Contribución do PD ao proxecto educativo e ao plan anual

Tal e como se reflicte no noso Proxecto Funcional para o período 2021-2025, estímase que para o ano 2025 o 50% de todos os empregados necesitarán volver a formarse, a medida que se vaian incorporando novas tecnoloxías ao sector produtivo. A alfabetización dixital e competencias en innovacións van ser requisitos necesarios para poder adaptarse ás novas contornas produtivas.

O ritmo de transformación da sociedade actual incrementouse de tal forma, que máis da metade dos cambios máis significativos dos últimos 30 anos producíronse nesta última década.

Por último, toda esta contorna propicia a aparición de megatencias tanto no eido tecnolóxico como a nivel social, sendo dúas as máis presentes actualmente:

• Metaverso: fai referencia ás contornas virtuais, onde cada vez o usuario inverte máis tempo. Aquí entraría dende a realidade virtual á aumentada, ata as redes sociais como o Facebook, onde interactuamos a través dun avatar virtual. Outro exemplo do ámbito do metaverso e o emprego cada vez maior de videoconferencias nas relacións empresariais, sociais ou educativas.
• We Q culture: é unha tendencia social que ten relación coa capacidade de “desaprender” individualmente para “aprender” colectivamente. No contexto actual esta capacidade é case máis importante que a propia de aprender. Por outro lado, a cantidade de información e o ritmo dos cambios a que está sometida a sociedade é tal, que non seria posible abarcala se non se asume o proceso de forma colectiva. Polo tanto, o foco ponse na necesidade de pasar dunha sociedade orientada ao “eu” a unha colectiva baseada no “nós” como forma de sobrevivir neste novo contexto.

Como consecuencia de todo o exposto anteriormente, consideramos que o plan dixital pode contribuír a acadar os obxectivos propostos no noso Proxecto Funcional para o período 2021-2025, e que poden consultarse no documento que se xunta como ANEXO I.

Breve xustificación do mesmo

O plan dixital do centro encadrase na seguinte normativa

• Lei Orgánica 3/2020 de 29 decembro, pola que modifica a lei orgánica 2/2006, de 3 de maio de educación

• Art. 111 bis, Art. 121 e Art. 132  da Lei Orgánica 2/2006, de 3 de maio, de Educación

• Lei 3/2022, de 2022 de 31 de marzo, de ordenación e integración da formación profesional.

• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

Proceso de elaboración

O proceso de elaboración do plan dixital lévase a cabo tal partindo da memoria anual do centro, da Coordinación Tics e da Coordinación de Innovación e Formación, así como as necesidades formativas trasladadas por esta última.

O EDPD está formado por:

• Coordinadora: Marta Amado Díaz

• Outros membros: Patricia Farto Ramos, Amparo Fernández Fernández, María Bouzas Reguera e Begoña Castro Rodríguez.

Nas reunións traballábase sobre a base dos obxectivos do Plan Funcional relacionados coa dixitalización, así coma con outras instrucións e indicacións que nos traslade o asesor ADIX. En base a isto debátense as accións a levar e realizáse unha distribución tarefas, que despois serán revisadas por todo o equipo facendo unha valoración conxunta que permita chegar a acordos definitivos de xeito colexiado.