Tal e como se recolle na Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación, o uso xeneralizado das tecnoloxías de información e comunicación en múltiples aspectos da vida cotiá ha acelerado cambios profundos na comprensión da realidade e na maneira de comprometerse e participar nela, nas capacidades para construír a propia personalidade e aprender ao longo da vida, na cultura e na convivencia democráticas, entre outros.
A Lei tamén insiste na necesidade de ter en conta o cambio dixital que se está producindo nas nosas sociedades e que forzosamente afecta á actividade educativa. Por tanto, o desenvolvemento da Competencia Dixital é clave para que, tanto o profesorado como o alumnado, poidan desenvolverse nos novos escenarios, de maneira que o alumnado poida desenvolver as habilidades e competencias do século XXI, e o profesorado poida mellorar e modernizar os procesos de ensino-aprendizaxe. É por iso,que todas as accións educativas que leven a cabo nos centros necesitan que se garantan tres piares básicos que conforman un trinomio indivisible: pedagoxía, tecnoloxía e espazos inspiradores, onde cada elemento só ten sentido pola súa conxunción co resto.
- CONTEXTUALIZACIÓN DO PLAN E CONTRIBUCIÓAN AO PE:
O alumnado de Infantil e Primaria de hoxe en día nace xa tendo acceso a novos equipos e ferramentas que fan que a súa motivación para aprender con estas tecnoloxías sexa moi superior á que lle ofrece o uso exclusivo do papel e do lapis. Non hai alumnos/as desmotivados, senón métodos que non son totalmente adecuados ás súas características. Así, o proceso de ensinanza-aprendizaxe evoluciona cara o uso das TIC na vida diaria do alumnado e do profesorado.
O Plan Dixital é un instrumento de planificación integrado no PE que persigue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensinanza aprendizaxe. Será un documento vivo que contén os acordos acadados no centro con respecto aos obxectivos xerais do plan, as estratexias de dinamización e xestión dos recursos tecnolóxicos e a inclusión das TIC nas diferentes concrecións curriculares.
Atopándonos na era das tecnoloxías, e tendo en conta a importancia que estas teñen para o alumnado, tanto os proxectos individuais de aula, como os de centro, xiran en torno ás TIC, contribuíndo así á Competencia dixital do alumnado.
Este Plan Dixital 1.0 pretende ser o eixo central da nosa programacióndurante o curso 2023-2024. Para elo, disporemos dunha liña de formación específica en novas tecnoloxías, que nos faciliten novos coñecementos e facilidade para seguir integrándoas na vida diaria do centro. O proxecto "A Ribadavia medieval" levado a cabo a través de Polos Creativos está totalmente centrado no uso das TIC por toda a comunidade educativa.
Será polo tanto, un instrumento que forme parte do Proxecto Educativo, do Proxecto de Dirección e da Programación Xeneral Anual (PXA) do curso 2023/24.
O deseño do Plan Dixital do Centro debe recoller as ideas principais, determinar as prioridades e establecer niveis de planificación (programas, proxectos e/ou accións) que marcarán o plan de traballo da escola no seu proceso de cambio e mellora.
O plan dixital central permitirá á comunidade educativa visualizar onde se quere que chegue o centro, comprender onde está actualmente e debuxar o camiño que conduce dun estado ao outro.
Estas orientacións desenvolvéronse tendo en conta o marco europeo para organizacións educativas competentes dixitalmente (DigCompOrg), desenvolvidas polo Centro de Investigación Común (JRC, Centro de Investigación Mixta), da Comisión Europea.
Actualmente, o Marco Común de Competencia Dixital Docente está en proceso de revisión e actualización por unha comisión composta por representantes do Instituto Nacional de Tecnoloxías Educativas e Formación do Profesorado do Ministerio de Educación e Formación Profesional e Comunidades Autónomas.
O Plan Dixital deste centro comezou no mes de Novembro de 2021.
Cada centro está distribuído nun grupo ADIX; no noso caso, e tendo en conta a ubicación do centro, estamos no grupo ADIX_OU1. A mentora do noso centro, unha vez en contacto con nós, facilitounos acceso á aula virtual onde se ían programando tarefas.
(https://www.edu.xunta.gal/centros/plandixital/aulavirtual/enrol/index.php?id=18)
A primeira parte de Plan foi a creación do cuestionario SELFIE, que posteriormente cubríu o alumnado e profesorado do centro.
A segunda parte consistiu na realización do Test CDD, informe que ofrece resultados de autorreflexión do profesorado do centro que participou no test, para comprobar o nivel de competencia dixital de cada un deles e así poder planificar a formación futura do profesorado no ámbito dixital.
Unha vez obtidos os resultados de ambos cuestionarios, o equipo de dinamización do Plan Dixital comezou ca súa análise para a posterior elaboración do DAFO e así establecer os obxectivos prioritarios para o Plan de Acción que se levaron a cabo no curso 20022/2023.
A organización do noso equipo foi un proceso complexo xa que os horarios non nos permitían traballar conxuntamente, dificultando o momento de análise e reflexión, parte indispensable para a elaboración do DAFO. Tamén tivemos varias reunións cos membros do equipo directivo onde analizamos as características do centro e decidimos cales serían os obxectivos do Plan de Acción, que veñen reflectidos no punto 3.1 do presente Plan.
O proceso de elaboración remata coa redacción do Plan Dixital do centro.
En conclusión, a finalidade deste Plan Dixital é aumentar a competencia dixital dos docentes e do alumnado, de tal maneira que cambie a metodoloxía e o proceso de ensino–aprendizaxe esperte un maior interese polo estudo, chegando a todo o alumnado.
