1.1. Datos básicos do centro
O CPR Plurilingüe San Fermín (36000417) é un centro privado-concertado que, baixo a xestión dos Padres Somascos, leva cáseque 70 anos desenrolando o seu labor en Caldas de Reis, un concello da provincia de Pontevedra que ten ó redor de 10.000 habitantes.
As ensinanzas que se imparten no centro, a cargo dun claustro formado por 38 docentes, son as que se detallan e que no presente curso 2023/24 contan co seguinte alumnado:
Ed. Inf.: 25 alumnos/as Ed. Prim.: 106 alumnos/as E.S.O. 135 alumnos/as
CFGM (Actividades Comerciais - Instalac. Eléctricas e Automáticas - Xestión Administrativa): 102 alumnos/as
Datos de contacto son:
CPR Plurilingüe San Fermín
rúa Fermín Mosquera, 2 e 15
36650 - Caldas de Reis (Pontevedra)
Tlfno.: 986.54.00.75
E-mail: cpr.sanfermin.caldas@edu.xunta.gal
Web: www.csanfermincaldas.es
A localización do Centro:
Ubicación do centro a través de Google Maps
1.2.Contextualización e contribución ao PEC
O CPR Plurilingüe San Fermín dos Padres Somascos é un centro de educación concertado de carácter católico con cáseque 100 anos de historia. O ensino que ofrecemos xira arredor dos valores cristiáns, como son a humildade, o traballo ou o respecto.
Está situado no casco urbano de Caldas de Reis (PO), localidade estratexicamente situada ó confluír nela a intersección da estrada Pontevedra-Santiago e A Estrada-Vilagarcía. O ámbito produtivo da comarca baséase nas PYMES, aínda que tamén están asentadas algunhas grandes empresas con máis dun centenar de empregados cada unha. A base da economía local é o sector terciario, xa que a maioría da poboación traballa nos servizos: comercio, banca, administración, ensino... sendo importante tamén o sector primario, no que a agricultura é unha fonte de ingresos subsidiarios para a economía familiar.
Coa finalidade de proporcionar unha educación innovadora e de calidade, participamos en diferentes proxectos, entre os que destacan: Plurilingüismo, Abalar, E-dixgal, Digicraft, DAFIS. Cabe salientar que somos un Centro con distintivo de Vida Saudable.
No ámbito das novas tecnoloxías o San Fermín foi un centro que apostou pola innovación incorporando aló polo 1980 os primeiros IBM PC iniciando deste xeito unha aposta, pola incorporación das TIC ó proceso de ensino, que sigue a día de hoxe renovando o equipamento e adoptando ferramentas que permiten formar ó alumnado e acadar unha mellor motivación de cara a aprendizaxe. Tentarase implicar ó profesorado para acadar os obxectivos propostos o que implicará asumilos nas programacións.
1.3.Breve xustificación do mesmo
A redacción deste Plan ven dado polo marco normativo que se concretou coa publicación da Resolución do 3 de setembro de 2021 na que se recollía o procedemento para a elaboración durante o curso 2021/22 do Plan Dixital de Centro.
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional.
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
1.4.Proceso de elaboración
Para a elaboración do PDC seguíronse as indicacións da coordinadora ADIX de zona ademais da formación realizada. A súa implicación e constante orientación e asesoramento facilitaron enormemente o traballo a realizar nas diferentes fases: Selfie – TestCDD – Análise DAFO - Plan de Acción e Plan Dixital de Centro.
Para levar a cabo todo este proceso, no noso Centro, o coordinador TIC asumiu a organización e coordinación e creou un grupo de traballo que formado polos coordinadores de etapa (Infantil, Primaria, ESO e Ciclos Formativos), orientador e director.
En cada etapa, os memobros do grupo de traballo colaboraron na organización das tarefas a realizar, participaron nas sesións de formación e trasladaron ó resto do claustro a información e o estado do desenvolvemento do plan.