DATOS BÁSICOS DO CENTRO

Nome do centro: CEIP de Cervo

Código: 27015301

Dirección: Pedrouzo s/n 27891 Cervo

Correo electrónico: ceip.cervo@edu.xunta.gal

Niveis educativos: Educación Infantil e Primaria

Número de alumnado: 118

Número de profesorado: 18

CONTEXTUALIZACIÓN DO PLAN DIXITAL NO CENTRO. CONTRIBUCIÓN AO PROXECTO EDUCATIVO DO CENTRO

Integración e contribución do PD ao Proxecto Educativo. Relación con outros plans e proxectos do centro: traxectoria no ámbito das novas tecnoloxías, programas de innovación nos que participa...

Actualmente, o centro forma parte do PLAMBE, Plan LIA.2, Bibliotecas creativas, Radio na biblio, Clubs de lectura, Lectura e familias, Digicraft, E-twinning, Plan Proxecta (nas modalidades de Proxectos de Vida Activa e Deportiva, Proxecto Ríos e Recíclate con Sogama), CPInnova (EDUSaúde), Voz Natura e contrato-programa Recupérate (ARCO e PROA+). Contamos tamén cun PFPP.

Contribución do PD á PXA no curso 2022/23

O PD pretende aportar un enfoque estratéxico para o desenvolvemento duns plans de acción dentro do centro educativo, no eido tecnolóxico, que permita acadar os obxectivos establecidos.

BREVE XUSTIFICACIÓN DO MESMO

A Lei Orgánica 3/2020, do 29 de decembro, pola que se modifica a Lei 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121.1 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 bis.5, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe.

Para a elaboración do Plan Dixital teranse en conta os principios:

1. A resposta á realidade social resultante do uso xeneralizado das tecnoloxías de comunicación en múltiples aspectos da vida cotiá.

2. O enfoque cara unha comprensión integral do impacto persoal e social da tecnoloxía e unha reflexión ética acerca da relación entre tecnoloxías, persoas, economía e medio ambiente.

3. A transformación dixital que inclúa unha visión da competencia dixital máis moderna e ampla, acorde coas recomendacións europeas relativas ás competencias clave para a aprendizaxe permanente.

Seguindo a Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022, elabórase ao longo deste presente curso, o documento aquí deseñado.

PROCESO DE ELABORACIÓN

O Plan Dixital permitirá planificar a liña de formación a realizarse en base á información recollida dos informes de análise da situación do centro.

Durante o primeiro trimestre do curso 2021/2022, o centro realizou a análise de situación mediante a ferramenta de autoavaliación SELFIE. No segundo trimestre fixémolo a modo individual grazas ao Test CDD, para así iniciar coa fase de diagnose e o deseño e elaboración do Plan Dixital.

Realizamos o DAFO do centro a finais do segundo trimestre e o Plan de Acción ao comezo do terceiro trimestre, obtendo os obxectivos que marcarán o noso Plan Dixital. No último trimestre do curso 2021/2022, o Plan Dixital será aprobado polo consello escolar, unha vez oído o Claustro.

O centro poderá realizar, previo á aprobación, unha segunda análise da situación da competencia dixital de centro para a elaboración do Plan Dixital.

No curso 2022/2023, o centro procederá á implementación efectiva do Plan que estará sometido a un proceso de avaliación e mellora continua.

No contexto da avaliación procesual, a frecuencia da súa realización, que será como mínimo unha vez ao trimestre, facendo xuntanzas do Equipo de Dinamización do Plan Dixital e levantando actas de ditas reunións, e os aspectosa valorar, que serán, como mínimo, o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. Analizarase se os obxectivos e as accións do Plan Dixital se están a acadar ou non. No contexto da avaliación final mediante os correspondentes instrumentos, a frecuencia da súa realización, que será como mínimo unha vez ao ano, e os aspectos a valorar, que serán, como mínimo, a valoración do logro dos obxectivos e as propostas de mellora.

2022/23

A incorporación das tecnoloxías da información e comunicación (TIC) no proceso de ensino-aprendizaxe permitiu o acceso a recursos educativos en liña, a mellora das habilidades tecnolóxicas dos estudantes e a personalización dos materiais educativos. Ademais, facilitou a comunicación e colaboración entre docentes e familias, pero será necesario abordar retos como a formación do profesorado para a correcta utilización do novo material de Polos creativos.

En resumo, confiamos en que o Plan Dixital sexa unha proposta valiosa que mellore o proceso de ensino-aprendizaxe dos estudantes e fomente o seu desenvolvemento tecnolóxico. As TIC permitirán acceder a recursos educativos en liña, personalizar os materiais e fortalecer a comunicación entre docentes e familias.

2021/22

O Plan Dixital vixente nese momento será incorporado ao Proxecto Educativo cando se actualice o mesmo. Unha concreción do Plan Dixital será incorporada á Programación Xeral Anual, posiblemente xunto con outros obxectivos relacionados coas TIC que non aparecen neste Plan por ter este unha estrutura demasiado ríxida e polo pouco prazo que nos dan para a realización do mesmo. As propostas de mellora serán recollidas polo Equipo de Dinamización do Plan Dixital na memoria xeral do centro.

2022/23

Acadar completamente os obxectivos propostos no Plan Dixital. Debatir no Equipo de Dinamización do Plan Dixital novos retos e propostas para o vindeiro curso. Unha vez realizada a obra do novo espazo do Polo creativo revisar e actualizar o Plan para adaptalo ao novo equipamento dispoñible.

Unha vez aprobado en Consello Escolar, o Plan Dixital estará dispoñible paratoda a comunidade educativa na páxina web do centro. O enlace publicarase nas RRSS do centro (na actualidade, Instagram e Twitter) e enviarase a todas as familias a través de EspazoAbalar (AbalarMóbil).