O Colexio Plurilingüe Sagrado Corazón de Jesús é un centro plurilingüe concertado (pertencente ás Fillas da Caridade de San Vicente de Paúl) de dobre liña dependente da Consellería de Cultura, Educación e Ordenación Universitaria da Xunta de Galicia, situado na casco urbano da vila de Ribadeo, na rúa Carlos III, nº 4 (CP 27700) que imparte ensino desde 4º EI ata 4º de ESO con 477 alumnos/as matriculados no curso 2022/23. O claustro está formado, no curso 2022-23, por 41 docentes (38 mulleres e 3 homes)
Código: 27010911 Teléfono: 982128415 CIF: R2700021E
Mail: cpr.sagrado.corazon.ribadeo@edu.xunta.gal
Páxina web: www.csagradocorazon.es
Contextualización do Plan Dixital no centro. Contribución ao Proxecto Educativo do Centro
O noso centro está situado no concello de Ribadeo, unha vila costeira na cabeceira da Mariña Oriental arraiana co Principado de Asturias. Posúe no censo de 2021 un total de 9871 habitantes distribuídos en 12 parroquias.
No concello de Ribadeo ten vital importancia o comercio e a hostalería, sendo o sector servizos en xeral a súa principal actividade
Dende un punto de vista lingüístico, podemos dicir que nos atopamos nunha zona minoritariamente galego falante. É perceptible unha diferenciación xeneralizada nos usos da lingua derivada da diglosia, así como un deterioro do galego oral, isto último fortemente relacionado coa perda de falantes asociada ó cada vez maior proceso de urbanización e despoboamento do rural. Isto é especialmente característico na vila en si, onde o galego comeza a ser residual entre unha poboación nova escasamente concienciada, a cal se desenvolve no seu día a día fundamentalmente en castelán. Un dos feitos que máis propicia esta situación é a falta da transmisión xeracional, un aspecto que cada vez é máis perceptible nos ribadenses máis novos. O Concello é, porén, un axente normalizador importante xa que utiliza o galego tanto no uso escrito coma no oral, ademais presenta unha oferta cultural estable, de calidade, que non esquece as nosas raíces ao tempo que se abre a outras culturas con curiosidade.
O noso alumnado procede, na súa grande maioría, da vila xa que non dispoñemos de servizo de transporte que facilite a matrícula de nenos do rural. Porén o noso enclave favorece o acceso ó centro de alumnos procedentes de Asturias e, polo tanto, castelán falantes e alfabetizados neste mesmo idioma. Hai alumnos que proceden doutros países (Brasil, Portugal, Cuba, República Dominicana, Italia, Ecuador e Colombia).
Unha das nosas liñas estratéxicas de actuación é a Integración das TIC na aula: Procuramos que o noso alumnado se achegue á tecnoloxía dende o inicio da súa escolarización no Centro, todas as aulas teñen proxector e wifi. En infantil comezamos o achegamento a estas ferramentas co uso do ordenador, o encerado dixital, e a robótica. En primaria seguimos aumentando o coñecemento da robótica, empregamos a plataforma Snappet (en tablets compartidas en matemáticas e inglés), TATUM (lectura gamificada en soporte dixital), E-Dixgal (libro dixital individual proporcionado pola Xunta de Galicia). En ESO compatibilízase o soporte papel co dixital (proxecto E-Dixgal). En 1º e 3º ESO impártese robótica como curricular, dentro da materia de tecnoloxía.
Dende o noso Proxecto Educativo, trátase de concibir o tratamento das novas tecnoloxías dentro da educación como facilitadoras de aprendizaxe, situándoas así no centro da renovación pedagóxica que necesita a nosa Sociedade do Coñecemento. Ao optar neste Plan Dixital por dirixir os nosos esforzos cara ao logro dunha verdadeira pedagoxía dixital no noso centro, e para atender ás distintas realidades normativas nas que nos atopamos situados, este documento pretende ser o suficientemente dinámico e amplo.
É fundamental dar un enfoque de centro ao uso dos recursos pedagóxicos dixitais, aproveitando as posibilidades e recursos dispoñibles, de modo que se converta nun proxecto compartido para os membros da comunidade educativa, que dé coherencia e guíe o uso das tecnoloxías. É por iso que será un instrumento que formando parte da programación xeral anual (PXA) así coma do proxecto educativo (PEC) axude á consecución dos seguintes obxectivos xerais deste último:
Xestión de recursos:
¿ Investir nas novas tecnoloxías para a dixitalización das aulas
¿ Reducir os custos económicos ás familias
¿ Propoñer actividades extraescolares atractivas
Comunicación e imaxe:
¿ Difundir a imaxe do centro de cara á incorporación de novo alumnado.
¿ Mellorar a colaboración familia-escola
¿ Reforzar a comunicación centro-familias
Formación do profesorado
¿ Facilitar o acceso á formación do profesorado.
¿ Mellorar a competencia dixital do claustro.
¿ Continuar apostando pola innovación educativa
Metodoloxía e didáctica
¿ Fomentar o traballo cooperativo
¿ Mellorar a competencia comunicativa do alumnado
¿ Mellorar a competencia dixital do alumnado
Relación con outros Plans e proxectos do centro.
En todos os plans e proxectos do centro se introducen as TIC e se traballan as competencias dixitais. Algúns exemplos:
No Plan lector do centro aparece como liña de acción: A integración das TIC nas prácticas de lectura comprensiva e de escritura, como medio de buscar novos recursos para lograr os obxectivos propostos.
No Plan lingüístico: Implicar o emprego da lingua galega en todo tipo de actividades transversais do centro: plan lector, TIC, biblioteca... Potenciación da presenza do galego a través nas novas tecnoloxías, blogs e redes sociais e educativas.
Proceso de elaboración
Dentro do organigrama do noso centro contamos cun Equipo TIC, que promove a mellora da competencia dixital da comunidade educativa e que coordinado cun axente externo responsabilízase de que a infraestrutura tecnolóxica do centro funcione correctamente. Este equipo xunto coa xefa de estudos é o que conforma o Equipo de Dinamización do Plan Dixital.
Na elaboración do Plan Dixital seguíronse os seguintes pasos:
Decembro 2021: Cumplimentación do SELFIE
Febreiro 2022: Realización do Test CDD
Marzo 2022: Recompilación de datos, reflexión e elaboración da DAFO
