1.1. Datos básicos do centro
Nome: CPI Plurilingüe de Navia de Suarna
Direción: Rúa Pallarón s/n 27650 A Proba de Navia
Correo electrónico: cpi.naviadesuarna@edu.xunta.gal
Páxina web: http://www.edu.xunta.gal/centros/cpinaviadesuarna

O CPI plurilingüe de Navia de Suarna consta, por catálogo, de 2 unidades de Educación Primaria e 4 de ESO.
No curso 2021-2 a matrícula é de:
    • 9 alumnos/as deEI
    • 11 de EP
    • 11 de ESO
Profesorado:
        3 mestras especialistas (inglés, educación física e educación infantil) en EP
        1 profesora de relixión en EP
        11 profesores de ESO
        ¿ 1 PT

1.2. Contextualización do Plan Dixital no centro. Contribución ao Proxecto Educativo do Centro
      1.2.1 Descrición xeográfica da comarca
      O CPI Plurilingüe de Navia de Suarna atópase situado na capital do concello de Navia de Suarna. Trátase dun concello situado na área montañosa da Galicia oriental, concretamente na zona setentrional da Serra dos Ancares. Ten unha superficie de 242 km2 distribuíndose as úa escasa poboación de forma moi diseminada en 20 parroquias e 103 lugares, feito que provoca unha baixa densidade de poboación.
      Trátase dunha comarca moi accidentada na que predomina unha paisaxe montañosa formada polas estribacións da Serra dos Ancares ao Sur e Leste e polas pequenas aliñacións con dirección NO-SE pertencentes ás Serras de Pedruñais e á de Meira na parte occidentais do concello. Estas zonas montañosas alternan coa zona formada polo val do río Navia, profundamente encaixado, que cruza o termo municipal de SO a NE no que existe unha ampla zona de terreos aptos para o cultivo.
      Demograficamente, o concello de Navia, ao igual que moitos outros concellos da Galicia interior, ven perdendo de forma moi significativa poboación, froito de      factores como a dureza das condicións orográficas e climáticas da zona e tamén por factores extrínsecos coma o proxecto de creación do encoro do Gran Suarna que limitou as posibilidades tanto económicas como demográficas de todo o concello. Na actualidade o seu censo segundo o INE a 1 de xaneiro de 2019 é de 1081 habitantes dos cales 600 son homes e 481 mulleres. Esta poboación está en gran medida envellecida.
      1.2.2 Análise do contexto socioeconómico
      Coa excepción ao pequeno comercio da vila de Navia, a base económica do concello baséase sobre o sector primario, fundamentalmente na agricultura e a gandería. A pesar da extensión do concello a superficie cultivada só supón aproximadamente o 11,4%. A superficie adicada a prados e pastos constitúe preto do 10%, mentres que a superficie forestal esténdese case polo 76% da superficie, o que indica a importancia do sector forestal como fonte de ingresos das familias labregas. Outro alicerce da economía naviega é o gandeiro destacando o vacún, ovino e porcino. Alén disto, ten certa relevancia tamén o sector forestal, da construción e o sector servizos.

1.3. Breve xustificación do mesmo
    • Art. 111 bis, Art. 121 e Art. 132  da LO 2/2006, de 3 de maio, de Educación.
    • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
    • Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
    • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
1.4. Proceso de elaboración
Para elaborar o PD creouse un grupo de formación permanente do profesorado integrado polos membros do equipo directivo cuxo coordinador foi o director.
Da elaboración da documentación do PD encargouse o coordinador TIC, que tamén o é  do devandito plan. Os membros do Claustro unicamente participaron cando se requiriu a súa colaboración para realizar algunha enquisa, ben para o SELFIE e/ou para o test CDD do DAFO. O plan de acción foi integramente elaborado polo coordinador coa colaboración do director.

• Avaliación procesual: realizarase como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

• Avaliación final: a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Por parte do coordinador unha valoración moi negativa polos seguintes motivos:

1. Nula implicación do equipo docente na elaboración e no PFPP.
2. Gasto de tempo do coordinador.
3. Ferramentas para elaborar o PD farragosas e de dubidosa utilidade.
4.  

En canto ao PD en xeral:

1. Que desapareza o PD.
2. De non ser posible o 1: intentar facelo dunha forma mais sinxela e eficiente.
3. Se non pode ser o 1 e 2: Reducción do horario lectivo ou remuneración económica para o coordinador do PD xa que a súa elaboración supón un importante "desperdicio" do seu tempo.

En canto a posibles obxectivos do PD (se non ocorre o descrito no punto 1) no centro o vindeiro curso:

• Aproveitamento didactico dos paneis dixitais que se instalaron (instalarán) nas aulas.

Este PD publicarase na páxina web do centro, no apartado “Proxectos institucionais do centro”. Asemade incluirase, co resto da documentación (SELFIE, test CDD, DAFO e Plan de acción no curso (Plan dixital do centro) creado na aula virtual no apartado “Cursos para o profesorado”.