Xustificación
Na Lei Orgánica 2/2006 establécese a promoción das TIC como medio apropiado e valioso para levar a cabo as tarefas de ensino e aprendizaxe.
Tamén a Resolución de 17 de xuño de 2021 contempla que o uso das TIC como recurso didáctico será unha das medidas metodolóxica que favorezan o pleno desenvolvemento de todo o alumnado.
Na Resolución do 3 de Setembro de 2021 insístese na necesidade de “promocionar e garantir o desenvolvemento dun marco de acción que permita acordar e coordinar diversos aspectos que afectan ao uso das tecnoloxías na educación, dende aqueles relacionados con cuestión organizativas, ata outros máis pedagóxicos e propios dos procesos de ensino e aprendizaxe.”
Contextualización. Contribución ao Proxecto Educativo do Centro
O centro imparte Educación Infantil, Educación Primaria e ESO
O alumnado procede maioritariamente da zona rural dos concellos de Láncara, O Páramo e o Corgo. Dispón de servizos de comedor e transporte escolar.
A actividade económica da zona, ademais da gandeira e agrícola vinculase a industria da venda de mobles, na que existen diferentes empresas de certa importancia.
A propia Consellería nos califica coma un centro educativo situado nun contexto socio-económico medio-baixo, adicándose as familias do noso alumnado a traballar no sector terciario ou nas industrias dos Concellos limítrofes. En moitos casos hai, ademais, unha agricultura e unha gandería de autoconsumo.
No aspecto sociocultural, a formación académica das familias presenta un nivel predominante de estudios básicos, ás veces incompletos, se ben a tendencia dos últimos anos é a dunha progresiva mellora da situación.
Sen desprezar a progresión sociocultural do noso entorno, o dia a dia nos sitúa ante familias, cunha concepción da escola na que predomina mais o servizo publico que o seu carácter educativo; isto provoca que moitas veces a relación familia-escola non sexa a desexada e que moitas familias apenas teñan presenza coma parte activa da comunidade educativa.
Ó noso centro acoden alumnos e alumnas dos concellos de Láncara, O Corgo, O Páramo e algunha parroquia do concello de Sarria. Adscrito a este centro está soamente o CEIP do Páramo, xa que as numerosas escolas unitarias da zona foron integrándose no centro ata o ano 2008.
Hai unha proporción bastante equilibrada entre nenos e nenas e teñen como lingua materna o galego nun 80%. Hai unha relación moi directa entre os resultados escolares do alumnado e o nivel cultural das familias; así, no seo de familias cunha composición estable e nivel cultural medio ou medio-baixo, prodúcense resultados escolares satisfactorios de rendemento escolar, do mesmo xeito que o alumnado con dificultades de aprendizaxe está adscrito a unha clase social baixa ou moi baixa, con problemas de estabilidade que supoñen carencias afectivas e de estímulos ambientais para os nenos e nenas.
O absentismo escolar non representa problema algún no centro. A elo contribúe sen dubida o feito de que a maior parte do alumnado utilice o transporte escolar do centro a diario.
A estrutura das familias do noso alumnado responde a tipoloxía na que conviven pais, fillos e avós en moitos casos; tamén se aprecia que os fillos polo xeral non pasan de un o dous, o que conleva que nos últimos anos exista un descenso significativo da natalidade coa consecuencia lóxica dun descenso da matrícula do centro. En xeral tratase dun alumnado de ámbito rural, provinte de varios pobos moi pequenos e espallados pola zona, con un núcleo de poboación único, a Pobra de San Xiao.
Proceso de elaboración
A redacción do Plan Dixital foi froito da colaboración e o traballo de todo o equipo de Dinamización do Plan Dixital, con reunións periódicas, aproveitando a estimable axuda e seguindo as directrices marcadas desde a coordinación da zona Adix Lugo2.
Os integrantes actuais do equipo de Dinamización do Plan Dixital son: Carlos Carballo Sieiro, Raquel Estéve López, María Victoria Fernández López, Benjamín Muras Geada e José Antonio Domínguez Arias (coordinador).