Disposicións normativas vixentes :
• A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
- O artigo 132 da devandita Lei establece como competencias dos directores e directoras, entre outras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa no centro.
- A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
- En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade persegue a transformación dixital dos centros educativos de Galicia como organizacións a fin de que sexan dixitalmente competentes nos procesos de ensino- aprendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital do Centro como organización.
• O Regulamento polo que se establece o Mecanismo de Recuperación e Resiliencia do Consello Europeo do 11 de febreiro de 2021 establece como un dos seus principais eixes a transformación dixital na procura da excelencia, a universalidade e a equidade na educación; que elimina as brechas sociais e territoriais que incentiva a formación continua e cre no talento, promocionando o emprendemento e a innovación, o reforzo das súas capacidades de investigación e a atracción e fomento da excelencia.
- No Plan de Nova Arquitectura Pedagóxica que impulsa a Consellería de Cultura, Educación e Universidade, faise unha clara aposta por espazos ao servizo dos proxectos educativos, sobre todo vinculados á transformación dixital e que sexan xeradores de igualdade e de inclusión. Así como, na Estratexia Galicia Dixital 2030 e na Estratexia Educación Dixital 2030 de Galicia, cara a consecución dunha cidadanía dixital plena.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
A contribución do Plan Dixital ao PEC debemos velo desde a perspectiva de como pode reforzar este plan ao uso adecuado das novas tecnoloxías en toda a comunidade educativa. E sempre tendo en conta que a competencia dixital é unha das competencias clave nas que é necesario traballar co alumnado ao longo do seu paso pola educación infantil e primaria.
Na PXA vemos obxectivos directamente afectados polo plan, tanto do centro como da sociedade:
• Fomentar a comunicación pais/nais/mestres/alumnado tanto con canles presenciais como dixitais.
• Atención personalizada e individualizada do alumnado.
• Atención especializada ao alumnado con necesidades específicas de apoio educativo.
• Desenvolver unha formación integral do alumnado.
• Desenvolver e mellorar a competencia dixital do profesorado e do alumnado.
• Aproveitar a formación do profesorado en todas as áreas posibles.
• Fomentar a pluralidade lingüística, dixital e cultural do centro.
• Maior potenciación das novas tecnoloxías.
FASE I. ANÁLISE E DIAGNOSE
Novembro-Decembro 2021: Aplicación dos cuestionarios SELFIE (instantánea do punto no que se atopan os centros en relación co uso das tecnoloxías dixitais, tendo en conta as opinións do profesorado, o alumnado e o equipo directivo.)
Febreiro-marzo 2022: Aplicación do CDD (cuestionario que analiza a competencia dixital docente, obtendo un resultado individual cada mestr@ e un resultado global do centro).
Marzo 2022: Realizouse unha análise dos resultados dos cuestionarios anteriores en comparación cos resultados doutros centros de Ed.Primaria e Infantil.
Abril 2022: Elaboramos un informe DAFO ( D= debilidades, A = ameazas , F= fortalezas O= oportunidades) recompilando datos, reflexionando e realizando análises cuantitativa e cualitativa adaptado á realidade do noso centro.
FASE II. DESEÑO E ELABORACIÓN DO PLAN DIXITAL
Maio 2022: En función do informe DAFO, sobre todo baseándonos nas debilidades, establecemos os obxectivos e accións a seguir encamiñadas a conseguilos.
Xuño 2022: elaboración, redacción da Versión 1.0 do Plan Dixital que recolle a situación de partida do centro, o plan de accións cos obxectivos que se marca o centro, como se avalia e difunde o plan , entre outros datos.
setembro a xuño 2023: implementación do Plan Dixital v 1.0
xuño 2023: seguemento, avaliación e propostas de mellora
setembro-outubro 2023: actualización do Plan
O equipo segue conformado polos mesmos membros e Fran Álvarez como coordinador.
