Plan do centro

Datos do plan

Vixencia

 
 
 

Introdución

Introdución

A realización do Plan Dixital fíxose tendo en conta a seguinte lexislación: 

  • Art. 111 bis, Art. 121 e Art. 132 da LO 2/2006, de 3 de maio, de Educación.

  • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.

  • Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.

  • Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.

  • Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.

  • Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.

Á hora de actualizar o Plan contamos en todo momento coa axuda do Mentor Adix. Tras a formación do grupo de traballo do Plan Dixital (PD) no primeiro trimestre do curso académico 2021-2022, estúdase a enquisa SELFIE e as súas posibilidades. Pax 3 de 27 Decídese engadir preguntas propias antes de que a Consellería de Educación facilitase as súas e, tras elaborar a enquisa con estas preguntas, solicítase ó claustro que participe antes das período de Nadal. Cos resultados da enquisa SELFIE obsérvanse algúns datos que non se logran explicar, por exemplo hai respostas que din que non hai material ou aulas de informática suficientes no instituto, algo que non encaixa nin cos recursos dispoñibles nin co seu uso diario, polo que se decide facer unha enquisa propia do centro para esclarecer estes resultados. Xa no segundo trimestre comezamos co Test de Competencia Dixital Docente (TCDD) no que cada profesor fai unha autoavalición sobre a súa competencia e uso de ferramentas dixitais. Con toda esta información e outra complementaria recollida en conversas persoais e reunións do equipo do PD, elabórase o informe de feblezas, ameazas, fortalezas e oportunidades (DAFO), onde se fai unha reflexión tanto dos asuntos a mellorar como das cousas que se fan ben e teñen que manterse. Neste reflexión tamén se establece, de xeito natural, unha escala de prioridades que van construíndo unha lista de accións potencialmente realizables no contexto do centro. Así chegamos ó Plan de Acción, que é unha lista de obxectivos a acadar nos dous próximos cursos académicos, 2022-2023 e 2023-2024, e que son o groso deste Plan Dixital. É importante apuntar que na elaboración do DAFO, ademais da análise cualitativa feita polo equipo de traballo analizando os resultados e interpretándoos, tamén se fixo un traballo puramente cuantitativo collendo como feblezas aquelas áreas nas que a puntuación media non superase o 3,2 e como fortalezas aquelas superiores a 3,9 para o profesorado e o equipo directivo, e no caso dos alumnos 3,2 e 3,5 respectivamente. Esta decisión fai que o esforzo por mellorar algunhas das feblezas vaia ser considerable, pois partimos dunha nota media por riba de 3.

Incardinación e contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa, …. O IES Maximino Romero de Lema imparte FP Básica de Informática de oficina, o Ciclo medio de Sistemas Microinformáticos e Redes e o Ciclo Superior en modalidade dual e modalidade Semipresencial e a distancia de Desenvolvemento de Aplicacións Web, polo que ten unha longa traxectoria no uso e ensino das novas tecnoloxías. O Centro participou e participa en programas de innovación como: PFPP sobre drons e impresión 3D, Eduemprende lanzadeiras, Maker Faire Galicia, Club de Ciencia, Consumópolis, Aula de Emprendemento, Programa Edutecemprende, DIXITALGAL, PLAMBE, Contratos programa, Polos Creativos...

Contribución do PD á Programación Xeral Anual do curso 23/24 O PD contribuirá a reforzar os procesos de ensino-aprendizaxe na medida en que posibilitará distintos enfoques metodolóxicos e proporcionará un banco de recursos para a mellora da docencia. Ademais o estudo propio das ferramentas dixitais contribuirá a un mellor desenvolvemento das competencias do alumnado que lle permitirá un mellor desenvolvemento persoal e profesional.

Contexto DAFO

Instrumentos de recollida de información previa

Para levar a cabo a elaboración deste Plan Dixital de Centrro, púxose en marcha ao inicio do curso  21-22 un PFPP así como a creación do equipo de Dinamización do Plan Dixital. Realizáronse diversas sesións formativas das cales foron froito a posta en marcha do test SELFIE, test CDD, análise DAFO e táboas do  Plan de acción. No curso 22-23 implementouse o Plan Dixital deseñado. Neste curso 23-24 revisouse todo o documento e formuláronse novos obxectivos.

Interno
49 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade G6. Observación construtiva sobre o traballo de compañeiros Alumnado Non
Debilidade B1. Avaliación do progreso Alumnado Non
Debilidade G1. Avaliación capacidades Alumnado Non
Debilidade F4. Inclusión do alumnado Alumnado Non
Debilidade B2. Debate sobre o uso da tecnoloxía Alumnado Non
Debilidade C10. O alumnado non sabe que ten dispositivos Alumnado Non
Debilidade G10. O profesorado non valora as habilidades Alumnado Non
Debilidade F5. Colaboración do alumnado Alumnado Non
Debilidade F6. Proxectos interdisciplinares Alumnado Non
Debilidade H7. Creación de contidos dixitais Alumnado Si
Debilidade H8. Dificultades na comunicación Alumnado Si
Debilidade Distribución do equipamento informático Infraestruturas Non
Debilidade Colaboración con outros centros educativos Organización de centro Si
Debilidade B3. Colaboracións Persoal docente Non
Debilidade 50% do claustro competencia A2, 25%, B1 Persoal docente Non
Debilidade Provisionalidade do claustro Persoal docente Non
Debilidade B4. Aprendizaxe mixto Persoal docente Non
Debilidade D1. Necesidades DPC Persoal docente Si
Debilidade F4. Inclusión del alumnado Persoal docente Non
Debilidade F5. Colaboración del alumnado Persoal docente Non
Debilidade Presión para dixitalizar Persoal docente Non
Debilidade B3. Colaboracións Persoal docente Non
Debilidade G1. Avaliación capacidades Persoal docente Non
Debilidade G3. Retroalimentación axeitada Persoal docente Non
Debilidade F6. Proxectos interdisciplinares Persoal docente Non
Fortaleza E3. Aula Virtual Alumnado Non
Fortaleza C10. Material informático do centro para o alumnado Alumnado Non
Fortaleza E4 e PE3. Uso de Abalar Alumnado Non
Fortaleza C15. Tecnoloxía asistencial Alumnado Non
Fortaleza E4, PE3. Uso da Abalar Familias Non
Fortaleza C10. Dispositivos para os alumnos Infraestruturas Non
Fortaleza Material e aulas de informática Infraestruturas Non
Fortaleza Actividades complementarias Oferta Non
Fortaleza Bibliotecas en liña Organización de centro Non
Fortaleza PE1. Uso de servizos dixitais corporativos Organización de centro Non
Fortaleza C5. Asistencia técnica por parte do Departamento de informática a partir das gardas TIC Organización de centro Si
Fortaleza E4. Comunicación coa comunidade educativa (correo-e, Abalar, etc). Organización de centro Non
Fortaleza A2. Estratexia dixital Persoal docente Non
Fortaleza A3. Modalidades de ensinanza Persoal docente Non
Fortaleza E2. Creación de recursos dixitais Persoal docente Non
Fortaleza E3. Entornos virtuais Persoal docente Non
Fortaleza E5. Recursos educativos abertos Persoal docente Non
Fortaleza D2. Participación DPC Persoal docente Non
Fortaleza E1. Recursos educativos en liña Persoal docente Non
Fortaleza E4. Comunicación coa comunidade educativa (correo-e, Abalar, etc) Persoal docente Non
Fortaleza DPC3. Formación cooperativa Persoal docente Non
Fortaleza DPC6. Outra formación interna Persoal docente Non
Fortaleza Uso frecuente das Redes Sociais vencelladas ao centro Persoal non docente Non
Fortaleza Comunicación dixital Persoal non docente Non
49 elementos atopados, amosando todos os elementos.
Externo 19 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza Presión para dixitalizar Administración educativa Non
Ameaza DPC8. Programas acreditados Administración educativa Non
Ameaza Temario Bacharelato extenso Lexislación Non
Ameaza Lei de protección de datos Lexislación Non
Ameaza Exames de Acceso á Universidade (ABAU) Lexislación Non
Ameaza Presión para dixitalizar Lexislación Non
Ameaza Xestión rede Wifi pola UAC Outras Non
Oportunidade Traballo bo do CFR Administración educativa Non
Oportunidade Bibliotecas en liña Administración educativa Non
Oportunidade Equipo mentor de Vimianzo do Plan Dixital Administración educativa Non
Oportunidade Equipamento Administración educativa Non
Oportunidade PE3. Formación dixital ofertada Administración educativa Non
Oportunidade Actividades complementarias Contorna Non
Oportunidade UTIC2. A tecnoloxía no fogar para aas tarefas escolares Contorna Non
Oportunidade Redes sociais Contorna Non
Oportunidade AFC1. Uso de tecnoloxía fóra do centro Contorna Non
Oportunidade Colaboración nas Redes Sociais co concello compartindo publicacións e contido Outras Non
Oportunidade PE2. Software libre Outras Non
Oportunidade Proxectos polos creativos Outras Non
19 elementos atopados, amosando todos os elementos.
Análise

Tras analizar os resultados do noso DAFO evidéncianse as seguintes necesidades para este curso 23-24  

Elaboración da estratexia dixital do noso centro: Recoñecendo a necesidade de ter un enfoque claro e coherente nas nosas accións dixitais, estamos a traballar na creación dunha estratexia dixital sólida para o noso centro. Esta estratexia servirá como guía para integrar de maneira eficaz as TIC nas nosas prácticas pedagóxicas e administrativas.

Formación dentro dos PFPP do noso centro: A formación é fundamental para que o noso persoal docente se sinta capacitado e confiado no uso das TIC. Estamos a ofrecer programas de formación profesional para o profesorado (PFPP) que lles proporcionen as habilidades e coñecementos necesarios para aproveitar ao máximo as TIC nas aulas. 

Realización de obradoiros TIC con alumnado de 1º e 2º da ESO: Recoñecemos que os estudantes tamén necesitan competencia dixital. Procuraremos levar a cabo o deseño e posta enmarcha de obradoiros TIC especialmente deseñados para alumnado de 1º e 2º da ESO. 

Posta en marcha da nova aplicación Inventario da Consellería: Para mellorar a nosa xestión de recursos e activos dixitiais, estamos a incorporar no noso funcionamento a nova aplicación de Inventario da Consellería.

Obxectivos

Datos obxectivo
Listaxe de obxectivos
Código Obxectivo Opcións
O01PD A1. Elaborar e executar unha estratexia dixital
O02PD D1. Necesidades de DPC (formación profesorado) (Área D - Desenvolvemento Profesional Continuo)
O03PD H7. - Potenciar o uso de ferramentas dixitais entre o alumnado de 1 e 2 da ESO (Área H - Competencia Dixital do Alumnado)
O04PD Poñer en marcha a nova aplicación inventario (*C1) (Área C - Infraestrutura e equipamentos)

Seguimento

Procedemento

O seguimento do Plan Dixital realizarase mediante a análise, reflexión e valoración conxunta entre o profesorado do grao de consecución e desenvolvemento dos obxectivos propostos.  Esta valoración realizarase, con carácter xeral, ao remate de cada un dos trimestres, aínda que tamén ser poderán realizar sesións de avaliacións ao remate dos proxectos concretos que se desenvolvan.

As reunións dos órganos de coordinación docente, así como dos órganos de goberno do Centro, permitirán levar a cabo o deseño, o seguimento e a avaliación dos proxectos, complementados coa realización de enquisas de valoración por parte dos participantes nas distintas actividades e a análise de evidencias e producións realizadas en cada actividade e proxecto.

No proceso de avaliación e seguimento analizaranse os seguintes aspectos:

- Grao de consecución dos obxectivos propostos.

- Grao de participación e implicación dos destinatarios do proxecto e das actividades.

- Cantidade, calidade e validez dos materiais e resultados das actuacións.

1º Trimestre

Os obxectivos neste trimestre atópanse no seguinte punto:

  • O01PD     A1. Elaborar e executar unha estratexia dixital: en desenvolvemento e pendente de enviar ao Claustro.  
  • O02PD     D1. Necesidades de DPC (formación profesorado) (Área D - Desenvolvemento Profesional Continuo): formacións PFPP concedidas e pendentes de desenvolver no segundo trimestre.   
  • O03PD     H7. - Potenciar o uso de ferramentas dixitais entre o alumnado de 1 e 2 da ESO (Área H - Competencia Dixital do Alumnado): acadado  
  • O04PD     Poñer en marcha a nova aplicación inventario (*C1) (Área C - Infraestrutura e equipamentos): en proceso de elbaoración de folla de cálculo para inventariado.   

 

2º Trimestre
  • O01PD     A1. Elaborar e executar unha estratexia dixital: en desenvolvemento e pendente de enviar ao Claustro: acadado
  • O02PD     D1. Necesidades de DPC (formación profesorado) (Área D - Desenvolvemento Profesional Continuo): formacións PFPP concedidas e pendentes de desenvolver no segundo trimestre. Falta a memoria final que se entregará en maio.
  • O03PD     H7. - Potenciar o uso de ferramentas dixitais entre o alumnado de 1 e 2 da ESO (Área H - Competencia Dixital do Alumnado): acadado  
  • O04PD     Poñer en marcha a nova aplicación inventario (*C1) (Área C - Infraestrutura e equipamentos). Paralizado temporalmente. 
3º Trimestre
  • O01PD     A1. Elaborar e executar unha estratexia dixital: en desenvolvemento e pendente de enviar ao Claustro: acadado
  • O02PD     D1. Necesidades de DPC (formación profesorado) (Área D - Desenvolvemento Profesional Continuo):acadado
  • O03PD     H7. - Potenciar o uso de ferramentas dixitais entre o alumnado de 1 e 2 da ESO (Área H - Competencia Dixital do Alumnado): acadado  
  • O04PD     Poñer en marcha a nova aplicación inventario (*C1) (Área C - Infraestrutura e equipamentos). Acadado. Continuarase para o vindeiro curso académico.

Avaliación

Procedemento para a avaliación

- No contexto da avaliación procesual a frecuencia da súa realización será unha vez no fin de cada trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Valoración xeral

No presente curso académico, os obxectivos do Plan Dixital do noso centro atópanse no seguinte estado:

O01PD - Elaborar e executar unha estratexia dixital

Área: A1 - Organización do centro

Estado:  Acadado

Valoración: A elaboración e execución da estratexia dixital foi completada con éxito. Esta estratexia proporcionará unha guía clara para a integración das tecnoloxías dixitais en todas as áreas do centro, garantindo un enfoque coherente e estruturado.

O02PD - Necesidades de DPC (formación profesorado)

Área: D1 - Desenvolvemento Profesional Continuo

Estado: Acadado

Valoración: As necesidades de Desenvolvemento Profesional Continuo do profesorado foron atendidas a través de diversas formacións. Estas actividades formativas permitirán ao profesorado mellorar as súas competencias dixitais, beneficiando directamente o proceso de ensino-aprendizaxe. As formacións realizadas foron: Impresión 3D, manexo de Dron, Aula Virtual.

O03PD - Potenciar o uso de ferramentas dixitais entre o alumnado de 1º e 2º da ESO

Área: H7 - Competencia Dixital do Alumnado

Estado: Acadado

Valoración: O uso de ferramentas dixitais foi potenciado entre o alumnado de 1º e 2º da ESO, logrando unha mellora significativa nas súas competencias dixitais. Estas ferramentas facilitan a aprendizaxe interactiva e a adquisición de habilidades tecnolóxicas esenciais. As actividades centráronse no uso de Aplicacións de ofimática de Software Libre.

O04PD - Poñer en marcha a nova aplicación inventario

Área: C1 - Infraestrutura e equipamentos

Estado: Acadado

Valoración: Realizouse o inventariado do 50% das aulas do noso centro, algo co que se continuará no vindeiro curso académico quedando pendente o mecanizado desa información na aplicación inventario cando a Consellería o indique.

En conclusión, os obxectivos do Plan Dixital do noso centro foron acadados con éxito neste curso académico.

Proposta de mellora

Para o vindeiro curso, temos entre outras, as seguintes propostas de mellora no Plan Dixital do noso centro:

1. Mellorar e Actualizar a Páxina Web do Centro

  • Actualizar regularmente o contido da páxina web para manter á comunidade educativa informada sobre as novidades e actividades do centro.
  • Facer a páxina web máis accesible e fácil de navegar para todas as familias, incluíndo aquelas con menos experiencia dixital.

2. Formación para Familias e Alumnado

  • Continuar coa formación en competencias dixitais para as familias e o alumnado que xa está no centro.
  • Ofrecer formación específica para o alumnado novo que se incorpore ao centro, asegurando que adquiran as habilidades dixitais necesarias dende o inicio.

3. Formación Continua para o Profesorado

  • Seguir proporcionando oportunidades de formación en novas tecnoloxías e metodoloxías dixitais para o profesorado.
  • Incluir cursos sobre temas avanzados como impresión 3D, programación, e outras ferramentas dixitais innovadoras.

4. Rematar e Actualizar o Inventario do Centro

  • Completar o inventario do centro educativo e asegurarse de que está completamente actualizado.
  • Manter o inventario ao día ao longo do curso, rexistrando calquera novo equipamento ou cambio nos recursos existentes.

5. Preparación para a Proba de Competencias Dixitais

  • Preparar ao alumnado para a proba de Competencias Dixitais, asegurando que adquiran as habilidades necesarias para realizar a proba con éxito.
  • Ofrecer actividades e recursos adicionais para reforzar as competencias dixitais do alumnado antes da proba.

Estas propostas de mellora están deseñadas para continuar co avance do noso Plan Dixital, garantindo que toda a comunidade educativa estea preparada  para facer fronte aos retos e oportunidades que as tecnoloxías dixitais ofrecen.

Comunicación e difusión

Comunicacion e difusión

O Plan Dixital, unha vez validado e aprobado polos órganos colexiados competentes será publicado na páxina web do centro. Tamén se enviará o enlace ás familias, ao Claustro, Consello Escolar e á Inspección Educativa.

Enlace ao buscador do Plan Dixital
Instrucións: no desplegable de convocatoria escoller o "ano académico 2023-2024". No desplegable de plans escoller "Plan Dixital". No apartado de centro podemos escribir o nome do centro a buscar e seleccionamos. Prememos en "Buscar". Na columna "Opcións" premer na lupa.

Volver