1.1. Datos básicos do centro.
• Dirección: CEIP Monseivane, Moreda s/n. CP: 27816. Lanzós. Vilalba. Lugo
• Correo electrónico: ceip.monseivane@edu.xunta.gal
• Páxina web: http://www.edu.xunta.gal/centros/ceipmonseivane/
• Etapas educativas: Educación Infantil e Educación Primaria
• N.º de alumnado: 52 alumnos/-as
• N.º de profesorado: 4 (por catálogo), 9 (en funcionamento, debido á mestra que está en comisión de servizos asumindo a dirección, aumento dunha unidade en Educación Infantil, dúas reducións de xornada e unha mestra de AL/PT en calidade de mestra de atención preferente) ademáis dunha mestra de Relixión e un orientador itinerantes.
1.2. Contextualización do Plan Dixital no centro. Contribución ao Proxecto Educativo do Centro.
O CEIP Monseivane está situado nunha zona rural, Moreda, na parroquia de Lanzós a 8 km da localidade de Vilalba, provincia de Lugo. Como centro situado nun núcleo rural, está a sufrir as consecuencias da despoboación e a falta de establecemento dunhas zonas de influencia claras que favorezan a matrícula. Con todo, grazas ao traballo do profesorado para dar a coñecer entre a poboación as virtudes dos centro rurais, a matrícula aumentou notablemente nos dous últimos cursos. As características socioeconómicas das familias poderíanse catalogar, de xeito xeral, dun nivel medio en canto a educación, ocupación e ingresos. A pesar de atoparnos no medio rural, non hay unha predominancia clara da dedicación ao sector primario. Debido á dispersión da poboación e a orografía do terreo a conexión a internet dunha parte importante das familias limítase aos datos do teléfono móbil. En canto á traxectoria do centro no ámbito das novas tecnoloxías, actualmente non estamos dentro da rede de centros Abalar nin Edixgal , ademáis de carecer de equipos actualizados, tempo e persoal con coñecementos suficientes para afrontar a tarefa de deseño, elaboración e implementación dun Plan Dixital ambicioso. Participamos nos Contratos-Programa Inclúe. Como contribución ao Proxecto Educativo e a PXA espérase que, a actualización do Plan Dixital, favoreza tanto a mutua comunicación entre o centro e as familias, como a consecución de aspectos máis puramente pedagóxicos como:
• A aprendizaxe desde unha ollada ao contorno con curiosidade e interese.
• Permitirlle ao alumnado moverse con seguridade entre a superabundancia e rápida renovación da información, fomentando habilidades para a busca, selección, procesamento, tratamento e comunicación dela.
• Procurar que o alumnado aprenda a aprender, sendo progresivamente máis autónomo e capaz de autorregular as aprendizaxes.
• Atender á diversidade de habilidades, destrezas, intereses...
• Responsabilizarse dun uso ético e axeitado da tecnoloxía.
1.3. Breve xustificación do mesmo.
• Lei Orgánica 2/2006, de 3 de maio, de Educación. Artigo 111 bis. Tecnoloxías da Información e a Comunicación.
2. As contornas virtuais de aprendizaxe que se empreguen nos centros docentes sostidos con fondos públicos facilitarán a aplicación de plans educativos específicos deseñados polos docentes para a consecución de obxectivos concretos do currículo, e deberán contribuír á extensión do concepto de aula no tempo e no espazo. Por iso deberán, respectando os estándares de interoperabilidade, permitir aos alumnos e alumnas o acceso, desde calquera sitio e en calquera momento, ás contornas de aprendizaxe dispoñibles nos centros docentes nos que estuden, con pleno respecto ao disposto na normativa aplicable en materia de propiedade intelectual, privacidade e protección de datos persoais. Así mesmo promoverán os principios de accesibilidade universal e deseño para todas as persoas, tanto en formatos e contidos como en ferramentas e contornas virtuais de aprendizaxe.
5. As Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para desenvolver as tarefas de ensino e aprendizaxe. 7. As Administracións públicas velarán polo acceso de todos os estudantes aos recursos dixitais necesarios, para garantir o exercicio do dereito á educación de todos os nenos e nenas en igualdade de condicións. Artigo 121. Proxecto educativo. 1. [...] O proxecto educativo do centro recollerá así mesmo a estratexia dixital do centro, de acordo co establecido no artigo 111 bis.5. Artigo 132. Competencias do director ou directora 6 c) Exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro. l) Promover experimentacións, innovacións pedagóxicas, programas educativos, plans de traballo, formas de organización, normas de convivencia, ampliación do calendario escolar ou do horario lectivo de áreas ou materias, de acordo co recolleito no artigo 120.4. m) Fomentar a cualificación e formación do equipo docente, así como a investigación, a experimentación e a innovación educativa no centro. RESOLUCIÓN do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021/22. Disposición adicional quinta. Plan dixital de centro Os centros docentes elaborarán no curso 2021/22 o seu plan dixital de acordo coas instrucións que se diten.
1.4. Proceso de elaboración.
Partimos da base de que o noso centro non dispoñía dun Plan Dixital. Ao longo do presente curso participamos nun PFPP a través do cal fomos recibindo información e algunhas orientacións para comezar. O punto de partida consistiu en avaliar as competencias do profesorado en materia dixital a través de dous tests:
• Test SELFIE.
• Test CDD.
Trala realización de ambos tests, realizamos unha análise DAFO para determinar as liñas de actuación a desenvolver no noso centro.
