Contextualización normativa en relación co Plan Dixital do noso centro:

·       Art. 111 bis, Art. 121 e Art. 132  da LO 2/2006, de 3 de maio, de Educación

·       Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

·       Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

·       Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

·       Resolución de 7 de septiembre de 2021, de la Secretaría General de Educación y Formación Profesional, por la que se seleccionan, con carácter experimental, los centros docentes públicos que constituirán la Red Gallega de Educación Digital, para el curso 2021-2022.

O Plan Dixital integrarase no Proxecto Educativo e na Programación Xeral Anual do vindeiro curso. Contribuirá marcando obxectivos específicos, de cara á consecución dunha mellora dixital do centro, empezando por un impulso na competencia vencellada ás tecnoloxías, tanto por parte do profesorado como por parte do alumnado. Asemade, tratarase que o PD aporte un enfoque sobre o aproveitamento máximo das posibilidades dos recursos dixitais dispoñibles no centro.

Dende o curso 2019/2020 o centro vén de participar en distintas liñas de traballo dentro do PFPP encamiñadas á análise da competencia dixital, actualización de ferramentas tecnolóxicas para docentes, recursos dixitais para a aula virtual, radio escolar e robótica. A tendencia do claustro é de seguir formándose neste senso para mellorar o seu coñecemento e competencia dixital.

No vindeiro curso 2022/2023 co centro participará no proxecto E-Dixgal en 5º de educación primaria, estendéndose a 6º de educación primaria no curso 2023/24.

Para a elaboración do Plan Dixital de Centro creouse un grupo de traballo que se foi reunindo periodicamente para a realización e posta e común dos distintos apartados do plan: enquisas, SELFIE, informe DAFO, plan de acción...

Todo isto, baixo a orientación e pautas marcadas pola mentora Adix da zona.

O procedemento de seguimento do desenvolvemento do plan e da consecución de obxectivos, realizarase dende dous contextos:

- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Acadáronse notablemente os criterios establecidos:
- Cando menos, o 50% do alumnado dos cursos de 5º e 6º de primaria adquiriu unha competencia dixital  que lle permite a creación de contidos dixitais sinxelos que aproveita no proceso de aprendizaxe.
- Solicitáronse os plans propostos (radio e biblioteca creativa) Unha porcentaxe moi elevada do profesorado coñece unha boa parte dos recursos e fai uso deles para integralos na práctica docente co alumnado, sendo acollido polo alumnado moi positivamente.

-A aula virtual está sendo integrada como un recurso máis por gran parte do profesorado e valórao favorablemente como achega de contidos e recursos ao alumnado.

-O centro incorporouse ao programa EDixgal, polo que se recibiu formación relacionada con este proxecto dixital.

Seguir formándonos no uso dos recursos existentes no centro en relación ao material dos Polos Creativos, considérase interesante formarnos na mellora e aproveitamento dos espazos e períodos de lecer, para ofrecerlle ao alumnado outras alternativas e favorecer a prevención e resolución de conflitos que podan xurdir.

Estudar engadir algún obxectivo co programa EDixgal e outros materiais recibidos como as pantallas dixitais, e actualización do inventario a través da aplicación que propón a Consellería.

O Plan Dixital foi presentado ao Claustro e ao Consello Escolar, quedando aprobado, na derradeira xuntanza destes órganos no curso 2021/22

O plan dixital publicouse na páxina web do centro para deixalo a disposición de toda a comunidade educativa, sendo as familias do alumnado informadas a través da aplicación AbalarMóbil.