XUSTIFICACIÓN.
Á hora de elaborar o Plan Dixital tívose en conta a seguinte lexislación:
¿ Art. 111 bis, Art. 121 e Art. 132 da LO 2/2006, de 3 de maio, de Educación.
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
CONTEXTUALIZACIÓN E CONTRIBUCIÓN AO PROXECTO EDUCATIVO.
O CEIPP de Outes é un centro en constante análise e reflexión da súa práctica educativa, o que nos leva a detectar como unha necesidade a importancia de poder garantir unha educación dixitalizada e inclusiva na nosa comunidade educativa. Diminuír a brecha dixital do alumnado da nosa escola, nun concello sen outras posibilidades de achegamento a recursos dixitais e de corte STEM, empoderándoo no uso destas tecnoloxías, é un dos obxectivos principais que plantexamos neste plan.
Asumimos a incorporación do Plan Dixital de xeito integrado co resto de programas nos que participa o centro e de maneira especial co Proxecto Documental Integrado que cada ano se desenvolve no centro, o que propiciará unha abordaxe curricular, significativa e contextualizada das iniciativas que se leven a cabo neste plan.
O Plan Dixital intégrase dentro do Proxecto Educativo (PE) do centro, como un elemento dinamizador do traballo educativo cotiá. Así mesmo, debe estar integrado en todos os proxectos e plans do centro, ofrecendo ferramentas de traballo motivadoras, inclusivas e, sobre todo, orientadas a todo o alumnado.
Do mesmo xeito, a PXA deberá ter en conta dito plan para desenvolver os obxectivos establecidos no Plan de Acción e formará parte do Plan de Integración das TIC.
PROCESO DE ELABORACIÓN.
Setembro: Composición do Equipo de Dinamización do Plan Dixital, formado por 5 mestres e mestras do centro, para levar a cabo a distintas tarefas necesarias para a elaboración de dito plan. Establécese a organización dentro do equipo.
Novembro: Posta en marcha da rede para a elaboración do Plan Dixital e contacto coas persoas ADIX.
Decembro: Configuración e envío do SELFIE ao alumnado, profesorado e equipo directivo, a través dunha aplicación, para coñecer o modo en que se emprega a tecnoloxía no centro así como o grado de competencia dixital dos distintos implicados.
Febreiro: Realización do test CDD por parte do profesorado do centro.
Marzo: Recompilación de datos, reflexión e elaboración do DAFO, no cal se estableceron as debilidades, fortalezas, oportunidades e ameazas observadas.
Maio: Definición dos obxectivos e accións a seguir despois da análise DAFO.
Xuño: Elaboración do Plan Dixital, tendo en conta toda a información recollida ata o momento.
