Plan do centro
Vixencia
Introdución
Contexto DAFO
Obxectivos
Seguimento
O equipo do Plan Dixital reuniuse cada trimestre para valorar a execución das accións e realizar modificacións das accións sempre que se precise.
Desenvolvéronse ao longo do primeiro trimestre as accións previstas nos obxectivos sen realizar modificacións nas mesmas. Destacar a creación dun curso na aula virtual co título AULA DE AL na que se incorporaron recursos tics para o profesorado poida usar co seu alumnado.
No segundo trimestre realizáronse distintas actividades para desenvolver o obxectivo 6 do plan dixital con actividades para desenvolver a competencia dixital do alumnado (Navega con rumbo e charla da Policía Nacional).
Proporcionáronse ferramentas e estratexias para actuar de xeito seguro en internet ao alumnado e as familias dende as titorías de 3º, 4º 5º e 6º de primaria.
Foméntouse a aplicación das normas sobre licenzas de uso e dereitos de autor nas actividades que levaron a cabo o alumnado de 5º e 6º de primaria.
No terceiro trimestre continuouse engadindo contidos ao curso creado na aula virtual "Aula de AL" na que se adaptaron actividades de aprendizaxe dixital ás necesidades do alumnado ao modelo DUA.
Así mesmo, leváronse a cabo distintas actividades para desenvolver os obxectivos 4 e 6 sobre as narracións dixitais, na que destacan a revista, radio e televisión escolar e a colaboración con DinamizaTV.
Avaliación
A valoración xeral é positiva aínda que parte do profesorado empeza a ter algunha reticencia sobre o uso da aula virtual por parte do alumnado, que nalgún caso fai un mal uso, e o tempo que algún alumno/a pasa diante dos equipos.
A metodoloxía que se emprega no centro precisa deste tipo de ferramentas que fan que os obxectivos se poidan cumprir.
Propostas de mellora para o vindeiro curso:
- Valorar a necesidade de crear recursos dixitais para a etapa de infantil. Tal e como se comenta na valoración xeral, hai profesorado que empeza a ter dúbidas sobre o emprego das tecnoloxías, sobre todo das pantallas (tabletas, ordenadores, ...) que impliquen que se teñan que usar no ámbito familiar e así limitar o uso dos mesmos ao centro educativo.
- Solicitar formación externa para o alumnado do 2º ciclo como "Navega con rumbo" para conciencialos no bo uso das redes e continuar coa do 3º ciclo.
Comunicación e difusión
O Plan dixital foi publicado na web do centro en outubro de 2023 e foi comunidado ás familias a través de Abalar.