Actualmente son de gran importancia o sector servizos e o sector turístico. Ribadeo é o centro dun enclave turístico en expansión. O sector industrial non está propiamente representado en Ribadeo. En consonancia histórica co carácter comercial de Ribadeo e do seu porto, e reforzado polo crecemento experimentado polos servizos nas últimas décadas, o sector terciario mantense hoxe como o principal motor da economía local, o comercio, dende o que é polo miúdo ata as grandes transaccións que teñen lugar no porto comercial, e os servizos vencellados á administración, profesións liberais, ocio, turismo… son os causantes do crecemento económico de Ribadeo nos últimos anos. O porto de Mirasol foi e segue sendo o grande motor comercial de Ribadeo e, dende 2004, é o único da costa de Lugo autorizado para o comercio con países externos á UE. O segundo sector en peso ocupacional é o secundario, a actividade industrial, que está centrado na transformación agropecuaria, na madeireira e na elaboración de prefabricados de formigón. O sector primario ten un peso escaso no conxunto da economía local. Este sector primario baseado na gandería, sobre todo no vacún de aproveitamento lácteo, e na produción forestal, ten pouca relevancia. A actividade da pesca, centralízase no porto de Porcillán, pero cómpre dicir que ten moi escaso peso na economía local, aínda que nos últimos anos gañaron tamén protagonismo a exportación de algas e a cría de ostras. O porto deportivo de Ribadeo é un actor clave no proceso de desenvolvemento da vila, un verdadeiro axente de transformación social no que conflúen trazos socioculturais, lingüísticos, históricos e económicos. O Concello de Ribadeo posúe tamén varios recoñecementos internacionais (Rede Natura 2000, LIC, ZEPA, Reserva da biosfera...). A situación xeográfica de Ribadeo, no litoral da Mariña lucense, e a súa situación entre as autonomías de Galicia e Asturias converten a este concello nun lugar estratéxico que abarca a Mariña oriental lucense e a Mariña occidental de Asturias, a distancia que separa Ribadeo dos seus concellos veciños en Asturias é mínima. Ribadeo forma parte tamén do camiño norte ou primitivo de Santiago, polo que é visitado cada ano por milleiros de persoas, moitas delas procedentes doutros puntos de Europa. Esta poboación ábrese, de forma histórica, a outras culturas con curiosidade, e cada vez mais, se precisa un sector de servizos que domine linguas estranxeiras. A praia das Catedrais é tamén un gran reclamo turístico da Mariña lucense, e en especial do concello de Ribadeo. Milleiros de persoas de diferentes países a visitan cada ano debido á beleza e á espectacularidade das súas formacións rochosas. Sabedores de que o mantemento e a divulgación dos nosos valores culturais pasa por á formación e á educación, unha parte importante do noso traballo vai encamiñada a divulgación doutras culturas, xunto coas súas linguas.
O PD está deseñado para ser un documento que permita traballar na consecución dos obxectivos do Proxecto educativo do centro, artellando estratexias e plans de accións que contribúan a desenrolar a actividade didáctica nun contexto cada vez mais dixital. Os plans de acción foron deseñados co gallo de formar parte de plans de innovación educativa e da competencia dixital do alumnado e profesorado. No curso 2022/23 farase unha revisión do PEC para adaptalo a este novo contexto educativo como o ensino virtual, cursos semipresenciais etc.
A escola conta cunha biblioteca cunha adquisición progresiva de fondos. A inclusión da biblioteca no Plan de Mellora de Bibliotecas Escolares fai isto posible. A biblioteca é un lugar acolledor para o alumando, onde se poden levar a cabo diferentes actividades de dinamización de lectura que se programan cada curso. ¿ Contribución do PD á Programación Xeral Anual do curso 22/23. A Programación Xeral anual do curso 22/23 contará co Plan Dixital, a súa implantación será un dos obxectivos do curso. Ademais da implantación terase en conta a actualización e novas adquisicións de equipos, a formación do profesorado e establecer un plan de comunicación dixital e protocolo de boas prácticas.
A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre o outros aspectos, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas. Para a elaboración do Plan Dixital teranse en conta os seguintes principios:
A resposta á realidade social resultante do uso xeneralizado das tecnoloxías de comunicación en múltiples aspectos da vida cotiá. b) O enfoque cara unha comprensión integral do impacto persoal e social da tecnoloxía e unha reflexión ética acerca da relación entre tecnoloxías, persoas, economía e medio ambiente. c) A transformación dixital que inclúa unha visión da competencia dixital máis moderna e ampla, acorde coas recomendacións europeas relativas ás competencias clave para a aprendizaxe permanente.
O Plan Dixital permitirá planificar a liña de formación e realizarase en base a información recollida do informe de análise da situación do centro. Durante o primeiro trimestre do curso 2021/2022, o centro realizou a análise de situación mediante a ferramenta de autoavaliación SELFIE e o test CDD, para así iniciar a fase de diagnose e o deseño e elaboración do Plan Dixital. Realizamos o DAFO do centro a finais do segundo trimestre e o Plan de Acción ao comezo do terceiro trimestre, obtendo os obxectivos que marcarán o noso Plan Dixital. No último trimestre do curso 2021/2022, o Plan Dixital será aprobado polo consello escolar, unha vez oído o Claustro. O centro poderá realizar, previo á aprobación, unha segunda análise da situación da competencia dixital do centro para a elaboración do PD. No curso 2022/2023, o centro procederá a implementación efectiva do Plan que estará sometido a un proceso de avaliación e mellora continua.
