No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
Neste senso, será fundamental o feedback que os indicadores e as persoas da comunidade implicadas nos poidan aportar. Utilizaráse esta avaliación para a actualización do plan de cara ao seguinte curso.
As valoracións achegadas polo ADIX son positivas, con 3 de 4 obxectivos acadados totalmente e 1 de 4 parcialmente.
As valoracións do equipo docente son positivas, amosando o agradecemento por incluír formación específica para avaliación e autoavaliación en contextos virtuais. De feito, a esta formación acudiu máis da metade do claustro, o que representa case o triple dos membros que forman o equipo adicado á redacción e implementación do PDC.
O feedback que nos chega do alumnado é tamén positivo, conseguimos chegar con equipos/conectividade a aqueles fogares que carecían dos mesmos por diferentes circunstancias. Neste senso, e cumprindo con dous dos obxectivos que nos marcamos neste plan (1 e 3), reflectimos as valoracións medias sobre un máximo de 5 puntos emitidas polo alumnado do IES con respecto a tres ítems significativos:
- Disponibilidade de equipamento: 4.56
- Xestión de incidencias relacionadas co equipamento TIC: 4.22
- Uso da aula virtual no contexto da avaliación: 4.10
O feedback que nos chega das familias é bo, pero mellorable. Na formación específica de ABALAR móbil acodiron poucas persoas, iso si, moi interesadas. O curso que vén trataremos de incrementar esta cifra, aproveitando novas funcionalidades que se poidan incorporar á APP.
