- Contextualización do Plan Dixital no centro. Contribución ao Proxecto Educativo do Centro.
A EEI Fingoi n.º 2 é un centro público urbán, situado na zona sur da cidade de Lugo, concretamente no barrio de Fingoi. Comenzou o seu funcionamento no ano 1980, sufrindo algún cambio na súa infraestructura en torno ao ano 2006, se ben as remodelacións e as melloras non foron significativas. En xuño de 2022 acométense novas obras: cambio de ventás e chans, luminaria de baixo consumo na totalidade do centro, substitucións de portas e pintado integral, quedando unhas estancias máis confortables.Trátase dun edificio de planta baixa, dividido en 3 aulas de infantil (unha delas con baño propio), un baño para alumnado, outro para profesorado, un despacho de dirección, unha aula de A.L, unha pequena sala de profesores e un hall de entrada multifuncional (biblioteca, aula de desdobre,..). Na parte exterior dereita atopamos un espazo cuberto aberto e na parte traseira do inmoble a zona de areeiros e parque infantil.
O centro atópase nunha zona ben comunicada e dotada de recursos.
O alumnado maioritariamente forma parte da área de influencia, sendo o nivel socioeconómico das familias medio-alto.
O Plan dixital pretende a mellora e modernización dos procesos, procedementos, hábitos e comportamentos do centro e das persoas que, facendo uso das tecnoloxías dixitais, melloren a súa capacidade para facer fronte aos retos da sociedade actual. Isto redundará na mellora dun aprendizaxe competencial, na mellora da experiencia, dos resultados de aprendizaxe e nun reforzo da equidade, a cuxo servizo se supedita dita transformación. Esta transformación dixital engloba tres ámbitos de actuación: organización e xestión do centro, procesos de ensino-aprendizaxe e información e comunicación tanto interna como externa.
Obxectivos por ámbitos de actuación:
Organización e xestión do centro:
- Optimizar o uso de tecnoloxías de aprendizaxe dixital en espacios de aprendizaxe.
- Promover un plan de formación sobre creación de recursos e materiais dixitais.
- Participar en plans e proxectos de innovación convocados pola Consellería (o centro non dispón de experiencia previa neste tipo de proxectos).
Procesos de ensino-aprendizaxe:
- Adaptar espazos que faciliten metodoloxías activas con novas estratexias tecnolóxicas.
- Elaborar e implementar bancos de recursos na nube onde se integren contidos dixitais.
Procesos de información e comunicación:
- Fomentar o uso de sistemas de comunicación dixitais: espazo Abalar, AbalarMóbil.
- Manter actualizada a páxina web do centro.
- Fomentar a secretaría virtual para trámites habituais.
Na Programación Xeral Anual detallarase unha concreción anual do Plan dixital con obxectivos e accións a desenvolver durante o curso.
- Breve xustificación do mesmo.
O Plan dixital de centro susténtase no seguinte marco normativo:
A LOMLOE (Lei Orgánica 3/2020, de 29 de diciembre, pola que se modifica a Lei Orgánica 2/2006, de 3 de maio, de Educación) recolle no seu Art. 111 bis, que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensinanza e aprendizaxe. As Administracións educativas deberán establecer as condicións que fagan posible a eliminación no ámbito escolar das situacións de risco derivadas da inadecuada utilización das TIC, con especial atención ás situacións de violencia na rede. Fomentarase a confianza e seguridade no uso das tecnoloxías prestando especial atención á desaparición de estereotipos de xénero que dificultan a adquisición de competencias dixitais en condicións de igualdade.
O Ministerio de Educación e Formación Profesional elaborará e revisará, previa consulta ás Comunidades Autónomas, os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
As Administracións públicas velarán polo acceso de todos os estudantes aos recursos dixitais necesarios, para garantir o exercicio do dereito á educación de todos os nenos e nenas en igualdade de condicións. En todo caso, as tecnoloxías da información e da comunicación (TIC) e os recursos didácticos que se empreguen, axustaranse á normativa reguladora dos servizos e sociedade da información e dos dereitos de propiedade intelectual, concienciando no respeto de dereitos de terceiros.
Do mesmo xeito, no artigo 132.c) establécese como competencia da dirección do centro: exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro.
Na Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e Bacharelato no curso académico 2021/22, recóllese que o Plan dixital será elaborado no presente curso 21/22 de acordo coas instrucións dictadas na Resolución do 3 de setembro de 2021, da Secretaría Xeral de Educación e Formación Profesional, para o deseño, elaboración e implementación do Plan Dixital.
- Proceso de elaboración.
O equipo de dinamización do Plan dixital está composto pola totalidade de mestras do centro, actuando de coordinadora a directora (responsable da dinamización das tecnoloxías da información e a comunicación).
Dito equipo constitúese no primeiro trimestre do curso, sendo a primeira tarefa a realización do Test Selfie, no que participan 2 de 5 mestras e a directora (único membro do equipo directivo).
No segundo trimestre do curso procédese co Test CDD, realizado por 5 de 6 mestras e coa DAFO.
Por último, no terceiro trimestre abórdase o Plan de acción e a redación do Plan dixital.
