Plan do centro

Datos do plan

Vixencia

 
 
 

Introdución

Introdución

Datos básicos do centro Breve

O IES O Ribeiro imparte as súas ensinanzas en dous edificios situados en Ribadavia (Ourense) e separados 1,6 quilómetros. No edificio Ribeiro impártese a ESO, Bacharelato e ESA, mentres que no edificio Abrente están os Ciclos Formativos.

Contextualización do Plan Dixital no centro. Contribución ao Proxecto Educativo do Centro

O IES O Ribeiro é o centro de referencia para o Ensino Secundario e a Formación Profesional de toda a comarca do Ribeiro. O Instituto recibe alumnado dunha ampla zona xeográfica: Concellos de Arnoia Avión, Beade, Carballeda de Avia, Castrelo de Miño, Cenlle, Cortegada, Leiro, Melón, e Ribadavia. Ademais hai moitos núcleos de poboación e grandes distancias, sobre todo en tempo. Isto confire a boa parte do alumnado uns trazos específicos: pasan moitas horas fóra da casa, axudan nos traballos da casa, carecen de material bibliográfico fóra do centro, dificultades de conectividade, o nivel cultural non é moi grande, ... Todo isto ten a súa incidencia nos resultados académicos.

O centro ten unha ampla traxectoria no ámbito das novas tecnoloxías e participa en diferentes programas de innovación.

En canto ao Proxecto Educativo de Centro, o Plan Dixital vai permitir deseñar unha estratexia dixital coherente coas características do instituto, da comunidade educativa e as súas necesidades, levando a cabo actuacións para mellorar todos os aspectos relacionados coas novas tecnoloxías, e permitindo o seu seguimento, avaliación e revisión anual, xa que o ámbito das novas tecnoloxías está en continua evolución e require unha constante actualización.

Breve xustificación do mesmo

A realización deste documento en relación có Plan Dixital xustifícase enmarcada dentro do seguinte contexto normativo:

  • Art. 111 bis, Art. 121 e Art. 132 da LO 2/2006, de 3 de maio, de Educación

  • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

  • Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

  • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 .

Proceso de elaboración

Para a elaboración do Plan Dixital, constituíuse un grupo de traballo en novembro de 2022 no que estaba integrado parte do Equipo Directivo, responsables TIC e profesorado do centro. Leváronse a cabo reunións presenciais para realizar as tarefas propostas, complementadas polo traballo individual das persoas participantes. Este proceso foi supervisado, corrixindo erros e suxerindo melloras, por unha docente especialista no ámbito dixital, que nos acompañou en todo o proceso.

O primeiro paso da elaboración do Plan Dixital foi a análise da situación dixital do centro mediante o emprego de dúas ferramentas de diagnose e avaliación: SELFIE e Test CDD. Estas ferramentas permitiron detectar os problemas dixitais que presenta o centro. Empregouse O DAFO, unha ferramenta sinxela pero á vez potente como mecanismo de análise da realidade e da toma de decisións. O seu nome provén dos catro ámbitos que centran a análise: Debilidades, Ameazas, Fortalezas e Oportunidades. O obxectivo final será corrixir as debilidades, manter as fortalezas, afrontar as ameazas e explotar as oportunidades empregando eses aspectos (externos e internos) positivos como axuda para compensar os negativos.

Elaborouse O DAFO recopilando as principais debilidades dixitais que presenta o centro. Debilidades que hai que reparar deseñando un plan de actuación mediante a fixación de distintos obxectivos, metas que queremos acadar desenvolvendo accións mediante o emprego de recursos humanos e materiais necesarios sen esquecernos de marcar prazos concretos para a súa execución. No mes de maio elaboráronse as distintas táboas de obxectivos.  No mes de xuño elaborouse o Plan Dixital de Centro facendo partícipe a toda a comunidade educativa do centro.

Durante o curso 2022/2023 implementouse e fíxose o seguimento dos obxectivos fixados no PD na plataforma Educalidade.

Neste curso 2023/2024 continúase con PD fixando novos obxectivos e mantendo outros que consideramos de gran importancia.

 

 

 

Contexto DAFO

Instrumentos de recollida de información previa

A partir do Informe SELFIE, Test de CDD e outras fontes, o centro xerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Interno
27 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade Comportamento pouco seguro e pouco responsable na competencia dixital (H1, H3) Alumnado Si
Debilidade Verificar a calidade da información (H4) Alumnado Si
Debilidade Non todas as familias teñen activado Abalar Móbil e moi poucas o empregan habitualmente (E4) Familias Si
Debilidade Os espazos físicos para o ensino e aprendizaxe coas novas tecnoloxías mellorables (C14) Infraestruturas Si
Debilidade Novas modalidades no ensino (A3) Oferta Non
Debilidade Avaliación do progreso no ensino e aprendizaxe con tecnoloxías dixitais (B1) Organización de centro Non
Debilidade Falla dunha estratexia dixital clara (A1) Organización de centro Si
Debilidade Creación de recursos dixitais (E2) Persoal docente Si
Debilidade Proxectos interdisciplinares (F6) Persoal docente Non
Debilidade Colaboración entre o alumnado (F5) Persoal docente Non
Debilidade Debate sobre o uso da tecnoloxía (B2) Persoal docente Non
Debilidade Comentarios a outros alumnos sobre o seu traballo (G6) Persoal docente Non
Debilidade Normas sobre os dereito de autor (A5) Persoal docente Si
Fortaleza Competencia dixital media alta (H10) Alumnado Non
Fortaleza Boas infraestruturas (C1) Infraestruturas Non
Fortaleza Bos dispositivos dixitais para o ensino, para a aprendizaxe e propiedade do centro cun bo acceso a Internet (C2, C8, C10, C3) Infraestruturas Si
Fortaleza Oferta de FP Básica e familias de FP para fomentar a permanencia do alumnado no sistema educativo. Oferta Non
Fortaleza Transporte, comedor, PLAMBE, Planes Proxecta e Educa en E-dixgal. Oferta Non
Fortaleza Resolución de incidencias técnicas dixitais (C5) Organización de centro Non
Fortaleza Inclusión do alumnado (F4) Persoal docente Non
Fortaleza Novas modalidades de ensino (A3) Persoal docente Non
Fortaleza Necesidades de DPC (D1) Persoal docente Non
Fortaleza Participación no DPC (D2) Persoal docente Non
Fortaleza Busca e emprego de recursos dixitais (E1) Persoal docente Non
Fortaleza Emprego entornos virtuais de aprendizaxe (E3) Persoal docente Non
Fortaleza Ordenador en conserxería. Emprego de aplicación online para a xestión académica e utilización das novas tecnoloxías para a comunicación coas familias por parte do persoal administrativo. Persoal non docente Non
Fortaleza Na ESO E-dixgal proporciona ao alumnado dispositivos dixitais para a súa aprendizaxe (C8) Persoal non docente Non
27 elementos atopados, amosando todos os elementos.
Externo 19 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza Sobrecarga horaria e burocracia excesiva. Administración educativa Non
Ameaza Persoal de asistencia técnica no centro (C5) Administración educativa Non
Ameaza Escaso persoal administrativo. Administración educativa Non
Ameaza As características do software instalado nos equipos e as plataformas Online da Administración moi mellorables. Administración educativa Si
Ameaza Baixa competencia dixital. ANPA Non
Ameaza Contorna cunha condición socioeconómica media-baixa. Contorna Si
Ameaza Dificultade de conectividade en parte do alumnado. Contorna Si
Ameaza A lexislación non contempla a figura de persoal de asistencia técnica no propio centro. Lexislación Non
Ameaza Mellorable colaboración dixital con outras entidades na ESO e Bacharelato (B3) Outras Non
Oportunidade Aposta da Administración Educativa pola transformación dixital. Administración educativa Non
Oportunidade Programas educativos como E-dixgal, Educa en Dixital, Plan Proxecta, ¿ Administración educativa Si
Oportunidade Abundante oferta formativa. Administración educativa Non
Oportunidade Dotación de equipamentos tecnolóxicos. Administración educativa Si
Oportunidade Boa disposición a colaborar. ANPA Non
Oportunidade No caso da FP, participación das empresas na estratexia dixital do centro (A6) Contorna Non
Oportunidade Existencia de programas educativos que potencian a estratexia dixital. Lexislación Non
Oportunidade Resolución para a elaboración e implementación do PDC Lexislación Non
Oportunidade Boa colaboración dixital coas empresas na FP. Outras Non
Oportunidade Realización de programas de AFD e formación para o emprego no propio centro (B3) Outras Non
19 elementos atopados, amosando todos os elementos.
Análise

O DAFO anterior invita á reflexión respeccto dos obxectivos acadar e a partir del deseñamos o Plan de Acción

Obxectivos

Datos obxectivo
Listaxe de obxectivos
Código Obxectivo Opcións
O01PD Empregar as canles de comunicación para solucionar as incidencias dixitais
O02PD Xestionar o curso de "Documentación IES O Ribeiro" do centro.
O03PD Identificar os equipos de alumnado e profesorado do IES O Ribeiro
O04PD Actualizar e xestionar o equipamento E-Dixgal (estudantes, profesorado, aulas) coa nova maqueta Abalar 11.
O05PD Implantar ferramentas para supervisar o comportamento do alumnado na competencia dixital nas aulas E-Dixgal
O06PD Xestionar o equipamento do proxecto "Educa en Dixital".
O07PD Mellorar a páxina web para mellorar a comunicación coa comunidade educativa do centro
O08PD Aumentar o uso da aplicación Abalar entre o profesorado e as familias

Seguimento

Procedemento
  • O Equipo de Dinamización do PD realiza xuntanzas no 1º trimestre para avanzar na consecución dos obxectivos fixados no PD.
  • A persoa coordinadora xunto co seu equipo teñen acceso á ferramenta Educalidade para:

1. Actualizar a versión do PD

2. Rexistrar os avances no PD de centro 

3. Traballar na consecución das diferentes accións de cada un dos obxectivos ata xuño

  • A persoa mentora ADIX realiza como mínimo, dúas visitas ao centro por trimestre para analizar xunto coa persoa coordinadora do PD o desenvolvemento do mesmo, resolvendo dúbidas e transmitindo a información de servizos centrais levantando acta.

 

1º Trimestre

Practicamente a totalidade das accións previstas para o primeiro trimestre cumpríronse. A continuación detallamos cada un dos obxectivos:

Acadamos o 1º obxectivo: Empregar as canles de comunicación para solucionar as incidencias dixitais. Consideramos que funcionou ben a canle (caderno de mantemento) e seguirémola  empregando para rexistrar as incidencias dixitais xurdidas no centro ao longo dos seguintes cursos. Os prazos fixados para o desenvolvemento das accións deste obxectivo cumpríronse á perfección. Estaba acadado na data fixada 21 de decembro do 2023 para o profesorado no centro educativo, e continúa a informares ao persoal docente substituto cando se incorpora ao noso centro. OBXECTIVO ACADADO

Acadamos o 2º obxectivo “Xestionar o curso de Documentación IES O Ribeiro do centro”. Cumpríronse todas as accións en prazo: actualización dos participantes do curso "Documentación IES O Ribeiro", difusión do curso "Documentación IES O Ribeiro”, elección e subida dos documentos, emprego do curso polos docentes para consultar e entregar documentación, actualización de participantes con cada nova incorporación de persoal docente substituto e comunicación da existencia do curso "Documentación IES O Ribeiro". OBXECTIVO PARCIALMENTE ACADADO

Acadamos o 3º obxectivo “Identificar os equipos de alumnado e profesorado do IES O Ribeiro”. O equipamento de alumnado e profesorado do IES O Ribeiro está identificado por medio de etiquetas plásticas. OBXECTIVO ACADADO.

Acadamos parcialmente o 4º obxectivo “Actualizar e xestionar o equipamento E-Dixgal" (estudantes, profesorado, aulas) coa nova maqueta Abalar 11”. Actualizáronse todos os equipos de aula e de alumnado á maqueta Abalar 11, e soluciónanse as incidencias relacionadas coa nova maqueta xurdidas no equipamento E-Dixgal ao longo do curso. pero faltan algúns equipos de profesorado por ser actualizados, e ao longo do curso hai que resolvendo as incidencias que van xurdindo nos equipos e que na maioría dos casos supoñen reinstalar a nova versión da maqueta Abalar. OBXECTIVO PARCIALMENTE ACADADO

Acadamos o 5º obxectivo “Implantar ferramentas para supervisar o comportamento do alumnado na competencia dixital nas aulas E-Dixgal”. O equipamento de alumnado é supervisado polo programa de xestión Epoptes do equipo de aula en todas as clases da ESO. Aínda que está acadado, ao longo do curso continúa traballándose na resolución das incidencias que van xurdindo, así como incorporando ao novo alumnado e os equipos que son substituídos por avarías. OBXECTIVO ACADADO.

Acadamos parcialmente o 6º obxectivo “Xestionar o equipamento do proxecto Educa en Dixital". A maioría do alumnado do centro con necesidades do equipamento de Educa en Dixital recibiuno; queda pendente a asignación do alumando de Formación Profesional Básica. Está completado no resto de ensinanzas (Bacharelato e Ciclos Formativos Medios e Superiores). OBXECTIVO PARCIALMENTE ACADADO.

Acadamos parcialmente o 7º obxectivo “Mellorar a páxina web para mellorar a comunicación coa comunidade educativa do centro”, dado que depende das necesidades que van xurdindo en cada momento. OBXECTIVO PARCIALMENTE ACADADO.

Acadamos parcialmente o 8º obxectivo “Aumentar o uso da aplicación Abalar entre o profesorado e as familias”. As accións máis importantes, previstas para o primeiro trimestre, están completadas; falta a última que está prevista ao longo de todo o curso.

 
 
 
 
 
 
2º Trimestre

Neste trimestre non había accións de ningún obxectivo previstas para ser acadadas e pechadas, pero continúase o traballo de actualización e solución de incidencias previstas nas que o necesitan. Das dúas accións non completadas no primeiro trimestre, completouse a do obxectivo 6º, “Xestionar o equipamento do proxecto Educa en Dixital", dado que o alumnado de Formación Profesional Básica con necesidades do equipamento de Educa en Dixital recibiuno, polo que soamente queda pendente a recollida dos equipos de todo o alumnado a final de curso. OBXECTIVO PARCIALMENTE ACADADO.

3º Trimestre

Practicamente a totalidade das accións previstas para o terceiro trimestre cumpríronse. A continuación detallamos cada un dos obxectivos:

Acadamos o 2º obxectivo “Xestionar o curso de Documentación IES O Ribeiro do centro”. Cumpríronse todas as accións en prazo: actualización dos participantes do curso "Documentación IES O Ribeiro", difusión do curso "Documentación IES O Ribeiro”, elección e subida dos documentos, emprego do curso polos docentes para consultar e entregar documentación, actualización de participantes con cada nova incorporación de persoal docente substituto e comunicación da existencia do curso "Documentación IES O Ribeiro". OBXECTIVO ACADADO

Acadamos case por completo o 4º obxectivo “Actualizar e xestionar o equipamento E-Dixgal" (estudantes, profesorado, aulas) coa nova maqueta Abalar 11”. Actualizáronse todos os equipos de aula e de alumnado á maqueta Abalar 11, e soluciónanse as incidencias relacionadas coa nova maqueta xurdidas no equipamento E-Dixgal ao longo do curso. Polo tanto, as accións 1, 2 e 4 están acadas quedando pendente por completar a acción 3: "Recollida dos equipos de profesorado para o clonado á nova maqueta" posto que faltan algúns equipos pendentes para setembro.. OBXECTIVO PARCIALMENTE ACADADO.
 
Acadamos o 6º obxectivo “Xestionar o equipamento do proxecto Educa en Dixital". O alumnado do centro con necesidades do equipamento de Educa en Dixital recibiuno e ao final de curso procedeuse á recollida dos equipos de todo o alumnado. OBXECTIVO  ACADADO.
 
Acadamos o 7º obxectivo “Mellorar a páxina web para mellorar a comunicación coa comunidade educativa do centro”. OBXECTIVO ACADADO.
 
Acadamos o 8º obxectivo “Aumentar o uso da aplicación Abalar entre o profesorado e as familias”. OBXECTIVO ACADADO.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Avaliación

Procedemento para a avaliación

O procedemento de seguimento do desenvolvemento do plan e da consecución de obxectivos será levado a cabo polo Equipo Directivo e as persoas responsables TIC, empregando para isto as táboas incluídas no Plan Dixital para cada obxectivo do plan de acción. Esta avaliación incluirá tanto unha avaliación procesual como unha avaliación final:

  • No contexto da avaliación procesual a frecuencia da súa realización será como mínimo unha vez ao trimestre, dependendo das datas concretas sinaladas no seu caso nas táboas de obxectivos do plan de acción. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

      Calendario de seguimento do Plan de Acción do curso 2023-2024

  • A avaliación final se realizará no final de curso, entre os meses de maio e xuño. Os aspectos a considerar incluirán, entre outros:

    • Grao de cumprimento dos obxectivos do Plan de Acción

    • Modificacións introducidas no Plan de Acción

    • Xustificación das modificacións introducidas no Plan de Acción

    • Análise do impacto do Plan Dixital no centro.

 
 
 
 
 
 
Valoración xeral

05/11/2023: A valoración do Plan Dixital polo momento é boa, xa que todos os obxectivos (8) previstos inicialmente están todos acadados parcialmente, vaise cumprido as datas fixadas no seguimento das acccións dos obxectivos.

Sen embargo, como aspectos que valoramos negativamente están a non dotación do equipamento e infraestruturas tecnolóxicas previstas no PD, así como a necesidade de formar un equipo máis amplo encargado do desenvolvemento do PD e cunha maior dispoñibilidade horaria.

27/06/2024: A valoración final do Plan Dixital para este curso é moi satisfatoria xa que todos os obxectivos menos un acadáronse por completo.

No apartado de dotación, actualmente a valoración é moi positiva debido á chegada nos últimos meses de diferentes dispositivos ao centro (18 equipos portátiles de aula, 16 equipos de sobremesa para as aulas de informática, 3 equipos de sobremesa para docentes) e a previsión de chegada de máis equipamento (equipos portátiles -5 para o Departamento de Orientación e 4 para docentes- e 18 paneis dixitais).

 

 
 
 
 
 
 
Proposta de mellora

Con respecto á primeira versión do Plan Dixital, que foi demasiado ambiciosa e non conseguimos acadar moitos dos obxectivos, nesta segunda versión consideramos que fomos máis realistas e acadamos practicamente todos os obxectivos.

Como principal proposta de mellora consideramos imprescindible que o equipo responsable do plan dixital estea constituído por un maior número de profesorado e que posúa dispoñibilidade horaria.

Para a seguinte versión do PD, curso 2024-2025, propoñemos obxectivos relacionado con:

  • Renovación do DAFO.
  • A chegada dos novos paneis dixitais que van substituír ás PDI, debido a que será necesaria formación do profesorado nesta nova tecnoloxía, así como elaborar un protocolo de emprego para o bó uso destes dispositivos.
  • A organización e distribución do novo equipamento.
  • Mellorar o comportamento pouco seguro e pouco responsable do alumnado na competencia dixital, polo que vemos conveniente propoñer novos obxectivos relacionados con esta debilidade do centro.
  • Organizar as IP da rede do centro ED3201475.
  • Actualizar a páxina web, Aula Virtual e documentación seguindo as indicacións do manual de identidade corporativa publicado neste curso pola Xunta de Galicia.
  • Revisión, actualización e mellora do inventario do equipamento dixital do centro.

 

 
 
 
 
 
 

Comunicación e difusión

Comunicacion e difusión

A través dun enlace, obtido da plataforma Educalidade, enviadado ao Claustro e ao Consello escolar o 30/10/2023.

Volver