Contextualización do Plan Dixital no centro. Contribución ao Proxecto Educativo do Centro

Á hora de tratar a contextualización do centro, debemos atender á contorna onde se atopa xa que, en Cangas, a pesca e os derivados da mesma foron a principal fonte de actividade económica e de creación de riqueza. Nos últimos anos produciuse un declive notable, cunha diminución grande do emprego que se trasladou ao sector terciario, no que o turismo ten unha presenza crecente. Non obstante, as explotacións de mexillón manteñen a súa puxanza económica. A agricultura e a gandaría danse a pequena escala e orientadas ao autoconsumo. Unha boa parte da poboación de Cangas, e polo tanto dos pais e nais que forman parte da comunidade educativa do noso colexio, mantén a súa actividade en Vigo, sobre todo no sector industrial: naval, construción e metalurxia. Por outra banda, este Plan Dixital do Centro está intimamente ligado ao Proxecto Educativo do centro, xa que este está inmerso no programa Edixgal da Consellería de Educación, polo que o alumnado de 5º e 6º de educación primaria atenden a unha formación dixital en todas as materias.

En segundo lugar, hai que destacar o equipo TIC, recollido na Orden do 17 de xullo de 2007, o cal está coordinado pola mesma persoa que coordina o Plan Dixital do Centro, estando ambos equipos relacionados co ámbito dixital do centro.En terceiro lugar, na programación do curso 2022-2023, contémplase continuar coa participación no programa de innovación educativa EDUexcelencia, buscando a mellora do éxito escolar a través da realización de proxectos tecnolóxicos. Así como, participar no Proxecto Digicraft da Fundación Vodafone.

Por último, todos aqueles plans e proxectos contemplados no proxecto educativo e na programación xeral anual están ligados á competencia dixital do alumnado e profesorado, posto que para todos eles é necesario ter coñecementos no ámbito tecnolóxico e dixital.Á hora de xustificar normativamente a elaboración do Plan Dixital temos que ter en conta diferentes documentos legais, tal e como se detalla a continuación.

Breve xustificación do mesmo

Á hora de xustificar normativamente a elaboración do Plan Dixital temos que ter en conta diferentes documentos legais, tal e como se detalla a continuación.

Por unha banda, debemos atender á normativa estatal, á Lei Orgánica 3/2020 de 29 de decembro, pola que se modifica a Lei Orgánica 3/2006, de 3 de maio de Educación. Dita normativa establece no seu artigo 111 que os centros educativos contarán cos soportes dixitais necesarios para as labores académicas, administrativas e de soporte da aprendizaxe. Ademais, no seu artigo 121 establece o proxecto educativo, o cal contará coa incorporación do Plan Dixital unha vez aprobado no seo do Consello Escolar. Por último, en canto a esta normativa, debemos ter en conta o artigo 132, que regula as competencias do/a director/a, entre as cales destacamos a promoción da innovación educativa, garantizar o cumplimento das leis e dirixir e coordinar todas as actividades do centro.

Por outra banda, atenderemos á normativa autonómica. A Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implantación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. Este documento legal aporta todos osaspectos que debemos ter en conta á hora de abordar o Plan Dixital, como son a formación do equipo, as súas funcións, o seu deseño, etc. Tamén debemos ter en conta a Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022, onde se recolle a obligatoriedade de elaborar dito Plan Dixital.O equipo de Dinamización do Plan Dixital está formado por docentes con destino definitivo no centro e respectando os principios de igualdade entre homes e mulleres, forman parte del catro docentes, sendo dúas persoas homes e outras dúas mulleres.

Proceso de elaboración

O equipo de Dinamización do Plan Dixital está formado por docentes con destino definitivo no centro e respectando os principios de igualdade entre homes e mulleres, forman parte del catro docentes, sendo dúas persoas homes e outras dúas mulleres.

A coordinación do equipo recae na mesma persoa que exerce a coordinación do Equipo TIC, sendo as súas funcións: coordinar o grupo de traballo, colaborar co equipo directivo, asesorar ós membros da comunidade educativa, etc.As reunións do grupo de traballo levaranse a cabo durante o tempo de permanencia obrigatoria do centro, sendo os martes pola tarde o momento máis indicado.

Os pasos seguidos para a elaboración foron os seguintes:

1. Proceso de autoavaliación SELFIE. 

2. Realización do test CDD.

3. Análise DAFO.

4. Establecemento de obxectivos do Plan de Acción.

5. Redacción final do Plan Dixital de Centro.

A avaliación do plan realizarase de forma procesual unha vez ó trimestre, onde se valorará: o estado de execución das accións, a análise e valoración dos resultados e, de ser o caso, as posibles modificacións das accións e as propostas de mellora. 

Ademais, realizarase unha avaliación final o finalizar o curso académico na cal se valorará por un lado o logro dos obxectivos marcados, así como as propostas de mellora.

Esta avaliación quedará reflectida nas táboas do plan de acción recollidas anteriormente. Por outra banda, as reunións co mentor ADIX serán de forma trimestral, levando a cabo dúas reunións trimestrais, tal e como se recollen nas actas de reunións que se atopan nos anexos III, IV e V.

Atendendo aos obxectivos marcados no Plan Dixital do Centro para o curso 2022-2023, podemos concluír que cumprimos todos os obxectivos marcados dentro de cada un dos prazos propostos.

O primeiro obxectivo foi acadado sen dificultade ao ser concedidas as charlas do Plan Director, así como o programa “Digicraft en tu cole”, da Fundación Vofadone. Ambas accións contribuíron á mellora da competencia dixital do alumnado, así como, da mellora da convivencia a nivel de centro, xa que os axentes da Garda Civil mostraron ao alumnado aqueles riscos que existen nas redes sociais e no uso indiscriminado da imaxe persoal nas mesmas.

Por outra banda, o obxectivo número dous, o cal se relaciona coa creación de contidos dixitais do profesorado, tamén se acadou sen problema, xa que o profesorado inmerso dentro de E-Dixgal creou diferentes recursos dixitais para o seu alumnado. Ademais, hai que destacar o papel do profesorado que non imparte clase nestes cursos que tamén crea contidos dixitais, como é o caso do profesor en lingua estranxeira en inglés de infantil e primeiro ciclo de E. Primaria.

Por último, o terceiro obxectivo tamén se acadou en prazo. Para acadar este obxectivo contouse coa colaboración da empresa externa Dismega, a cal nos guiou en todo o proceso de avaliar os dispositivos, actualizalos e mesmo cambialos.

As propostas de mellora que presentamos para este plan vai dirixidas en dúas liñas de intervención.

Por unha banda, propoñemos mellorar as dotacións de material tecnolóxico para os centros; é dicir, non sé dotar cos medios ao equipo directivo como se fixo este ano, senón cambiar o resto de ordenadores do centro, ou como mínimo aqueles que teñen un uso máis directo no equipo docente: ordenador de biblioteca, sala de profesorado, coordinadores, etc.

Por outra banda, a carga de traballo que supuxo para a persoa coordinadora e o equipo do plan dixital poñer en práctica os obxectivos, levalos a cabo, etc.

A difusión do plan será a través da páxina da web do centro, así como, no seo do claustro e do consello escolar.

https://www.edu.xunta.gal/centros/ceipcastrilloncoiro/node/622