso modo, propoñemos:
- Seguir mantendo o obxectivo 1(sobre todo coas familias que cheguen novas ao centro)
- Seguir profundizando nos obxectivos 2, 3, 6, 7, 8, 9 (con novas liñas de acción para algúns deles)
- Apostar por unha formación máis significativa en competencia dixital a través do PFPP (sobre todo enfocada á dotación de Polos Creativos para a que solicitaremos formación técnica e didáctica) e da formación ofertada para a adquisición da Competencia Dixital Docente.
- Insistir nas peticións que realizamos este curso en canto a dotación tecnolóxica (carro de carga para os dispositivos portátiles e renovación do cableado do centro)
- Seguir facilitando dispositivos e conectividade á familias queo precisen (obxectivos 4 e 5)
- Facer a aula de informática máis operativa con algunha reforma e modificación ( sobre todo no que respecta a mobiliario e almacenaxe)
- Solicitar o proxecto Edixgal para o curso 2025-2026
- Seguir co uso da plataforma Agueiro xa que foi unha aposta moi práctica de evidenciar o traballo de centro.
- Profundizar no obxectivo 10 que non foi acadado por falta de tempo.
- Se a consellería manifesta a intención de por en funcionamento a app corporativa inventario, voltaremos a propoñer o obxectivo 12.
A principios do curso 2023/2024, procederase á presentación deste plan entre o novo profesorado, é dicir, o que se incorpore no presente curso.
Unha vez validado e aprobado polos órganos colexiados competentes será publicado para a súa difusión ante toda a comunidade educativa na páxina web do centro.
A persona coordinadora do PD terá acceso á ferramenta de Educalidade para poder rexistrar os avances e avaliacións deste plan baixo a supervisión da persoa directora.
ENLACE Á PUBLICACIÓN NA PÁXINA WEB
