1.1. Datos básicos do centro
CPR Plurilingüe Miraflores
Urbanización Monterrei Rúa Un nº9
32710 Pereiro de Aguiar
secretaria@colegiomirafloresourense.es
O Colegio Miraflores aposta por un modelo integral que ofrece formación dende os 4 meses ata a entrada na Universidade.
1.2. Contextualización do PD no centro. Contribución ao Proxecto Educativo do Centro
As Tecnoloxías da Información e Comunicación son unha ferramenta de aprendizaxe, investigación e comunicación integrada no traballo das diferentes áreas curriculares ao longo das diferentes etapas educativas coas que contamos. O computador, a tableta dixital e os dispositivos táctiles son unha ferramenta habitual de traballo na sociedade actual que nos rodea, é por iso polo que cremos preciso estimular ao alumnado, aos equipos docentes e tamén aos pais e nais a coñecer estas novas tecnoloxías para seguir abrindo camiños á creatividade e á investigación, incorporando ao proceso de ensino/aprendizaxe as posibilidades que nos ofrecen.
É por isto que o centro non pode permanecer á marxe do desenvolvemento que as TIC están a ter na sociedade xa que posibilitan novos xeitos de comunicación e están a traer novas actitudes na xuventude o que implica a súa incorporación como un recurso máis ao proceso de ensino/aprendizaxe e asemade un gran reto para os docentes, pois abre novas posibilidades didácticas que hai que explorar; como é a utilización do traballo por proxectos como referente fundamental no proceso de ensino/aprendizaxe xa que é nestes proxectos de investigación onde as TIC cobran o seu máximo significado.
O Colexio conta con un departamento TIC, este departamento xorde da necesidade do centro de coordinar a acción educativa no ámbito das TIC’s..
No Colexio desenvólvese dende fai 6 anos o Proxecto Mobile Learning onde os alumnos dende 6 EP ata Bacharelato traballan con IPads xestionados polo Colexio.
1.3. Breve xustificación do mesmo
O Plan dixital baséase no seguinte marco legal:
-Art. 111 bis, Art. 121 e Art. 132 da LO 2/2006, de 3 de maio, de Educación
-Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
-Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O PD está directamente vinculado co proxecto de centro xa que todos os obxectivos deste PD están relacionados coa formación contunuada do alumnado e profesorado.
O centro pretende ofrecer os seus alumnos unha formación integral facilitando a adquisición dunha elevada preparación persoal que lle permita construír o seu futuro con plena liberdade e con forme ás súas aspiracións. Proporciona un clima de traballo no que o dominio das tecnoloxías constitúe un elementos básicos do proxecto educativo.
Infraestructura, equipamento e servizos dixitais
As seguintes táboas recollen a información sobre a situación de partida en canto a recursos materiais, contidos e actividades realizadas no centro de maneira dixital e a continuación indícanse as medidas de actuación do actual Plan TIC xa en funcionamento no centro.
***Táboas en ANEXO I
