Este Plan Dixital responde á necesidade de unificar e sistematizar todas as iniciativas, actividades e esforzos que se desenvolven no centro, e que están relacionados co uso das ferramentas dixitais para a planificación, o desenvolvemento e a avaliación do proceso de ensino-aprendizaxe.
Dende fai anos, as chamadas Tecnoloxías da Información e da Comunicación foron gañando presenza e protagonismo nos Centros educativos, sendo ferramentas auxiliares nos diferentes procesos, tanto nos didácticos como nos administrativos, comunicativos…
Na actualidade, as ferramentas dixitais son inherentes á sociedade da que forman parte os docentes e tamén as nenas e nenos, polo que deben formar parte do día a día dos Centros educativos, dado que aportan un valor engadido do que todos somos conscientes.
Polo tanto, este Plan Dixital vén a unificar todas as iniciativas que se desenvolven no Centro relacionadas co uso das Ferramentas Dixitais, conformando un Documento no que se establecen os Obxectivos a conseguir, e un Plan de Acción para cada un deles. O marco normativo que regula a esta acción é o seguinte:
¿ Art. 111 bis, Art. 121 e Art. 132 da LO 2/2006, de 3 de maio, de Educación.
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Característica socioeconómicas e culturais do contexto do centro: Melide é un concello do interior de Galicia, situado ó SE da provincia da Coruña, no Camiño de Santiago. Ten uns 102 Km2 .
O concello de Melide ten unha poboación de 7443 habitantes APROXIMADAMENTE, agrupados en 26 parroquias. A capital municipal conta con preto de 4.000. Tamén se observa o fenómeno da inmigración. Prodúcese un avellentamento da poboación debido a que a mortalidade é superior á natalidade.
As familias do alumnado que viven no entorno do centro residen en edificios de pequena altura ou vivendas unifamiliares, que se estenderon nos últimos anos pola nosa zona. Os que viven no rural acostuman a facelo tamén en vivendas unifamiliares.
A maioría dos alumnos/as contan con recursos tecnolóxicos e informáticos nos fogares. Os sectores laborais das familias do alumnado do centro sitúanse nos sectores agrícola-gandeiro, construción, transporte e administración e servizos.
O nivel socio-económico e cultural das familias é medio-baixo.
Incardinación e contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa, ….
O Plan Dixital formará parte da PXA, contribuíndo á adquisición da competencia dixital por parte do alumnado durante o próximo curso.
Para a elaboración do Plan Dixital creouse un grupo de traballo no que participou todo o profesorado do centro a través dunha liña de traballo dentro dun PFPP.
Todo o traballo foi realizado en conxunto, levando a cabo reunións periódicas e establecendo as liñas a seguir e concretando as necesidades do noso centro en materia dixital.
Os resultados dos test e enquisas realizados foron recollidos polo coordinador do Plan Dixital e expostos e debatidos.
Con todo ilo, establecemos os obxectivos de cara o curso que vén de forma conxunta e coordinada con todos os membros do claustro.