Datos básicos do centro
Nome do centro: IES TERRA DE TRASANCOS
A dirección do centro é: Camiño Real s/n 15570 Narón(A Coruña)
O correo do centro é: ies.terra.trasancos@edu.xunta.es
A nosa páxina web: http://www.edu.xunta.gal/centros/iesterratrasancos/
Temos arredor de 429 alumnos e 54 profesores que imparten a docencia en ESO, Bacharelato, Fp Básica e Comercio e Fp Básica de Electricidade e Ciclos Medio de Administrativo e Ciclo Superior de administración e finanzas.
No centro ademais traballan dúas conserxes, tres limpadores e unha administrativa.
Contextualización do Plan Dixital no centro. Contribución ao Proxecto Educativo do Centro
O Instituto de Ensino Secundario Terra de Trasancos é un centro do Concello de Narón (A Coruña) de titularidade pública. Atópase no lugar de Camiño Real S/N e o acceso principal ao centro resólvese dende a Estrada de Cedeira. A distancia do IES aos núcleos urbanos do concello, así como a procedencia dos alumnado, fai que este utilice para o acceso ao centro o transporte escolar, e, no caso dos alumnos de ciclos, transporte privado cando o seu horario lectivo non coincide co do resto dos alumnos. Este feito supón un condicionante na actividade do centro, pois, na práctica, o desenvolvemento de calquera actividade fóra do horario lectivo implica o desprazamento dos participantes polos seus propios medios sen que exista, nin sequera, transporte colectivo público nas proximidades. Os rapaces adscritos ao noso centro proveñen a súa maioría do CEIP Gándara e en menor medida do CPR Santiago Apostol e do CEIP Jorge Juan.
O Plan Dixital que estamos a realizar vai contribuir a organizar mellor os recursos dixitais cos que conta o centro, para que todos os Departamentos poidan coñecer e utilizar os devanditos recursos, e tamén para poder mellorar as nosas debilidades e afianzar as nosas afoutezas.
As novas tecnoloxías están presentes no noso centro dende fai anos e tentamos fomentalas con diversos Plans de Formación de Profesorado, e incorporando as novas tecnoloxías no noso traballo diario, para que nos poidan ser útiles tanto como Claustro como individualmente.
O plan dixital vai estar presente na Programación Xeral Anual, tanto dende a organización de formacións iniciais para todo profesorado, como dende o seguimento que faremos ao longo de todo o curso.
Breve xustificación do mesmo
Para a elaboración do Plan dixital do noso centro tívose en conta:
-
Art. 111 bis, Art. 121 e Art. 132 da LO 2/2006, de 3 de maio, de Educación
-
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
Os integrantes do equipo encargado da elaboración do presente plan son os seguintes: Galdo Vigo , María Graciela; Rivera Herrero , Sabela e Suárez Sanjuás , Vicente.
