Plan do centro
Vixencia
Introdución
Contexto DAFO
Obxectivos
Seguimento
Ao longo do curso farase trimestralmente un seguimento do Plan dixital sobre os obxectivos formulados no plan de acción. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Accións a desenvolver do obxectivo 1 para este trimestre:
AO1.1: No mes de setembro e tal como fora planificado realizouse unha reorganización dos distintos espazos do centro para dotalos de melloras tecnolóxicas, dándose por realizada ao término do mesmo.
AO1.2: O centro foi seleccionado para participar no programa de innovación educativa, Polos Creativos, sendo dotado con equipamento tecnolóxico suficiente para cubrir as necesidades do centro e así dotar aos distintos espazos con equipamento tecnolóxico básico. Dita acción atópase realizada.
Accións a desenvolver do obxectivo 2:
AO2.1: No mes de setembro a dirección do centro cursou solicitude a bibliotecas escolares para a instalación do programa Meiga nun equipo do centro para poder rexistrar electrónicamente os fondos da mesma. Ao término de dito periodo dita acción atópase pendente xa que o Cau Periférico aínda non procedeu á instalación de dito programa.
O centro solicitou un PFPP sobre implementación do Plan dixital de centro no que participa a totalidade do profesorado do centro. Dita formación afonda na implementación de metodoloxías activas dando un peso importante as tecnoloxías dixitais.
Outras accións:
O centro foi seleccionado no programa de innovación Polos Creativos sendo dotados con diversos recursos materiais e tecnolóxicos. A coordinadora comezou a formación específica do programa no primeiro trimestre, así como tamén se levou a cabo a posta en práctica dos recursos por parte do claustro
Accións a desenvolver do obxectivo 1 para este trimestre:
AO1.3: O centro solicitou un PFPP na liña de implementación do Plan dixital a través de metodoloxías activas con tecnoloxías dixitais no que participa a totalidade do profesorado do centro.
Dita acción atópase en estado realizada xa que no primeiro trimestre levouse a cabo unha sesión de formación específica sobre recursos dixitais para metodoloxías activas (29/11/22) así como outra sobre ambientes de aprendizaxe e propostas de materiais e recursos (20/01/23). No terceiro trimestre realizarase unha terceira xornada sobre o uso de equipamento de edición de son e video.
Accións a desenvolver do obxectivo 2 para este trimestre:
AO2.2: Non se pode proceder a rexistrar os fondos da biblioteca no programa Meiga xa que continuamos á espera de instalación por parte do Cau-Periférico.
Outras accións:
Con data 22/03/23 recíbense os monitores interactivos e instálanse en cada unha das aulas do centro, o que permitiu a posta en funcionamento de materiais e recursos dixitais no día a día das aulas.
A coordinadora recibiu formación específca no CFR de Lugo sobre manexo de diferentes recursos do Polo Creativo. Algunha das actividades realizadas no centro foi:
- Lápices 3D: Elaboración dunha plantilla de máscara de entroido con forma de lentes.
- Tablets e portátiles: Elaboración de recursos dixitais interactivos con Genially, Canva e Word wall.
Accións a desenvolver do obxectivo 2 para este trimestre:
AO2.1: Con data 26/05/23 instalouse o programa de bibliotecas: Koha, quedando pendente a formación para o vindeiro curso co novo programa.05/06/2023
AO2.2: A principios de xuño comezouse, por parte da coordinadora de biblioteca do centro, co manexo do novo programa de informatización, procedendo ao rexistro dalgún fondo.
Outras accións:
Con data 02/06/2023 o centro recibiu un premio dentro do programa de Polos Creativos ao mellor proxecto de fomento de hábitos de vida saudable e sostibilidade.
No mes de xuño reiterouse a solicitude de instalación da rede wifi: edu.xunta.gal pendente dende o 25/01/23.
Avaliación
A final de curso realizarase unha avaliación final para coñecer o grao de consecución dos obxectivos, reflectíndose na correspondente memoria. Os aspectos a considerar incluirán, entre outros, a valoración do logro dos obxectivos e as propostas de mellora.
O plan dixital elaborado polo centro establecía unha serie de obxectivos supeditados a tres ámbitos de actuación. No referente aos obxectivos plantexados para a organización e xestión do centro conseguiuse, con éxito, superalos na súa totalidade, así como se avanzou con resultado positivo naqueles encamiñados ao procesos de ensino- aprendizaxe e de información e comunicación.
O obxectivo 1 atópase acadado na data actual, xa que fomos quen de realizar todas e cada unha das accións plantexadas para o mesmo.
Con respecto ao obxectivo 2 non se acadou neste curso, xa que para informatizar a biblioteca do centro precisabamos da instalación do programa de rexistro. Dita alta foi comunicada polo Cau- Periférico a 29/05/23, polo que tan só se puido facer o rexistro de algún fondo.
De cara ao vindeiro curso o centro establece como obxectivos prioritarios a incluir na actualización do Plan Dixital:
- Informatizar a totalidade dos fondos na aplicación KOHA.
- Acadar unha maior competencia do alumnado na búsqueda, filtrado e uso da información en medios dixitais.
Á súa vez, seguiremos avanzando en novos retos con materiais e recursos do Polo Creativo.
Comunicación e difusión
Unha vez aprobado o Plan dixital polo Consello Escolar darase a coñecer á comunidade educativa a través da páxina web do centro.