A elaboración da análise DAFO baseouse na autoavaliación SELFIE e no Test CDD, ferramentas habilitadas pola Comisión Europea e a Xunta de Galicia para a reflexión no emprego da tecnoloxía no labor docente. Os resultados obtidos nestas dúas ferramentas pódense consultar no ANEXO I.

I .-Breve análise das debilidades

Parte do profesorado de primaria non percibe que se conte cunha estratexia dixital do centro nin se fan proxectos interdisciplinares empregando as mesmas. O profesorado non se apoia en tecnoloxías dixitais para avaliar as habilidades dos alumnos. 

Baixa formación en competencia dixital do persoal non docente.

Ao alumnado non se lle facilita a retroalimentación ao alumnado a través de medios dixitais. Dificultade para a boa xestión de acceso a recursos dixitais.

Nas familias detéctase unha baixa formación en competencia dixital e baixa conciencia da necesidade de dotación tecnolóxica destinada á educación.

No mantemento das infraestruturas non sempre se dispón dunha asistencia técnica inmediata cando xorden problemas coas tecnoloxías dixitais. 

A materia de programación só se oferta en 4º e 6º de primaria.

Os RACKs atópanse en áreas de traballo.

II .-Breve análise das fortalezas

Cadro de persoal docente estable. Liña de formación no centro. O cadro de persoal non docente tamén é estable. O persoal docente que forma parte do Plan Dixital ten formación e experiencia en gran parte dos proxectos plantexados.

O 98% das familias do centro empregan Abalar móbil. O correo electrónico é a ferramenta de comunicación do centro. As titorías empregan Abalar móbil para a comunicación confidencial co equipo docente. 

Na oferta académica do centro inclúense materias como Iniciaciación á robótica en 4º e 6º EP, Programación en 2º ESO e Obradoiros sobre novas tecnoloxías. Todo o alumnado ten un equipo informático de uso individual á súa disposición. Formación dixital para o ensino virtual e comunicación co equipo docente.

En infraestruturas destacan: a conexión a 200 Mbps; armarios de carga; dotación cunha antigüidade máxima de 6 anos; Kits de equipos con conexión para as familias que o precisen; espazos didácticos dotados con kits dixitais (equipo informático, proxector, etc.).

III .-Breve análise das oportunidades

Colaboración con outras entidades: Universidade de Vigo en proxectos como Inspira STEAM; con profesorado das Escolas Técnicas; con outras empresas técnicas e tecnolóxicas. Oferta de plans desde a administración educativa que facilitan o acceso a ferramentas dixitais (E-Dixgal, Iniciación á Robótica en Primaria, dotación para fenda dixital). Cercanía a polígonos industriais con empresas tecnolóxicas.

IV .-Breve análise das ameazas

Dificultades de acceso á biblioteca municipal por parte do alumnado menor de idade. Cambios constantes na normativa educativa. Duplicidade de plataformas de formación en liña (E-Dixgal, aula vitual de Moodle).  O centro educativo está situado nunha área de perfil socioeconómico medio-baixo.

O seguimento do desenvolvemento do Plan Dixital farase ao longo do curso a través das coordinacións/xefaturas e dos órganos colexiados:

• Seguimento polas coordinacións de nivel/ciclo/departamento dos ítems que inciden nos mesmos de maneira específica.

• Revisión en CCP do grao de consecución dos logros de formación do alumnado.

• Formación a través do Claustro en pílulas temáticas segundo os intereses ou necesidades amosados polo mesmo ou detectados polo equipo do Plan Dixital.

A supervisión da consecución dos obxectivos enunciados no plan de acción (sección 3.1) realizarase nas datas que se especifican a continuación:
1. En maio de 2024, unha mellora do 25% nos resultados da enquisa para facer seguimento do uso das ferramentas corporativas (obxectivo 1).
2. En xuño de 2024, rúbrica para valorar a publicidade e o seguimento do Plan Dixital (obxectivo 2).
3. Ao remate de cada curso escolar, realización de 4 colaboracións con entidades do ámbito STEAM (obxectivo 3).
4. En xuño de 2024, realización de alomenos unha actividade formativa e creativa de carácter dixital (obxectivo 4).
5. A 20 de novembro de 2023, ter o 90% de equipos do centro coa última versión actualizada (obxectivo 5).
6. Dispoñibilidade de aulas virtuais para todas as materias a partires de 5º de primaria impartidas no curso 2023/24 e 75% en uso (obxectivo 6).
7. En xuño de 2024, ter redactado un plan de formación dixital do alumnado (obxectivo 7).

• Reunión inicial co Claustro. Formación sobre a conta persoal.
• Formación sobre o Plan Dixital, definición de obxectivos e accións a realizar.
• Información ás familias nas reunións de titoría fixadas antes do inicio do curso.
• Actualización dos equipos do centro.

• Posta en marcha do filtro automático de contido para a dotación do alumnado.
• Formación no Claustro do 30 de xaneiro de 2024 no uso de scribus.
• Obradoiros Inspira Steam para o alumnado de 1º ESO.
• Charla sobre ciberacoso para o alumnado de 5º e 6º Primaria e 2º ESO.
• Formación do Equipo do Plan Dixital no uso do material que forma parte dos Polos Creativos en radio.

Formación no Claustro sobre "scribus" programa de maquetación. Exposición da Semana da Ciencia entre o 22 e 30 de abril de 2024, con demostracións da cortadora láser, a impresora 3D,radio e robótica. Formación no Claustro sobre ferramentas dixitais en galego. No contexto da avaliación final, no suposto de non lograrse os obxectivos indicados no tempo e forma que foron previstos no plan de acción, establecerase unha proposta de mellora no Plan Dixital do seguinte curso.  Ter un plan dixital para o centro permite organizar mellor as accións e valorar o progreso cara a unha dixitalización real.  Manter o equipo de traballo. Establecer un repositorio de recursos e a súa utilidade segundo etapa/materia. Curso de Formación sobre a radio escolar e prácticas co alumnado. Curso de formación dos paneis dixitais.