1.1.  Datos básicos do centro

O CEIP SACO E ARCE é un centro de carácter público e aconfesional, respectuoso con tódalas crenzas relixiosas, no que  se imparten as ensinanzas correspondentes ás etapas de Educación infantil e Educación Primaria. O centro está  adscrito ao  IES O COUTO. Na zona o idioma vehicular é o galego, aínda que existe unha significativa porcentaxe de castelán falantes.

E-mail: ceip.saco.arce@edu.xunta.gal                       Web: http://www.edu.xunta.gal/centros/ceipsacoarce/

Teléfono dirección: 988685096                                  Teléfono biblioteca: 988685095

Código do Centro: 32012711                                      Nª de alumnado: 108                         Nº de mestres: 20

1.2.  Contextualización do Plan Dixital no centro. Contribución ao Proxecto Educativo do Centro

O uso dos medios informáticos, xa dende a E. Infantil, é algo habitual no centro, asumindo nos derradeiros cursos, tanto no plano humano como no plano material, a necesidade de establecer estratexias metodolóxicas e deseñar actividades que teñan como ferramenta principal de desenvolvemento as TICs.

Por unha banda a capacitación tecnolóxica dende os primeiros anos e por outra o uso destes recursos como elementos motivadores e estimuladores do aprendizaxe, son esenciais para o desenvolvemento da competencia dixital.

Tendo como referente esta situación, o noso Centro está a aproveitarse dos avances tecnolóxicos en pos de conseguir un Ensino de maior calidade.

O C.E.I.P Saco e Arce acolle a alumnos e alumnas procedentes do medio rural. Unha medida de Atención á Diversidade, é tamén acercar as TICs a este alumnado, para que deste xeito teña tamén acceso as tecnoloxías da información e da comunicación e o alumnado poida desenvolver as súas aprendizaxes coa axuda de ferramentas actualizadas.

Algúns criterios nos que baseamos o noso traballo cos nosos alumnos/as neste campo e que, loxicamente, deben quedar reflexados neste plan de actuación, son os seguintes:

a) Dar resposta á  realidade social resultante do uso xeneralizado das tecnoloxías de información e comunicación en múltiples aspectos da vida cotiá.

b) O enfoque cara unha comprensión integral do impacto persoal e social da tecnoloxía e unha reflexión ética acerca da relación entre tecnoloxías, persoas, economía e medio ambiente.

c) A transformación dixital que inclúa unha visión da competencia dixital máis moderna e ampla, acorde coas recomendacións europeas relativas ás competencias clave para a aprendizaxe permanente.

d) Facilitar a integración e o desenvolvemento das tecnoloxías dixitais nos procesos formativos e optimicea xestión dos recursos humanos e materiais do centro.

e) Promover o uso das ferramentas de avaliación e diagnose dos centros educativos respecto á competencia dixital.

f) Mellorar a competencia dixital dos membros da comunidade educativa . para transformar os centros en organizacións educativas dixitalmente competentes nos procesos de ensino-aprendizaxe, de xestión e de relación.

g) Revisar cada curso escolar a estratexia dixital do centro.

O noso Plan Dixital  xustifícase normativamente nas seguintes bases:

1. Art. 111 bis, Art. 121 e art. 132 da LEY 2/2006.

2. LEY ORGÁNICA 3/2020.

4. Resolución do 17 de xuño de 2021.

5. Resolución do 3 de setembro de 2021.

6. Decreto 155/2022.

Para a avaliación do PD tomaránse como base os indicadores   para cada un dos obxectivos do Plan de Acción.

Teremos tres momentos  de avaliacion-revisión do PD:  ao comezo do segundo trimestre, a comezo e a finais do terceiro.

Valorarase o estado da execución das accións previstas, os resultados en cada momento e que aspectos é preciso modificar para acadar satisfacoriamente o conxunto das accións previstas.

A avaliación final coincidirá coa ultima sesión de avaliación procesual, farase unha valoración global sobre o logro dos obxectivos e estableceremos as propostas de mellora que se  consideren.

O coordinador do PD será o encargado de coordinar tamén a avaliación do PD e recoller as propostas de mellora.

Fóronse facendo avaliacións  trimestrais  sobre  o desenvolvmento do PD, tal e como recollemos nas actas das reunións do Equipo TIC do centro, baixo a coordinación do Coordinador do PD.

A avaliación final corresponde  coa última acta do equipo TIC, feita o 4 de xuño de 2024.

Fíxose unha valoración moi positiva  do desenvolvemento do PD, da  participación de todolos ámbitos: profesorado, alumnado e familias.

Queda pendente  a dotación tipo que se esperaba para este curso, do material para  os Polos Creativos.

Débese  continuar  coa profundización na formación  do profesorado en TIC,  particularmente, en ferramentas de elaboración de contidos  e  posibilidades de traballo cos materiais de Polos Creativos.

Singularmente debemos buscarlle unha maior aplicabilidade na aula de todas estas ferramentas e materiais que temos a man. 

Son liñas que se deben incorporar ao novo  PD incluíndo ademais algunha acción formativa para alumnado, familias e profesorado dirixida á prevención no acceso a contidos de carácter pornográfico a través das redes.

Débense manter as actuais  accións formativas sobre prevención en ciberseguridade  para alumnos, alumnas e  familias.

Continuar co proxecto E-Dixgal, mellorando a capacidade de desenvolvemento que temos ate o momento sen perder a necesidade de desenvolver actividades nos cadernos tal e como ven sendo habitual.

Este PD unha vez aprobado pola Dirección do Centro, será presentado para a súa información e aprobación aos órganos colexiados, Claustro e Consello Escolar, na derradeira  semana de  outubro, en todo caso antes do 6 de novembro de  2023.

Asemade, establecemos este protocolo de difusión.

a) Información ao conxunto do profesorado. (A través dos correspondentes enlaces)

b) Información aos órganos colexiados.

c) Visado do PD por parte da Dirección do Centro

d) Anexalo á PXA  para  a súa comunicación á Unidade Territorial correspondente.

e) Publicación na páxina web do centro e na aula virtual.

f) Imprimirase unha copia que  quedará na Secretaría do Centro a disposición de calquera membro da comunidade educativa.