Como centro educativo que forma parte dun mundo en cambio permanente e dunha sociedade que cada vez está máis dixitalizada. Consideramos, que debemos de dar respostas ás necesidades e demandas que van xurdindo para así poder formar homes e mulleres que sexan “bos cristiáns e honrados cidadáns”, cunha serie de competencias necesarias que lles axuden a desenvolverse nunha contorna dixitalizada de maneira segura e fiable.
Para poder xustificar o plan, decidimos asentar todo o proceso partindo da análise que realiza a Organización para a Cooperación e o Desenvolvemento Económico (OCDE) no Proxecto DeSeCo (Desenvolvemento e Selección de Competencias básicas) e que ten como obxectivo determinar as competencias nas que debemos concretar os nosos esforzos para os estudantes das próximas xeracións.
Esta análise, ofrece tres amplas categorías de competencias claves:
- Usar ferramentas de maneira interactiva: os individuos deben poder usar un amplo rango de ferramentas para interactuar efectivamente co ambiente: tanto físicas como na tecnoloxía da información e socioculturais como no uso da linguaxe. Necesitan comprender ditas ferramentas amplamente, como para adaptalas aos seus propios fins, usar as ferramentas de maneira interactiva.
- Interactuar en grupos heteroxéneos: nun mundo cada vez máis interdependiente, os individuos necesitan poder comunicarse cós outros, e debido a que atoparán persoas de diversas orixes, é importante que poidan interactuar en grupos heteroxéneos.
- Tomar a responsabilidade de manexar as súas propias vidas: os individuos necesitan poder situar as súas vidas nun contexto social máis amplo e actuar de maneira autónoma.
Si sumamos estas tres categorías á análise do desenvolvemento e selección de competencias vemos que son o eixo vertebrador do noso centro e por tanto, o noso plan dixital pretende dar resposta ás necesidades que se observan na aula, para posibilitar tanto ao noso alumnado como ao profesorado momentos de ensino-aprendizaxe ricos, creativos, cooperativos e reflexivos que nos permitan un desenvolvemento competencial acorde á súa idade, independentemente da súa situación social e familiar.
Para que todo isto teña lugar, precisamos un cambio metodológico, onde as TICS sexan a ferramenta e o alicerce fundamental onde se asente a aprendizaxe durante o traballo diario, non só nas aulas de informática ou na materia de Informática, senón en todas as áreas de coñecemento, espazos e etapas educativas do noso centro. Por este motivo, vemos que o reto fundamental do noso centro, é asumir que o desenvolvemento tecnolóxico supón un cambio na cultura pedagóxica e organizativa do mesmo, na que non debemos esquecer os diversos ritmos de aprendizaxe, capacidades e intereses do noso alumnado e profesorado.
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.
O que recollen ditos artigos é o seguinte:
“Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”
Nas normativa de desenvolvemento dos anteriores Decretos, concrétase a estrutura, que como mínimo debe contemplar o PD, no seguinte articulado:
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.
