O CPR Plurilingüe Andaina é un centro concertado de educación infantil, primaria e secundaria situado na zona da Zapateira dentro do concello de Culleredo, nunha contorna na cal conviven espazos naturais xunto con casas, urbanizacións colectivas e outros espazos e servizos tanto de carácter privado como público. Localízase polo tanto na área metropolitana da cidade da Coruña e linda directamente con dito concello. Podemos dicir polo tanto que a meirande parte dos nosos usuarios proveñen dun contexto urbano ou semiurbano.

Na actualidade está completándose o proceso de implantación da dobre liña, que chega neste curso ata o nivel de 2º ESO. En total temos un curso con 563 alumnas/os.

Das enquisas sociolingüísticas que se lle pasan a todo o alumnado novo no centro no período de matrícula podemos extraer que seguimos a contar cunha grande maioría de familias e alumnado de orixe galega, cun nivel sociocultural e económico das familias do centro medio ou medio-alto. A meirande parte das familias acode ao centro polo seu proxecto educativo e a metodoloxía, priorizando estes factores sobre criterios como a proximidade ao domicilio, as instalacións ou os servizos que ofrece.

As tecnoloxías da aprendizaxe e o coñecemento aparecen recollidas dentro do ideario de Proxecto Educativo como unha das liñas básicas que nos definen. Nese documento aparece recollido o modelo de integración da tecnoloxía en Andaina que parte da seguinte idea: “Os alumnos non aprenden tecnoloxía, aprenden coa tecnoloxía, é dicir, utilízana para construír, representar e transferir os seus coñecementos durante a aprendizaxe” (Segovia, 2000: 108). Este compromiso coa realidade tecnolóxica concrétase nun proxecto global de Centro de integración das TAC na aula que abarca desde os 3 aos 16 anos. A escola debe formar cidadáns capacitados para integrarse nesa orde social e moverse nela cunha visión reflexiva e crítica, fuxindo de posturas extremas tecnofóbicas ou tecnofílicas.

As TIC son un mediador fundamental nos ámbitos de aprendizaxe máis significativos das diferentes idades:

• A lectoescritura na Educación Infantil: dentro dun proceso lectoescritor que parte de métodos globais e da significatividade dos procesos, o emprego da tecnoloxía vai permitir xerar textos reais, con sentido comunicativo auténtico (ex: correo electrónico), á vez que permite que o neno/a tome conciencia desde moi cedo de que o código escrito consta dun número limitado de signos cunhas formas fixas e predeterminadas, facilitando o uso dos signos de acordo a estas normas.
• A aprendizaxe por proxectos na Educación primaria: A aposta por un currículo globalizado leva a elixir o traballo por proxectos como referentes fundamentais no proceso de Ensino-Aprendizaxe; é nestes proxectos de investigación onde o TIC cobran o seu máximo significado. Na metodoloxía por proxectos os coñecementos non se ordenan de forma ríxida ou disciplinar senón en torno os diferentes contidos, problemas ou hipóteses nos que os contidos e enfoques relaciónanse de maneira global facilitando no alumnado a construción de coñecementos. En todo o proceso de procura e tratamento da información as TIC xogan un importante papel:
• A aprendizaxe cooperativa na Educación Secundaria Obrigatoria: no tramo 12-16 traballamos con preadolescentes e adolescentes para os que, na actual orde social, a aprendizaxe para a convivencia convértese nun obxectivo fundamental de todo proxecto educativo. As metodoloxías de aprendizaxe cooperativa revélanse como un medio fundamental para traballar a convivencia e o respecto nas aulas. Nas dinámicas de aprendizaxe cooperativa os alumnos/as desenvolven procesos de investigación e traballo compartidos cos seus compañeiros/as. En todos estes procesos de novo as TIC emerxen como un elemento clave, pasando de ser un medio tradicionalmente individual a ser un medio de construción e expresión de significados compartidos.

Na PXA do actual curso 2023-2024, quedan recollidos os obxectivos anuais deste Plan dixital de Centro que serán avaliados na Memoria Educativa.

A normativa de referencia a ter en conta á hora de elaborar o Plan Dixital é a seguinte: dende a que se xustifica o Plan Dixital:

• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos
centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade
Autónoma de Galicia e se regula a avaliación nesa etapa educativa.
• Artigo 34.1 doDECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
• Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
• Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.

Para a elaboración do Plan Dixital creouse unha comisión formada polos coordinadores Tics do centro e a Dirección Pedagóxica. O sistema de traballo consistiu en combinar xuntanzas presenciais de reflexión e toma de decisións conxunta xunto con traballo colaborativo para a elaboración dos diferentes documentos a través de cartafois compartidos. Na segunda parte foi o persoal designado como Equipo TIC do centro.

En cada curso académico levarase a cabo o proceso de avaliación que será o resultado do seguemento dos obxectivos e acccións do plan dixital e do seu grao de consecución.

• Avaliación trimestral: coincidindo coas xuntanzas trimestrais do Equipo TIC farase unha avaliación trimestral analizando as accións realizadas e actualizando as futuras ou pendentes en función dos avances realizados.
• Avaliación final: finalizando o curso escolar farase unha avaliación final e xeral que recollerá unha revisión de cada obxectivo coas súas correspondentes accións así como unha actualización dos seguimentos e análise dos indicadores. Realizaranse tamén unha proposta de cara ao seguinte curso que inclúa proposta de melloras e novos obxectivos en caso de estimarse necesario.

Na avaliación xeral do plan do curso actual, destacamos os seguintes aspectos:

- Algúns dos obxectivos precisan dun tempo rolongado de traballo polo que non son abordables ao corto prazo no que os tiñamos marcados. De propoñelos novamente, que nos parece moi adecuado, debemos temporalizalos con maior adecuacion á realidade.
- Algúns dos obxectivos e accións, aínda que aparentemente con menor peso, supoñen un adianto no traballo TIC do centro. Proporemos mantelos ao longo do tempo como obxectivos revisables do Plan Dixital (aula virtual, recursos, axuda dixital, plan de formación, etc.).
- O traballo derivado do Plan Dixital, aínda que repartido entre os membros do equipo TIC (e nalgún caso axudados por outros membros do equipo docente/directivo) representa un volume de traballo difícil de asimilar sen horas asignadas expresamente.
- A pesar de non acadar un número elevado de obxectivos e accións, valoramos positivamente o Plan do curso actual no sentido que nos aporta unha liña de traballo a seguir e o equipo docente disoón dunha referencia.
- Aínda que non incluído como obxectivo, resaltamos o traballo do equipo TIC na realización das probas de Competencias Dixitais do Alumnado (4º ESO), que asumimos como parte do Plan Dixital.

Como propostas de mellora:

- Asignar tempos específicos cada trimestre para o desenvolvemento do Plan.
- Reducir o número de obxectivos, especialmente naqueles que supoñen unha maior impliación a medio-longo prazo.
- Ser realistas coas posibilidades do traballo a realizar, tanto desde o punto de vista de horas de esforzo como de dispoñibilidade de hadrware/softwarre/conexión.

O Plan Dixital difúndese na comunidade educativa a través da URL presente nesta aplicación (premer sobre este enlace).