A Pontenova é un concello ubicado en zona rural, dentro da Mariña Oriental. A súa economía baséase no sector primario, destacando os subsectores de gandería, agricultura e forestal, sendo máis importante este último, tanto polo enorme potencial de madeira que ten nos montes como polas industrias derivadas que están asentadas dentro dos seus límites.
O sector servizos concéntrase na capitalidade do municipio (A Pontenova) e conta co dúas farmacias, bancos, ferreterías, autoservicios, panaderías, tendas de roupa, bares e restaurantes, etc.
A meirande parte das vivendas de todo o concello son casas unifamiliares, das cales, moitas, son de recente construción, agás no núcleo urbano de A Pontenova.
Por A Pontenova pasa a estrada nacional 640 que une Lugo coa Comunidade de Asturias. Todas as vivendas teñen acceso por estrada ao núcleo principal.
En canto a servizos públicos e sociais, a localidade conta cun Centro de Saúde, atendido por dous médicos e dous A.T.S. Hai unha biblioteca que funciona en días laborables de 16 a 19 horas. É atendida por unha bibliotecaria. O concello conta cos servizos dunha traballadora social. En A Pontenova, núcleo do concello hai unha oficina de correos.
Polo que respecta ás instalacións ten un pequeno parque infantil, unha piscina municipal que funciona entre xuño e setembro, con diversas instalacións deportivas (bolos, tenis, etc.) e un pavillón polideportivo cuberto.
