Para que o presente Plan Dixital acade un grado óptimo de efectividade, cómpre deseñar unha folla de ruta para avalialo. Neste punto podemos diferenciar dous niveis de avaliación:
· A avaliación procesual.
· A avaliación anual
Unha vez ao trimestre, o coordinador TIC deberá revisar as liñas do Plan de Acción e reunirse co equipo directivo para valorar de xeito individual cada acción concretada no plan, de cara a introducir durante dito curso académico medidas de axuste ou organizativas. Así, por exemplo, se non se realizaron as revisións dos equipos máis antigos do centro (A01.1) por falta de dispoñibilidade horaria, deben introducirse axustes temporais para cumprir coa planificación ao final do curso.
Anualmente, todos os membros do equipo TIC reuniranse nunha sesión específica para valorar o logro de todos os obxectivos e facer achegas de mellora, que deberán ser redactadas por escrito, de cara a seren introducidas no seguinte curso.
Durante o presente curso 2022/2023 realizáronse as reunións estipuladas para o seguimento, as trimestrais co equipo directivo ( 7/12/2022, 13/03/2023 e 23/06/2023) e a anual co equipo TIC (23/06/2023) quedando reflectidas por escrito nos equipos informáticos do centro para a súa visibilidade por parte do equipo docente.
Avaliación trimestral:
-1º TRIMESTRE:
Obxectivo AO1 " Mellorar a infraestrutura e asistencia dixital do centro" .Estado:ACADADO PARCIALMENTE.
Acción AO1.1: Localizar os equipos maís antigos do centro, realizado na data prevista 21/12/2022.
-2º TRIMESTRE:
Obxectivo AO.1 " Mellorar a infraestrutura e asistencia dixital do centro".ACADADO
Acción AO1.2: Revisar o funcionamento dos equipos máis empregados diariamente no centro, realizado na data prevista 15/03/2023.
Acción AO1.3: Propoñer revisión e actualización dos equipos que o necesiten ao servizo técnico, realizado antes da data prevista Marzo 2023.
O obxectivo AO.1 acadouse antes da data prevista. A acción AO.1.2 adiouse a MARZO por un dos equipos que quedaran sen revisar, ainda así se fixo no tempo programado inicialmento no PD.
-Obxectivo AO.2: "Mellorar a competencia dixital do profesorado que non pertence ao equipo TIC".ACADADO PARCIALMENTE.
Acción AO.2.1 Creación dun grupo de titoría entre iguais.Realizado antes na data prevista xuño 2023.
Acción AO.2.2 Creación dunha canle de comunicación para informar da oferta formativa externa.Realizado na data prevista xuño 2023.
Acción AO.2.3 Localizar aqueles centros de educación especial con prácticas educativas trasladables ao noso alumnado.Pendente de realizar.
Acción AO.2.4 Formación en edición de vídeo.Realizado febreiro 2023.
O segundo obxectivo queda pendente pola 3ª acción que estaba prevista para o vindeiro curso.Modificouse a redación do mesmo quedando da seguinte maneira: Localizar aqueles centros educativos e entidades relacionadas, con prácticas educativas trasladables ao noso alumnado. Asemade engadiuse ao PD unha nova acción dentro do segundo obxectivo, AO2.4 Formación en edición de vídeo , cun total de 6h presenciais en xaneiro e febreiro de 2023.
3º TRIMESTRE:
Obxectivo AO.3: "Empregar a páxina web e a aula virtual como canles de comunicación e recursos".ACADADO PARCIALMENTE.
Acción AO.3.1: Publicación de entradas informativas sobre o traballo diario do centro na páxina web, realizado na data prevista, xuño 2023.
Acción AO.3.2: Actualización da aula virtual (contas, paneis,etc), non realizado.
Acción AO.3.3: Creación de titoriais para que as familias accedan aos contidos, non realizado.
Neste 3º obxectivo acordouse, desde a 1ª reunión trimestral co equipo directivo, modificalo eliminando a aula virtual pola falta de opertividade co alumnado do noso centro, quedando redactado da seguinte maneira:
"Empregar a páxina web do centro como canle de comunicación e recursos".
As accións 2 e 3 deste obxectivo tamén se reformulan para a súa posterior consecución no curso 2023/2024, quedando da seguinte maneira:
AO.3.2: Actualización da páxina web ( contas de usuario, etc).
AO.3.3: Creación de titoriais para que as familias accedan a todos os apartados da páxina web.
Avaliación final na reunión do Equipo TIC celebrada o 23/06/2023:
Valoración do cumprimento dos obxectivos e achegas de memoria.
Se deu lectura a acta da reunión de fin de trimestre co grao de consecución dos obxectivos do PD.Valoráronse positivamente os cambios na redacción do obxectivo 3 e na incorporación da acción AO.2.4 e se fixeron propostas para novas formacións a incorporar ao PD.
